[عدنان منعم]

عدنه حاجات وكصدناك بعقيده 0 نحلفك تخلصها وبلوعة حميده
اليكصدك مايخيب 0 انته للعله طبيب
اليكـــصد يعرف شيكــــــــــصد واحنه بلوعه متعنين
يمك نوخت روحي منـــــــــــــــــــين ابدي دكلي منين
احلفك وادري يصعب صاربحميده وصب دمعها العين
مسلم ماترد ملهوف بابك ماتــــــــــــــــــــــسده سنين
حامل اهمومي واجيتك لاتردني 0ابابك انعه والحميده يزيد وني
اليكصدك مايخيب 00 انته للعله طبيب
اجيتك وانه دمعه ونوح همــــــــــــــــــي الهدم اركاني
خلصت لوعه يتبع هم ويومي يعاشــــــــــــــــر احزاني
دمعتي تسيل ليكم دوم وبكل عزه تلكــــــــــــــــــــاني
وشخبرك بعد يامســــــــــــــلم خادم انه عنـــــــــــــواني
خادم العتره العمر كله كظيته 0يسري وي دمي تره حبكم لكيته
اليكصدك مايخيب 00 انته للعله طبيب
خاواني الفكر والــــــــــــــــعوز لاجن ماعفت خطـــتكم
شماتعسر يبو الكــــــــــــــــــــــــلفات اخلي طلبتي يمكم
روحي هموم يابو هموم بـــــــــــــــــــس مابارحت حبكم
وساعات الحشر صــــــــــــعبه ماترجه بــــــــــــس ودكم
بيك مسلم تخلص وتجلي همومي 0انته عمري وسيدي وطروتك يومي
اليكصدك مايخيب 00 انته للعله طبيب
احلفك وادري قاسي عليك بحــــــــميده ولوعة العاشر
ولوعتها علا فركاك وجفنـــــــــــــها الي بكه مساهر
صد ليه اريدك عون عليك بمــــــــــــــــنحر الثائر
ابابك كورت همــــــــــــــــــــي واظل الفزعتك ناطر
ناطر الفزعه يبو جفوف الوفيه 0محلفك بدم الجره بالغاضريه
اليكصدك مايخيب 00 انته للعله طبيب
بدمعها ورهبة العاشــــــــــــر حميده وحرك المخيم
ودمع زينب علا العباس وجفوفه اليصـــــــــبن د م
اكصدك وانته باب الله وانه منل التـــــــــعب مهدم
واعرف ماترد ملهوف مســـــــــــــــــلم انته المشيم
ماترد ملهوف يامعنئ الكرامه 0يلي تربيتك نبع من الامامه
اليكصدك مايخيب 00 انته للعله طبيب
رايح راجع الداري وظلــــت طلبــــــــــــــــــتي يمــك
عليك اقسم يبو الحاجات احـــــــــــــلفك بالوصي عمك
احلفك بالسبي وزينب لو حلفــــــــــــــــــــــك انه بدمك
ودمك من جرخ للدين ردنه سيــــــــــــــــــــــــدي يمك
دمك السال وجره بالغاضريه 0صار للثوار مولانه هويه
اليكصدك مايخيب 00 انته للعله طبيب

خادم الحسين 00 عدنان منعم