[عاشق الامام الكاظم]

بچيت .. ودمعِّت عينك على الراح يادمعة الترد يفلان ماشين


نشفهن ادموعك .. خاف العيون تعمه وماتشوف اللي يمها باقين


عليمن تبچي ..؟؟ هن اهواي الجروح وانت لكل جرح ينرادلك عين

؟! عمه يعگوب .. يوسف واحد الراح شچم يوسف فگدنه .. واحنه صلفين
..
شوف اشگد صلافة بهاي الايام
نضحك من نشوف الناس .. ميتين ..


علمنة الحزن .. نضحك للهموم
ويمر بينه الفرح .. دمعة مجانين



يامرخص عمرنه .. الجاي والراح شخذنه من الوكت بس تعب السنين




اخذنه الشيب .. واحنه ابلف الگماط وتجاعيد الوجه صارن نياشين