[برجيل]

امين انته على دينه القائم مخليك
علي وجدك علي وراية علي بيديك
كسرت خشوم كثره بسكتتك مولاي
ويوم الي ثرت صارت نعل رجليك
جبل وال عادتك شافت نفسهه حجار
تطخ بيك وتطيح تراب يم واديك
لغز وتحيرت بيك الدول ياكون
وكلمن فسرك لو عشر ماقاريك
عقيده انته وفكر ولكل فخر عنوان
حكمت العالم ومحد تحكم بيك
صحت صيحة حسين وتعرف التوقيت
واجتك كلهه تصرخ عالوعد لبيك
شكَيت شكثر بالصيحه من حلوكَ
وذليت الحثاله الماهوت طاريك
وعلى طاري الفخر تاج انته فوكَ الراس
وخل تعرف حجمهه الرادت تعاديك