|
يسعد لي صبااحكم ومسااكم يا أحلى أعضاااء ..
شلووونكم ؟ شخباااركم ؟
بما ان ايام شهر الله الكريم انقضت ولياليه تصرمت والحين بيي لنا عيد الفطر المبارك ..
عيدكم مبارك وعسااكم من عواده مقدماً ..
والحين الكل يرووح السووق عشاان ياخذوا اغراض للعيد ومستلزمات المدراس والجامعات موو ..
فاليووم الله يسلمكم ويسلمني من كل شر ياارب حابه استجوبكم وادردش وياااكم عن التسووق ..
يلااا نبتدي ..
الحمدلله بخير كل عام وانتي بخير
احسن مكان للتسوق في بلدكم "واللي برا يقولون الاسواق اللي عندهم"وين؟
اي مكان مش مهم
على اي اساس تختاروون السوق اللي تبوون تشتروون منه؟
على اساس اني اتوقع اشوف فيه شي يناسب المناسبة
يعني مثلا بشتري فستان عرس بروح مكان اتوقع يكون فيه شئ مميز وحلو
بشتري شي حق البيت بروح اي سوق لان بلاقي فيها بلايز اشكال والوان
وهكذا ............
شنو اهم شي يخليكم تروحوون السوق عشان تشترونه؟
مستلزمات الجامعة .الحين ابغى اروح السوق لان طول رمضان مارحت
متى انسب وقت حق روحة السوق ؟( اليوم \الوقت)
ليلة الخميس احبها  الوقت في الليل الساعة ثمان ونص او تسع
مع منو تفضلوون تروحوون السوق ؟
مع بنت خالتي ...اما اذا تقصدي من يودينا الرجال ...فاخوي طبعا ..
تحاولوون انكم تحطوون ميزانيه معينه حق السوق؟
اي ساعات اذا بشتري شي احاول اشوف كم عندي ... وساعات اكتب ويش بشتري حتى ماانسى ...واشوف كم احتاج واحمل مبلغ اكثر من اللي احتاجه ...احتياط ;)بس عادة اشتري مرة وحدة واسرف وبعدين اظل فترة مااشتري شي وهكذا
وكم تصرفوون بالروحه الوحده حق السوق بحدود كم يعني؟
امممممممممم اذا مومحتاجة شي اساسي ...يعني بس ثانويات ...اصرف ع الاقل 200 ريال ....
اذا روحة اساسية ...اووف كل المبلغ اصرفه ......... عادي اوصل 1000 ...بس بلا مبالغة ... خل نقول 700 ريال
يعني المتوسط ...بين 300 و500 ريال اصرف ....
شنو المحل اللي تحرصوون انكم تشوفوون شنو منزل شي يديد؟
مااحرص ...عادي عندي لان ماروح واجد
كم مره تروحوون السوق بالشهر؟
عادي اظل شهرين مااروح :confused:غريبة صح
رحتوا السووق ولابعدكم عشاان تشتروون للعيد ولالا ؟
لامارحت ولااشتريت للعيد شي ...امي راحت ....
لان كنت مشغولة
ضروري انكم بالعيد تشتروون ملاابس يديده ولامو لازم تلبسوون اي شي قديم ؟
مولازم ..البس اي شي قديم عادي ...اهم شي حليو
تهتموون للمااركه او لجودة البضااعه ؟
الماركة لا موواجد اهتم ...بس الجودة اي .... يعني لازم البضاعة سعرها يتناسب مع جودتها
يعني مثلا : مرة شفت بلوزة عجبتني عدل ...موديلها كان جدا حلو ... فسألته وتوقعت سعرها غالي ...قاللي : بـ 20 ريال :confused:ماصدقت هههههههههه
بس اخذتها ... كانت حليوة في اللبس ..بس قماشها ماكان حليو ...
انتوا مع او ضد الاسواق المتنقله ؟
مع 
لانها فيها رائحة التراث , وفيها جمال خاص , وفيها ريحة الاهل الطيبين ....
وفيها وفيها ......... سوق الجمعة احبها .... فيها اهلنا اللي يبيعوا تحت الشمس علشان ياكلوا اولادهم من اللي ندفعه ليهم
هي مصدر رزق للكثير
فيها الاطفال والنسوان العجايز ... والبنات ومن كل الفئات ........
حليوة ....مع اني من زمان ماروح
انتوا مع او ضد المجمعات التجاريه ؟
طبعا مع ... وتعرفي مميزاتها طبعا
شنو الايجابيات والسلبيات بالاسواق المتنقله ؟
الشمس والحر ..علشان كده مااروح واجد ........ وبعد ..لوواحد تعب مايقدر يقعد :pيريح شوي
وبعد الملابس معرضة للشمس والغبار والرطوبة والكل يلمسها
وطبعا الارض مولازم نظيفة يمكن تراب والعباية تصير حليوه
الايجابيات قلتها مسبقا واضيف عليها : تجمع جميع الفئا ت والطبقات الغنية والفقيرة وهذا شئ جميل بالنسبة لي
الايجابيات : قريبة من البيت نوعا ما ... تقدر اذا مضطر تروح تشتري شي بسرعة وترجع
شنو الايجابيات والسلبيات بالمجمعاات ؟
الايجابيات : برودة وتكييف وتحسي انش اميرة ... خخخخخخخ لان المكان نظيف ومرتب
وفيه ماركات مختلفة ....... واشياء مميزة ...للي يحب التميز ..........
منظمة ...وفيها كراسي تقعدي تريحي......... فيها مكان للعب الاطفال , ....
سلبيات : مرة وحدة اخذت جاكيت من مجمع بسعر معين
راحت سوق الجمعة شافته بنصف السعر !
رجعته واخذت من اسوق ...
المجمعات لان تدفع ضرايب ... فتصير الاسعار اغلى ......
بس يمكن
عبر بكلمه وحدة عن المجمعات التالية في البلدان التاليه إذا كنت زرتها :
انا بقوول اللي اعرفهم وزرتهم ..
وانتوا الباقي عليكم اي مكاان تعرفوونه وترحوونه اذكرووه حتى الاسواق المتنقله عشاان نتعرف عليهم ..
((السعووديه ))
ابن خلدون بلازا ((الدمام ))؟
مارينا مول (الدمام) ؟
الشاطئ مول (الدمام) ؟
جمعه سنتر (الخبر)؟
فؤاد سنتر(الخبر)؟
الراشد(الخبر)؟
الظهران مول(الظهران)؟
فينيسيا (الخبر)؟
الخنيزي (القطيف) ؟
القطيف سيتي مول ((القطيف)) ؟
سنتر بوينت ((سيتي بلازا)) ؟
شارع الحب ((الدمام)) ؟
الدانه للشباب ((الدمام)) ؟
شارع السويكت((الخبر)) ؟
الحياة بلازا (( الدمام )) ؟
سيتي ماكس ؟
ويلاا بعد اقوول لكم المجمع اللي عندنا بسيهات مع ان مافيه شي بس يلاا مانكسر بخاطر سيهاات الحبيبه ..
الحطيبي ((سيهات))
في كان عندنا بسيهات مجمع البارجه حليوو بس سكرووه خسااره عليه ..
السيف(البحرين)؟
العالي ((البحرين))؟
البحرين -جيان ((البحرين))؟
اللؤلؤة ((البحرين))؟
مادري اذا انتوا البحرين عندكم اسواق متنقله ولالا ..
ايي واذكروا لي الاسواق الشعيبه اللي عندكم بالبحرين ووين تصير بأي منطقه ..
انا سمعت عن هالاسواق بس مارحتهاا وودي ارووحهااا..
سوق شرق ((الكويت))
الافنيوز ((الكويت))
المارينا مول ((الكويت))
سيتي سنتر ((قطر))
اوووووووووووف كل هذولة .......... مايهم اقول كلمة في كل واحد
لان يهمني اشوف شي يعجبني ...في اي مكان ..
بس البارجة حقكم هذا اذكر كنت اروحه واني صغيرة
انزين يوم خميس و متوهقين تبوون شغله ضروريه من السوق اي مول تروحوون و تكونوا متأكدين انكم بتلاقوون كل اللي تبوونه و مو زحمه؟
متوهقين ,حسب الشغلة ... بس اقرب مكان الزهراء وفاضي بعد
بس ماروح حزة الحزة واتوقع اشوف اللي ابغاه ..
اذا اضطريت اروح اي مكان اقدر اروحه ولو زحمة
أحسن سوق حق الفراره و قعدت الكافيهات و الأكل؟ << للشباب طبعاً
ههههههههه للشباب ...
في سوق يذكركم بشخص معين؟ و ليش ؟
الراشد ... اما ليش ؟؟؟
ذيك السنة رحت وكنت احلم احلام وردية ,,,كنت توي متخرجة من الثانوية .. وقبلوني في الجامعة ..
فصرت اطالع اللاب كوتات البيضا ...واحلم متى ادرس واتخرج واشتغل ........
وكنت احلم ... بس مات الحلم الثاني ... بس اذكر الموقف والمشهد يمر قدامي كانه الحين .....
اطرف موقف صارلكم بالسوق؟ ابيخ موقف صارلكم بالسوق؟
اطرف موقف : مافي شي معين, بس ساعات انسى اخذ باقي الفلوس ,,,,
مرة كنت واقفة زين ... وكان واقف ويانا شخص يقربنا ... المهم ...لابسة عباية راس وقتها ...عطست ..نسلت العباية عن راسي هههههههههه
استحيت لان قدامه ..قام يطالع ...فشيله ..
العباية نزلت عن راسي وعلي بوشية ....بس طبعا مانزلت عن الارض يععني ظليت متغطية ..
ابيخ موقف : مرة رحت اشتري تنانير " جمع تنورة " .... صاحب المحل يبغى يسوي روحه خوش واحد
صار يبتسم ويمزح ........ وهذي للبنات للشابات ........ ويقول كلام ويخربط
بعدين راح وحط التنورة ع خصره ويعرضها ... فعلا شي بايخ :mad:
مالبسها بس حطها يستعرض .... اكره هالاشكال .........
هذا كانت امي وخالتي ويانا بعد ... مولوحدنا
وبعدين دخلنا اخويي ...تأدب صاحب المحل شوي
وين تلاقوون احسن خدمه في اي محل موظفينه محببينكم بالمكان؟
امممممممم احسن خدمة مستشفى ههههههههه
اهم شي يكون مؤدب ومحترم ,,,, ويعجبني انه مايحقر الزبون ..........
احساسكم و انتوا رايحين السوق حزت التنزيلات و لقيتوون شي شارينه غالي واايد وصل 3\4 سعره شنو تسوون ؟
ههههههههههه اقول : هئ ...بعدين اقول : عادي اني اخذتهلان عاجبني ... مومهم
واصلا هالشي مكتوب ..اخذه بهالسعر ........... التنزيلات تصير بعد فترة ...موبداية نزول السلعة
مومهم خل تنزل
مااهتم واجد
اخترتوا السلعه مثلا بلووزه او اي شي وانتوا مقتنعين فيهااا واايد وايي احد ثاني ويخرب عليكم يقول لكم مو حليوو ومايناسبكم ومادري شنو من هالكلام يعني شنو تسوون ترجعوونه وتبدلوونه او تخلوونه ؟
اذا اشتريتها ومقتنعة وقالوا لي موحليوة ........الخ ...اتضايق واخذ الملابس واروح اقايسهم ... وادخلهم ....
وبعدين البسهم ;)
عادي يصير لي هالشي بس مااهتم بعد
مرة ابوي قاللي هذا لقميص موحليو .... ليش ماخذتي غير
تضايقت .... بعدين لبسته قال : اوه هذا هو طلع حليو ههههههههههه وبالفعل لاني اعرف ويش اللي يناسبني ...
انزين شريتوون شي و قالوا لكم ماكو منه بأي محل !! ثاني يوم والا الكل عنده نفسكم!! ردت فعلكم شتصير؟؟
هههههههههه اضحك واقول : خراط صاحب المحل ابوشلاخ ..اصلا كل البياعين او معظمهم نصابين وخداعين هههههههه
التجار صاروا معظمهم يدلسوا ! ومايعرفوا ان هالشي مايجوز
اذا شريتوون ملابس تحبوون تقايسوونهاا بالمحل قصدي بغرف القياس ولا تردون البيت تقيسوون؟
ارجع البيت ...نادرا اقيس بالمجمع لما اكون مضطرة ومافي وقت ارجعه لاني ابغاه ضروري
ارجع ابيت علشان اخذ راحتي ...لاني ماتطمن وابوي : كل مرة انتبهوا يقوولوا في كاميرات
مادري صحيح موصحيح بس ناخذ الحذر !
رحتوون السوق و لقيتوون شي عجبكم بس غالي تفروون تدورون نفسه بسعر ارخص او تريحوون عمركم و تشتروون من اول محل؟
اممممممممم ساعات وساعات , ااذ عجبني مرة مرة اشتريه ع طول ,,اذا عجبني نص ونص افتر شوي وبعدين يمكن ارجع او ماارجع ,,اشتري شي ثاني عجبني
بس غالبا اشتري بسرعة
لو كنتوا مقررين يوم كامل تقزروون بالسوق كم محل تدشوون ؟ و كمم تطولوون تقريبا بكل محل؟
ادخل كل المحلات وبكل محل نطول حسب مساحته وبضاعته
يعني تقريبا : 10 دقايق ربع ساعة بالكثير ,,,,,, ويمكن اكثر اذا بنشتري والمحل كبير
بس اذا صغير ومافيه شي ...اطالع من بره وامشي
دخلتوون محل وتتفاجأؤؤن انكم تطلعوون صوت((ستكر)) ( يعني مال اللي يبوقون ) شنو ردت فعلكم تصير وتعابير ويهكم شلووون بتكوون ؟؟
هههههههههههه يو اشوى متغطيين ...لان وجهي بعد وتعابيره
لامابهتم ولاشي ... برجع بكل هدوء وبودي البضاعة لصاحب المحل السابق واخليه يشيل اللي فيها وبعدين ارجع ادخل ...
بس فشيله
ايي صج سؤاال للشبااب خااص
تحبوون تفروون السووق مع حواء ولالا ؟
وشنو ودكم تسوون بحوااء اذا قعدوا بالمحل ولاطلعوا الا بعد طلعت الرووح ولاشروا شي من هالمحل ؟
المهم اللي عنده سواالف حق السووق ايي ويدردش ويانااا ..
يلاااا يابناااات همتكم بهالسوااالف اللي تحبوونهااا ..
ادري الله يعينكم عالموضووع فيه هذره واايد بس شسووي هوايتي التسووق والهذره
تحيــاتي القلبيه .. أختكم أنـــوار
|