[نور المستوحشين]

اذا مجموعة اطفال يلعبوا مع بعض وتهاوشوا كل واحد يضرب الثاني او واحد من الطرفين ضرب الثاني
1- كيف راح يكون موقفك سواء كان طفلك الطاق او المطقوق ؟


لو كانت بنتي المضروبة عادي بصراحة مابسوي شي غير اني بحاول اسكتها او اي شي لايلفت انتباه الموجودين ...ولما يكون العكس بنتي اللي ضاربة غيرها لازم اتصرف واعلمها انه هالشي خطأ
صحيح مابضربها قدام الناس ولا بعصب عليها
بس بفهمها انه عيب ولا بكلمها طول ماني قاعدة
وهذا اصعب شي ع الطفل انه امه تحقره وزهور من احقرها تجي تبوس فيني وو تحاول صحيح انا بوقتها ودي اضمها بقوووة بعد بس لا اغاور حق لاتتعلم

وفي النهاية هم اطفال ليش انزل عقلي انا الكبيرة لأطفال اليوم يتزاعلو وبكرة يتراضو



2-وهل انتي من الامهات الا يدققون على كل شي يعني تراقبي من ضرب ومن قال وايش سوا ؟اذا نعم ليش ؟واذا لا ليش؟

انا مادقق بزيادة ولا مسوية بنتي سبيل كل من جاء ضربها يعني في ضرب يفرق عن غيره

ضرب عادي ولعب اطفال يعني لو كانت هي تمشي وتعرقلت بالطاولة او ضربتها الطاولة مثلا بكسرها الجاهل مايتعلم الا لما يقوم ويطيح وينضرب ويضرب و و

تحياتي نور...