[الشاعر سعيد الفتلاوي]

قصيدة / كريم البيت

.......................................
......................

كريم البيت نورك من نبينه

تِنِور الدنيه باسمك يا ولينه

........................

الك مولاي من جدّك كرامه – ولينه تصير سيد للامامه

ولي الاحرار واليوم القيامه – فِداك انروح يا مهجة علِينه

........................

نِهنّي المرتضى بْهاي الولاده – نِعيش افراح تغمرنه السعاده

ولاده امباركه مْن الله العباده – لبو اليمّه نِهنّي والامينه

........................

رفعنه اليوم للزهره التهاني – كتبنه اشعار بيها اجمل معاني

وْدعينه الباري يرزقنه الاماني – بِسم مولود هادينه ارتجينه

........................

كريم البيت محلاها المقوله – الكرم والجود باسمك والبطوله

الحسن مولاي عنوان الرجوله – الضعيف الحال توگفله وْتعينه

........................

فرح واعياد مولد مجتبانه – سمه الرحمن فرحانه وجنانه

امام الخير ربنه امعلي شانه – ضوت بانواره هالليله المدينه

........................

فخر هالدين يا رمز العشيره – العِلِم واحكام عندك والبصيره

رمز كل مسلم وْ يفخر اميره – الك يبن الزچيه احنه نْتمينه

........................

تمنيت البقيع اوصل وزوره – وجيب وياي اهلي والنذوره

ترد بزيارتي الگلبي سروره – مْن اقبل تراب گبرك بالمدينه

..............................................

.....................................

خادم اهل البيت ( ع )

الشاعر الحسيني

سعيد الفتلاوي الطويرجاوي