[أنوار البتول]

خووش موضووع واايد حليوو
عالاقل نشاارك امهاتناا ويداتناا عيايزنااا بهوايتهم القمييله ..
بقول لكم قول مأثور من أقوال عيووز من شراباات القدو
ياشرب المند في القداوه ... ترى في شربه لذه وحلاوه
قلم اخضروبكاره مخرز... ولايوجدمثله في الحلاوه
شربه ذوشربا خفيفي ... ولايوجدإلا في القطيفي

ههههه عجبتني هذي لايوجد الا في القطيفي عيل وين راحوا سيهاات !!؟؟
وطبعا جلسة النسواان الكبار مثل ماقلتي ماتحلى الا بهالقدو ويحلى اكثر بالحش بالنااس والله يعين اللي يقعد ويااهم ..>< يبي لهم صبر :cool:
وعندنا خير الوالده ونسواان الجيران الله يحفظهم يتجمعوون الضحى في بيت يفطروون ويقندوون رااسهم ودون روحاتهم للعزيه يعني يشربوونه اكثر من المااي يمكن ..:rolleyes:
تدرين امي مانخليهاا تشرب بالبيت الا بالمناسباات يعني اذاكان في زواج او عزيه او مولد نسمح لهاا تحط لان لو ماحطت ماراح احد ايي ويتسمع ..:rolleyes::cool:
لان مثل ماقلتي اذا بالمناسباات ماحطوا قدو يعتبرونهاا اهاانه لهم لانهم ماضيفووهم وقاموا بالواجب على حسب الاصوول ..:rolleyes:
وحتى اذا سافرناا ابوي مايرضى تاخذه وياهاا مسكينه ماماتي يكفي حرماانهاا بالبيت بعد بالسفر ..:cool:
بس لا اهي ماتسمع كلام ابوي ولا كلامنا ترووح وتخشه بشنطة ثيابهااا واذا وصلناا تطلعه وتحطنا امام الامر الواقع .. << برافوا عليج مامي
حتى عندي اخت ساكنه بالاحسااا وحااطه لهاا قدو عند اختي عشاان اذا راحت ماتتوهق ..بس بنت اختي الصغنوونه ماقصرت تلعب يمكن فيه وكسرته وشرت واحد يديد وودته وقالت لاختي انتبهي له مو يصير فيه شي .. خخخ

بس خلاص عيب واايد علي حش في ماماتي ..
اما اي بالكورنيش لاحظت ان القدو يجذب ووااايد اللي يشربوون حتى استغربت بالعيد كنا رايحين كورنيش القطيف وكانوا قاعدين جنبنا نااس من القطيف او توابعهاا المهم بنيه صغيره ياهله عطيتهاا عمر كذا 13 او 14وملامحهاا مبينه انهاا صغيره وياهله تشرب قدو يووه وش صااير وش هالاواادم اللي يخلوون بنااتهم تشرب ..:eek::cool:
ومشكووره خيتي ربيعيه عالموضووع الرائع والقمييل ياقمييله .. قوااج الله
واذا تذكرت ولقيت سالفه للقدو اكييد برجع وبهذر ..:p