[عاشقة أهل البيت]

..(( الجزء السابع عشر))..


الجزء السابع عشر ..

صباح العيـــــــــــــــــــ,,,,ــــد

ريحانه: ايمان ترى بنمشي عنك
ايمان: زين بقوم
جاسم:يقوم لكم ابوي ربع ساعه وبنتحرك
ريحانه: انا جاهزه بس قومها موراضيه تقوم
جاسم: نمشي عنها عادي
ايمان: لا لا خلاص قمت
جاسم: ههههههه ماينفع الا كذا
ريحانه: احد بياخذ الفطور
جاسم: الفطور على حيدر
ريحانه: اهم شي الحمص لاينساه
جاسم: لا كتبته له باول القائمه
ايمان: جاسم فيه بركه صح ؟
جاسم: ايه
ايمان: بقوم اجهز اغراضي حقت السباحه
جاسم: تفرغتي
ام حيدر: يلا احنا جاهزين
ايمان: ماما وين اغراض السباحه حقي
ام حيدر: اخذتهم عندي يلا ننزل
ابو حيدر: جاسم خذ ايمان وبتول معك
حيدر: انا امشي محد بيجي معي
ريحانه: انا بروح معك
حيدر: بمر ترى على المطعم انا
ريحانه: ماعليه
بالسياره ...
حيدر: مابغيت اخلص زحمه ماعمرهم شافو اكل
ريحانه: ههههههههه لانه من شهر مافطروا
حيدر: امسكي هذا
ريحانه: مو كأنه قليل
حيدر: بيت عمي جايين الحين اما الباقيين كلهم بعدين مابيفطروا
ريحانه: اهاا .. تعال ابوي كلم عمي امس
حيدر: ايه
ريحانه: شو قال
حيدر: هو موافق بس لازم يسألها
ريحانه: اممم توقع سألها
حيدر: ههههههه شدراني انا انتي أدري .. شرايك تسأليها
ريحانه: لا ماني سائلتها خلها براحتها لاتنحرج
حيدر: امم صحيح
ريحانه:المزرعه بعيده
حيدر: لا على هذا الشارع بس ادورها .. وصلنا هاهي
نزلوا الاغراض وكان بس هم اللي بالمزرعه بيت عمهم ماوصولوا للحين
جاسم: الله شهيه الريحه جيب بس جوعاان
حيدر: بيت عمي ماجاو
جاسم: لا بعدهم تعال قسم النسوان نفطر مع امي وابوي

..
بعد ساعتين...
ريحانه: دانووه خل نطلع برا شوي
دانه: الريايل يسبحوا ؟
ريحانه: أي مولازم عبايتك
دانه: دقيقه بس اخذ الكبوس عن الحر
ريحانه: مريم تجي معنا
مريم: لا بشرب لي شاي بعدين الحقكم
دانه: يلا تعالي اشربيه برا
مريم: انزين بعد نفس الكبوس خخ مطقمين احمر في احمر
كانوا لابسين بيجامات رياضيه حمراء وكبابيس نفس بعض متفقين
دانه: الله حلو الجو
ريحانه: تعالي نركب المريحانه
دانه: لا لا انا امبي اسابق دام مافيه احد
مريم: انا الحكم
دانه: هههههه خايبه
ريحانه: من هنا كل وحده تروح طريق اليمين او اليسار ونلتقي بنفس النقطه
دانه: طيب انا عاليسار
مريم: واحد اثنين ثلاثه
ركضت كل وحده بطريقها بأعلى سرعه عندها ...
دانه كانت تسرع وهي تنافخ منزله راسها عن الشمس .. وطراااخ صقعت في احد بالقوه وطاحوا الكبوسين <> القبعتين <>..
دانه وهي ترفع راسها: ريحانووه يالدبه ماا ....
سكتت .. اللي صدمته مو ريحانه .. كان .. حيدر.. نزلت راسها..بعدت عنه شوي .. احمر وجهها ..

دانه: انا .. انا اسفه ..فكرتك ريحانه .. ومشت بتركض
حيدر: لا عادي ..دانه
رفعت راسها ..
حيدر: كبوسك ..
اخذته ومشت ... كملت طريقها .. بهدوء .. وجهها احمر
ريحانه: شفيك يالدبه ماكملتي تمشي بالبطئ
دانه: لا.. بس .. لأن
ريحانه: شفيك تتكلمي كلمات متقاطعه
دانه: كله منك تقولي لي الرجال كلهم يسبحو
ريحانه: من شافك
دانه: حيدر .. ياريت بس شافني كنت اركض وصدمت فيه
ريحانه: هههههههههههه والحين مسويه لي قضيه فلسطين وضاربه بوز
دانه: يمكن يفكرني متعمده
ريحانه: ليش؟
دانه: لاني كنت لحالي
ريحانه: ماكأنك مزودتها انا اقول له مو متعمده كنا نسابق وينه راح
دانه: هييي لاتروحي له تفشليني اكثر
ريحانه: طيب خل ندخل
دانه: وينها مريم
ريحانه: يوو وين راحت دي
دانه: يمكن رجعت
دخلوا ..
مريم: صباح الخير
دانه: شفتي قلتلك اعرفها خايبه
ريحانه: هههههههه خوش حكم
مريم: مهلتوا استمليت ورجعت
ريحانه: أي مهلنا من الاخت تمشي وتصقع ماتشوف
دانه: انا اللي امشي واصقع هاا
ريحانه: ههههههه خلاص بسكت
أم محمد: السلام عليكم
ام حيدر: وعليكم السلام والرحمه ياهلا ام محمد نورتي المزرعه
ام محمد: كل عام وانتو بخير
ام عبد الله: وانتي بالف خير تفضلوا
شوق: كل عام وانتو بخير بنات
ريحانه: يوو جيتوو اهلين شوقو و ريم
مريم: شفتي ريمو جينا قبلكم
ريم: انا جاهزه من زمان بس من الاخت جنبك مع ريلها
شوق: اناا؟
ريم: لاجدتي
شوق: ههههههه لان ماجهزت اغراضنا من الليل
مريم: هههههه أي صدقت عارفه ريلك وحركاته
شوق: قلتوا لندى ؟
ريحانه: اخوها سعد مو راضي
شوق: ويع عليه بتقعد لحالها
ريحانه: بكره انا بصير معها من الظهر
أم عبد الله: دانه او ريحانه جيبوا لنا العصيرات
ريحانه: ان شاء الله عمتي
دانه: متى بنسبح ودي اسبح
ريحانه: مادري المفروض بعد الغدا دامهم يسبحوا هم الحين
شوق: يوو اغراض محمد عندي بقول له
مريم: أي طلعيها حجه تروحي له
شوق: ههههههههههههه عندك مانع
رن جوالها
شوق: المؤمن عند ذكره .. الو
محمد: ياهلاا قلبي ام حموودي شخبارك
شوق: ههههههه بخير تبي ثيابك صح
محمد: أي انا انتظرك برا
شوق: جايتك
محمد: ياهلااا
شوق: اهلين تراك ماجبت فوطتك
محمد: اوو صحيح نسيتها
شوق: هاذي اللي حقي خذها بعدين رجعها
محمد: شوق
شوق: عيونها
محمد: خل نتمشى شوي
شوق: مابتسبح
محمد: لاحقين عالسباحه تعالي
ابتسمت له: يلا
بعد نصف ساعه ...
شوق: بدخل خلاص حر تعبت وعطشت
محمد: عقبال ماتولدي بالسلاااامه يارب
شوق: هههههههه شدخل
محمد: لابس قلتي تعبتي تذكرت ان حمودي مسكين قاعد بالحر
شوق: هههههه ولو طلع بنت
محمد: بسميها شوق نمبر تو او حميده
شوق: هههههه باحلامك
محمد: صح لو بنت وشو بتسميها
شوق: اممم مادري بكيفك
محمد: يلا لاتتعبي دخلي خلاص ..
خمس دقايق ودخلت ..
ريحانه: ماشاء الله كل هذا تعطيه اغراضه
ريم: ههههههههههه ماتعرفيهم كله بالحركه البطيئه هم
أم محمد: وين بنتي تاخرتي حر برى
شوق: قعدت شوي مع محمد عند المراجحين فيه ظل
ريحانه: ههههههه تسترجعوا ايام الطفوله
دانه: مادري من ركب قبل كم ساعه
ريحانه: هههههههه أي بس هي بدبتها غير
شوق: هههه أي علينا لو هنا فيصل كان ماشفنا وجهك معنا
ريحانه: انتي قلتيها لو
شوق: الحين مابيرجع الا نهايه شوال
ريحانه: مادري لين مايحصلوا احد ياخذ محله هناك بس مو اكثر من نهايه شوال
ريم: وانتي ودك لو يحصلوا احد اليوم قبل بكره
ريحانه: ياااريت
ريم: صحيح بنات عندي شريط فيديو حصري مافيه الا عندي تبونه
دانه: شريط وشو
ريم: من تصويري
شوق: ريموو لايكون اللي صورتيني فيه
ريم: هههههههههههههه أي
شوق: يالدبه جايبته معك ؟
ريم: لا لا بس مسويه عرض اذا احد بيشتريه اعطيهم اياه
مريم: وشو مصوره به ريمو؟
ريم: اقوول
شوق: عادي اذبحك
ريم: لا لا خلاص هذي حامل اخاف من صج تقتلني
شوق: ههههههههههه



بعد ساعات ...

ريحانه : اااح برد
شوق: تو الناس كان لاقمتي
ريحانه: هههههه انتو قمتوا على طول ماتعرفوا تسبحوا...وباقي الشعب وينهم
ريحانه: ريمو جايه ودانه تبدل اما سحر ورنا طلعوا قبلنا
دانه: انا جيت
شوق: أي طلعوا يتمشوا ..يلا الجو حلو نبي نطلع برا
مريم: أي صحيح خل نقوم
دانه: يمه تطلعوا معنا نفرش برى
أم عبد الله : بعدها الشمس الحين انتظروا ربع ساعه نص ساعه تالي نطلع بالشاي والحلا
ريحانه: احنا بنطلع الحين والحقونا
أم كمال: صحيح الشمس ترى تسمركم قلت لسحر لاتطلع بس ماترضى
ام حيدر: لا عادي خفت الشمس الحين خل يستانسو
دانه: انا حجزت مريحانه
ريم: وانا وحده
شوق: هههههههه توهم يتطنزوا علي
البنات كلهم طلعوا برى جهت الالعاب ... واللي تكون قريبه من الجهة النساء تالي الحشيش والاشجار وبينهم اكثر من طريق يروح لمجلس الرجال
ريم: افااا سحر ورنا خذوهم
دانه: ههههههههه خل نقعد بالحشيش
سحر: مابغيتوا كل هاذي سباحه
رنا: الجهال داخل ؟؟
دانه: لاا
رنا: يوو صادق معهم كان < ولدها
ريحانه: يمكن عند الرجال لان ولا احد من الجهال هنا
شوق: مع الريايل مكلحين خذيت اغراض محمد كنوا كلهم هنا كمال وكميل وولدك معاهم
ايمان: شوق أي جبل احلى << بالرمل
بتول: مالي اكبر
شوق: هههههه ثنيناهم حلووين اجرب اركبهم
ايمان: لاااا بيخترب
ريم: ههههههه لانها دبه
بتول: لا لانهم بس كذا موكبار فيتهدموا
شوق: أي شوفي اللي يدافعون
اهتز جوال دانه بجيبها وفتحته قرأت الرساله ودخلته ..
دانه: ريحانه تعالي معي شوي
ريحانه: وين
دانه: هناك عند الاشجار
راحت معها ...
لما وصلت للمكان المطلوب رنت رنه وسكرت الجوال
ريحانه: شووفي دانوه الورد روز احمر عادي اخذ وحده
دانه: مادري يمكن فيه وايد لان
شمتها: خنينه < حلوه يعني
دانه: بتهديها لي طبعا
ريحانه: ههههههههه باحلامك خلي ريلك يهديك
سكتت دانه
ريحانه: خخخ الا سكتي .. لو فيصل هنا كان اهديته له عشر بدل الوحده
دانه: ههههههههه بتخلصي الحديقه
ريحانه: لا لا هونت بس وحده
دانه: ليش ؟!
ريحانه: لان عدد الورود لها معنى
دانه: وشو معنى الوحده
ريحانه: مايعلموا اليهال
دانه: ههههههههههههه
ريحانه: اشتقت لاخووك وااايد متى بس يرجع
دانه: صرتي تحبيه
ريحانه: من قال مااحبه انا
دانه : هاا؟
ريحانه: هههههههههه شفيك انا مو بس احبه اعشقه
دانه: ههههههه خبله اللهم كمل علينا نعمه العقل
ريحانه: عقلي كامل ولله الحمد
دانه: وبتضلي حاضنه الورده
ريحانه: أي تذكرني بفيصل اشتقت له امبي اعطيها اياه
فيصل وهو مبتسم : وانا اشتقت لك عطيني اياها
فركت ريحانه عينها بيدها !!! هذا فيصل !!!!







هاا فيصل ولا خياله :p؟؟؟

&*&*&

أكثر شخصيه جاذبتكم بالروايه من ؟؟؟



بإنتظاركم