[عدنان منعم]

ياداعش لاتدنانه ..غيرة عباس ويانه
منصوره رايات ابلادي
انه العراقي وغيرتي من عباس
راظع كرمه وغيرتي وي الانفاس تعرف كلامي وبالعزم كل الناس
اجدادك روح اسئلهم .. بالطف ياهو البهذلهم
معروفه صولات اجدادي
عندي ترابي اغلا من ماي العين
انه الغيور وعزمي صار من حسين
اخوان سنه وشيعه نحمي الصوبين
لترابي بالك تكرب .. زودي منل ذابح مرحب
مرخوصه لترابي عيوني
بينه المراجل ثابته من العشرين

محد كدرنه وتشهد بهذا سنين
نحــــمي بلدنه وبربوعه باقين
شاجوري الخاوه ازنودي .. مايوم اخلف بوعودي
هدينه ياداعش وينك
نحمي وطنه ومانهـــا ب الارجاس بينه الشـــجاعه وشمره من العباس
دار الـــــــكرامه وابد لاماتنـــــــداس
معروف واصلي معرف .. وجفني لو صكت مارف
ومحزم بغيرة ناسي
انه العراقي وثابت بكل مــــيدان اصل البطوله وللكرم هم عنوان
رحمة علي بينه اساس الاحسان
من حيدر ماخذ طبعي .. بس المراجل ربعي
ماصاحب الخايف طبعي
روحي وي روحك ياوطن ماخليك بعمري وسنيني ياترف انه افديك بكل غالي صدك ياوطن انه اشريك
سالم يالساكن عيني ...افديك بكل سنيني ياهيبه ياتاج الدنيه
خادم الحسين ... عدنان منعم