[أنوار البتول]

اقتباس : المشاركة الأصلية كتبت بواسطة عاشق الأكرف [ مشاهدة المشاركة ]

ياهلاومرحبا بيك خيتو انوار ياهلاا فيك اخووي اسمحي لي انوار بدي المداخلة ولو تفضل اخذ راحتك اظاهر تخصصك قريب من تخصصي بما انك تعرفي هالاشياء عن التوحد وغيرة انت شنو تخصصك ؟؟ لا انا مادرست ولاتخصصت .. انا اول ماتخرجت من الثانويه كان حلمي اني ادرس واتخصص علم نفس لكن ماكان الا بالرياض وبسسب ظروفي مع تعارض الاهل ماقدرت ارووح الرياض وادرس .. وبعدها رحت مركز لذوي الاحتياجات الخاصه بالدمام واخذت دوره عندهم 4 شهور تقريبا .. وبعدها توظفت عندهم .. فترة التدريب كانت بقسم التوحد مساعده اخصائيه وبعدها انتقلت لقسم التأخر العقلي والمتلازمه دوان .. بس اول مادخلت هالمجال ماكنت اعرف ولاشي عند التوحد ولاعن التأخر العقلي .. بس كنت اعرف متلازمة دوان (المغوليين) .. ومع الايام تعلمت كل شي وصارت عندي خبرة تفوق الاخصائيه ولما الاخصائيه تستقيل وتيي وحده غيرها انا اللي اعلمها الشغل .. مو مدح بنفسي بس هالحقيقه والله الشاهد علي .. وعلى فكرة بس تصحيح معلومة التوحد خيتوو مو مرض هو اعاقة معقده لان المرض فيه علاج لكن الاعاقة تخف وتتحسن لكن توقف عند خط معين اي صح كلامك .. ذكرتني لما كنا باجتماع مع دكتورتنا الله يذكرها بالخير حول هالموضوع شرحت لنا ان اهي عاقه وليست مرض مع ان المعروف والشائع بالكتب الطبيه مرض .. لكن بالاساس اهووه اعاقة مثل ماقلت .. وللأسف الكثير من مجتمعنا مايعرف شنو توحد ..!!! بسبب قلة الاعلام عن هالاشياء وقلة البرامج الي تهتم ص حيح فيه منتديات كثيرة وكتب بس اكثرها يزورها الي يعانون من هالشي ببيتهم او المتخصصين بس هذي اعاقة التواحد اعاقة عجيبة بقد ماهي غامضة بسبب ان ماحد يعرف اسباب معينة لحدوثها صحيح العلماء صنفت ان قبل الولاده وبعدها واثناء الحمل بس الريئسي ماشافوه ودا الشي العجيب ان العلم كل يوم يتطور لكن عند اعاقة التواحد واقف سبحان الله .......... كلامك في عين العقل مافي وعي ثقافي صحي ..ولافي مراكز حكوميه تستقبل هالفئه .. وبضيف على اهم عواملة تصدقي انوار ممكن لطفل التوحد ان يدور حول نفسة لمده عشر ساعات مايتعب ولا يدور راسة الا لين وقفتية ..................!! وااي ذكرتني بذيك الايام وعواار الراس .. هذا يكوون عنده نشاط حركي زائد .. كان عندي طفل توحد عمره 6 سنين كان كل يدور مايقعد ويكسر الالعاب وروتينه صعب ياويل احد ايي ويحرك شي من مكانه ويتكلم شوي ويردد الكلام .. بس كان جثته ضخمه وحالتي حاله ويااه ماقدر عليه .. بس اذا عطووه حبوب مهدئه يهدأ شوي بس ماشاء الله عليه ذكي وجميل ومرح .. وممكن ان لو نام على المخده عادي جدا ان تسحبي المخده ويضل راسة بالهواء لمده ساعات وكنه في وضع المخده ............!! اي لانه ماعنده احساس باللي حوله .. وطفل التوحد التعامل وياه من وراه وتحريك ايادية افضل من التعامل معاه من قدام لان يشوفك بس مايستوعب شنو تبي منه .......!! اي لانه ماعنده تواصل بصري فعشان كذا مايلبي الطلب .. بس مو كل التوحديين ماعندهم تواصل بصري .. بس اغلبهم ومن اهم ميزاتهم ان بعد سن المراهقة يصير عبقري بشكل مو طبيعي بحيث يمكن ان يتذكر اخبار سمعها قبل 15 سنة في التلفزيون ويقولها لك نصا بدون نسيان اي شي ...........!! وشطار جدا جدا ومتيزين في العمليات الحسابية يعني عادي يضرب 152452 في 854525 ويحسبها قدامك ويقول النتيجة وانتي تشوفي بالحاسبة كيف ان جوابة صحيح.............!! اي صح كلامك .. كان عند اختي نوراء طفل عمره 13 او 14 سنه معاه طيف توحد وماشاء الله عليه ذكي مرره وفي المسائل الحسابيه يعرف يحلها احسن منااا ..انا لما كنت بالتأخر العقلي كانوا ايبووه لي واعلمه رياضيات انا ماعرف القسمه واهووه يعرف .. بس في عيب ان روتيني بزيااده .. والكثير الكثير من هالعجايب الي يمكن انتي تصدقيها بس غيرك يقول دا كيف معاق ويقدر يسوي كل هالاشياء كانت عندنا نماذج وااايد لاطفال التوحد وكل طفل وقدراته .. يعني مانقدر نعلم هالطفل الا بعد مانحطه بالملاحظه ونشووف قدراته يتكلم - يعتمد على نفسه في كل شي وبعدها نوضع له خطه فرديه .. سبحان الله الله ياخد شي ويعطي شي سبحان الله .. وان شاء الله ماثقلت عليك بس حبيت اضيف معلومات للي مايعرف ويش مميزات هالطفل وطبعا ماقصرتي بالي طرحتية عطيتي الموضوع حقة بختصار والله يعطيك الصحة والعافية ويزرقك الذرية الصالحة ان شاء الله

الله يعافيك اخووي تسلم هذا من طيب اصلك ..

الف شكر لك اخووي عالمداخله الرائعه والطيبه .. اسعدتني وااايد ..

وان شاء الله هم انا بعد ماثقلت بالهذره اهووه في مواقف ومعلوماات حليووه ومتعبه نفسيا وجسديا لاتعد ولاتحصى عندي .. يعني لو اقعد اذكرهاا ماراح اخلص .. فعلا كانت ايام حليووه ماتنسى . بس مازلت متردده ارجع لشغلي ..

تحيااتي .. أنـوار البتـول ..