[عاشقة أهل البيت]

..(( الجزء الحادي عشر ))..





الجزء الحادي عشر

((
"أبعــــــــــــــتذر"
وإرسل مع الشوق عذري!
ياللي مكانك بين عيني وقلبي. أنا
مقصر
والظروف اجبرتني!
وأبيك تقبل إعتذاريوظرفي؟والله
ماني
مهملك في حياتي!
لكن حياتي كلها أتعبتني ))

انتظرت ربع ساعه وهي تبكي ... لا يوجد رد
..
<<<
بنفس الوقت كان فيصل بالحمام يسبح وطلع شاف جواله يرن جايته رساله
شاف اتصالها مرتين وقرأ الرسالة
ابتسم بفرح .. ماصدق .. شوي ويصيح من الفرح .. لكنه مارد عليها ..

كان يبيها تحس باللي هو عاناه منها ..
حط المنبه ونام أحلى نومه << خخخ فاضي صح!!:p
أما ريحانه انتظرت مده فتحت النت يمكن تشوف ندى لكنها موشابكه
مسحت دموعها ونزلت اتصلت لها .. ماترفع .. غريبه !!! ماتتوقعها نامت ..!
راحت تحاول تنام لكنها مانامت
كانت تعبانه نفسيا وجسدياً ...


يوم الاثنين الصبح بالجامعه بعد مااستلموا الكتب...

ندى بعد ماانفردت بريحانه: ابوي جا امس ويقول ان العرس مع العقد بعد عيد الفطر
ريحانه: كيف ؟؟؟؟ مايحس هذا؟؟؟؟؟؟؟؟؟
ندى: آه لاتزيدي همي انا ماققدر اتكلم بس شكله سعد كلم ابوي لان من درى طلع ورجع معصب
ريحانه: وشو بتسوي
ندى: مااقدر اسوي شي
ريحانه: خل نقعد هنا ظهري وبطني يألموني << عارفين بنات أعراض ايش مايحتاج اكتب ;)
ريحانه بعد ماقعدوا: كيف يعني ماتقدري مو اخوانك قالوا بيسألوا عنه ومادري شو
ندى: لؤي يقول انه سأل عنه
ريحانه: وشو قال
ندى: يقول الرجال زين
ريحانه: آآخ كل واحد وهمه
ندى: صحيح موقلتي بتتصلي على فيصل
ريحانه: الا اتصلت له ورسلت
ندى: رد
ريحانه باسف: لاا
ندى: اووف شكله موصل حده يعني
ريحانه: خل نقوم مع البنات احسن ...
ندى: يالله
قعدوا مع البنات شوي
أما ريحانه تعبت زيادة اتصلت لحيدر يوديها البيت لان ماعندهم شي بالجامعه الا اسبوع الجاي


بمكتب العمل ..
أخذ حيدر مفاتيح السيارة
الا والباب ينطق
حيدر: تفضل
فيصل: ياهلا ولد العم
حيدر بابتسامه : اهلين شخبارك
فيصل: تمام التمام وين رايح
حيدر: باخذ ريحانه من الجامعه
فيصل: صحيح ؟؟
حيدر: ههههههه أي شفيك
فيصل: الله يخليك عطني المفتاح انا امبي اروح لها
حيدر باستغراب: ليش ؟؟
فيصل: ممكن صدقني مابنسى لك هاذي بحياتي
حيدر ومازال مستغرب: طيب وليش ماتروح بسيارتك
فيصل: مو انت قلت لها بتجيها يعني بتدور سيارتك خذ مفتاحي حق اذا احتجت السياره
تبادلوا المفاتيح وحيدر مازال مستغرب !!!
أما فيصل طيران للسياره .. مر على محل ورود قريب واشترى لها باقة ورد جوري احمر وابيض ورش عليه من عطره << حركات ها خخخخ
وراح على طريق الجامعه ...


أما بالجامعه ..
شوق: امبي انام عيوني بتسكر
ريحانه: هههههه تعالي معي نوصلك
شوق:لا مابروح بتصل لمحمد اذا يقدر
دانه: خخخخ مدام السالفه فيها محمد غسلي ايدك ريحانه
شوق: هههههه انا رايحه اتصل
راحت تتصل على محمد واللي كان عند حيدر لانه العمل قليل عندهم اليوم وخلصوا
محمد: ياهلا بالغلا كله
شوق: اهلين حبيبي كيفك
محمد: تعباااااااااان
شوق بخوف: وش فيك محمد
محمد: الدكتور يقول حالتي صعبه
شوق: محمــــــــد وش صاير خوفتني
حيدر كان يتسمع له وهو ميت من الضحك
محمد: قلبي يعورني
شوق << مااستوعبت بعد انه مقلب : رحت للدكتور؟؟
محمد: ههههههههههه وشفيك شوقوو مشتاق لك انا
شوق: هههههههههههههههه خوفتني الله يغربلك
محمد: دوم هالضحكه قلبوو بغيتي شي
شوق: كنت بقول لك اذا تقدر تمرني ماعندنا شي والبنات بدأو يطلعوا حتى حيدر خويك جاي لاخته الحين قلت اروح انام بدل القعده
محمد: هالشايب هاهو جنبي ماطلع لاخته
شوق: خخ اكيد انت اللي معطله
حيدر: هيه انتو وشو تحشو فيني
محمد: تقول مفروض انك الحين بالجامعه تاخذ اختك
حيدر: لا فيصل راح لها قال يبي يروح لها
محمد: اهااا سمعتي شوق موبس انا مشتاق
حيدر: تعال انت ياصاحب الشايب قول لها لاتقول لريحانه شكله فيصل مايبيها تعرف
محمد: اوكي يالله انا طالع
حيدر: الله معك
بعد عشر دقايق جاتهم شوق
ندى: شووقوو كل هذا تقولي له تعال
ريحانه تجاريها: ههههههههههههههه كانت تقولها بالبطيئ وتوها مخلصه
شوق: ههههههه غربل الله ابليسكم ماتخلوا الواحد يتهنى دقيقه بالبيت ريمو وانتو هنا
دانه: هههههههههه عقبال مانفرح فيكم كلكم
تغير وجه ريحانه...
ريحانه: انا بروح عند البوابه الحين مفروض يوصل
شوق: انا بروح معك
بالطريق كانت شوق حابه تسال ريحانه عن علاقتها مع زوجها
شوق: ريحانه
انتبت من سرحانها: هاا
شوق: كيفك مع فيصل الحين
ريحانه تحاول تتهرب بعيونها: بخير
شوق: متى اخر مره شفتيه
سكتت ريحانه
شوق: انتي ماتكلميه ؟؟
ريحانه بانفعال وعينها امتلت دموع : والله انا نادمه بس هو مايرفع انا غلطت عليه بس مويسوي كذا
شوق: هدي طيب وشوصاير
ريحانه طلعت كل اللي بقلبها وقالت لها كل اللي صار
شوق كانت حاسه باللي حاسه به لكن ماتبي تخرب مفاجاة فيصل
وهم يتكلموا رن جوال ريحانه
حيدر: ياهلا ريحانه
ريحانه: اهلين
حيدر: يالله اطلعي بره وقولي لشوق بعد محمد جاها << حق لاتحس بأن حيدر مو اللي جايها
ريحانه: طيب طالعين
طلعت شوق مع ريحانه ...
ريحانه شافت السياره وراحت لها بتقطع الشارع
ومرت سياره مسرعه يقودها شاب شكله سكران وصقعها ومشي.......
طاحت ريحانه كانت الصدمة مو كامله يعني كانت قريب تقطع الشارع وصاد رجلها بس
لكنها طاحت ...
انتبه لها فيصل وراح يركض لها
رفعها من الشارع كان الشارع مافيه الا هو ومحمد
وصلت شوق وهي تصرخ على ريحانه
محمد انتبه لهم جاب غرشه ماي بارده وعطاها فيصل
فتح وجهها كانت مغمى عليها كت عليها الماي لحد مااوتعت شوي وشربها اياه
حملها وراح بها لأقرب مستشفى ...

نخلي ريحانه تتكلم شوي ...
لما صدمتني السيارة جات الضربه على رجلي لكنها موقويه لكن حسيت بأن الدم ينزل وشوي ماحسيت الا بماء على وجهي فتحت عيني بصعوبه كان قدامي فيصل !! مستحيل هذا فيصل اكيد انا اتوهم من التعب ماقدرت افتح اكثر غمضت عيني ومادريت باللي صاير حولي ....

فيصل وصل المستشفى واخذوها على طول لغرف الطوارئ وهو راح للاستقبال حق امور السجل
وماعرف هي بأي غرفه كانت فيه ثلاث غرف وحده منهم فاضيه وبقى ثنتين مايدري هي باي وحده !!
وهو رايح جاي عليها له نصف ساعه يدور ماقعد
يدعي لها واتصل له محمد ثلاث مرات لكن كالعاده لاجديد
وهو يدور جات قدامه ممرضتين انجليزيتين
<< بعد الترجمه خخخ
الاولى: هذا صعب على اهلها فقدها فهي مازالت شابه
الثانيه: الله يرحمها يكون الله في عونهم <<<خخخ مسلمه هاذي
الاولى: كان من الصعب معالجتها فهي اتت متاخره
وراحوا على المصعد
سمعهم فيصل وجن جنونه
صار يلحقهم : هييييييه انتي وقفي دقيقه
تذكر في لحظه انهم مايتكلموا عربي
صارخ بصوته يلحقهم قبل مايغلقوا المصعد

If possible minute allowedI want to floor on sick


<<< يعني ممكن دقيقه لو سمحت أريد ان اكلمك بشان مريضه











إنتهــــــــــــــــــــ،،،ـــى
الجزء .....