[نور المستوحشين]

تنعى وتنادي كل شيعتك وصبت دمعها لمصيبتك
جعفر كضه مسموم جعفر كضه مسموم



علينه بحسرة يالصادق مصابك من يمر ذكرة
الك دمعي يظل يجري والك لوعة والف حسرة
يا سادس أمام الكون وعلمك محد ايفسرة
نبجي المصابك والغربتك حز بينة والله هد كبتك
ولسة الكلب مهدوم جعفر كضه مسموم



سموك بحقد يا حيف بني العباس فعلوها
بتخطيط وفكر مسموم هاي العيله يمحوها
من المنصور والهارون سم السم يسلموها
فعل ا لامية والي أنعرف بس ذولي زادو ضعف الضعف
كلبي يصب ادموم جعفر كضه مسموم


محب وكتلتة الفركة ونتمنه نجي نزورك
ونشم ترابك وعطرة ونقدم سيدي انذورك
ونقبل بلضريح انطوف وما يمنعنة عن سورك
محرومة والله كل شيعتك تقيم المراسم لزيارتك
وتبجي بكلب ملجوم جعفر كضه مسموم


الك عين التشوف شلون يبو صالح يهدمها
بحياته مضيقين اعليه بمماته بحقد كملوها
قبور الأربعة تنادي عليك بحرك سمعوها
وينك تنادي يالمنتظر بعينك تشاهد هذا الخبر
وينظر بقى مهموم جعفر كضه مسموم


يبو صالح عليك نصيح يايوم الفرج يايوم
تأخذ ثارك بأيدك وتظهر لنصر وتكوم
ويعم الخير والرحمة وما يبقى بعد مظلوم
وعدلك نتاني ونشاهدة ياخذ حقوقه من اهل الردة
يا سيدي اليوم جعفر كضه مسموم



مرتضى الشيخ راضي الدراجي

نسألكم الدعاء

تحياتي نور...