[نور المستوحشين]

اقتباس : المشاركة الأصلية كتبت بواسطة ام النور [ مشاهدة المشاركة ]

هلا اختي نور المستوحشين ... مشكورة على ردك واهتمامك ..اختي لو لا حظتي الموضوع ..اقولك هل مثلا لو كنتي مكاني وطفل كان مشاغب جدا مابتضايقي منه انا اقصد هالشئ ..واذا على الاطفال ادري انهم بيتزاعلو وبيتراضو بعدين بس بعد في بعض الاطفال يبغى ليهم توجية لانهم يصيروون مشاغبين زيادة عن اللزوم وهل في مررررة وبختي ولد اختك او ولد اخوك هذا اللي اقصدة ... اذكر رد لاختي ام علاوووي .تقول اذا كان اثنينهم جميع عادي مو مشكلة بس اذا حسيتي احد تعدى من دون سبب او لمجرد دلاعة ...ويش بيكون موقفك ...وعلى العموم مشكورة على رايك الراجح ....

العفو أختي ...

اها فهمت كلامك مو لأني من قبل أقرأ ردودكم وكل وحدة تقول ماارضى ولدي ينضرب ففهمته بنفس المعنى


واذا ع المعنى الآخر فأنا أكثر وحدة انزعج حتى من الكبار خخخخخخ بس وش اسوي نتحمل يعني انا من النوع اللي مااحب مليون وحدة يسولفو بنفس الوقت اضيع ههههه

وع الاطفال لازم يتفوقو بازعاجهم فيعني على حسب الطفل المزعج كيف بيكون تعاملي معه

يعني انا ماعندي لا اولاد اخ ولا اولاد اخت بس بنات خالة واولاد خال وبنات بناتهم واولادهم ووو ونتجمع في بيت جدي يوم الخميس

يعني شوي وانتحر اني من الاصوات و و بس لما وحدة من بنات خالتي قامت تزن او تبغى شي اسكتها بزمخة على قولتنا اما اذا الجاهل احس امه ماترضى او عادي عندها لو تشب حريقة اني لاوي احرق باعصابي

بس تدري اذا متجمعين مو شرط يوم الخميس والجهال سوو حركات قرعة اروح اهاوشهم ههههههه متعودين علي بنات خالتي وحتى اللي امه ماترضى مثلا احمر عيوني عليه خو حنا برى مو ويا الامهات واسحب لي كم وحدة اقعدها عند امها ونهدأ شوي حتى خالاتي يقولو زين سويتي راسنا عورنا

وفي بعضهم ابد لو تقتلي روحش قدامهم مافي فايدة فخلهم يلعبو لين يملو


اقول لش حنا يوم العيد رحنا المدينة كلنا عائلة كاملة يعني خيلاني وخالاتي و و المهم الفندق غرف او سويتات مو شقق ولنا 3 أدوار تقريبا جزء من 4 وال5 وال6

وحنا كنا بالدور ال5 وحاجزين غرفة كبيرة وشايلين الاسرة على اساس انها ديوانية وقعدة للحريم وفي غرفة بالدور ال6 نفس الشي لجلسة الرجال

المهم دورنا اللي هو ال5 يتجمعو فيه الجهال كلهم في السيب وتعالي ودش تنتحري وزهور ماشاء الله عليها ماتقدري تحبسيها في الغرفة من تسمع الصوت قامت تبغى تطلع وتصيح

لا وزهور تدق على كل البيبان وتقول اتحو باب

وتالي يقولو من بتي المزعجة مسكينة على قلبي جزاتها تقول لهم افتحو الباب سكت اخذت الجاهلة وطلعنا اصلا رجعتنا يقولو الازعاج من الجهال وزهور تدق البيبان وحنا برى اتهمو بتي ولا كأني سمعت

يوم ثاني زاد الازعاج سكتنا وزهور مو وياهم

الثالث نفس الشي مانعرف النام يللعبو ويتهاوشو في السيب والصدى يعور الراس

المهم كان قمت باسم الله لبست عباتي وطلعت وقلت لهم وبعديين يعني مانرتاح حناطلعت لي خالتي تقول وش صاير قلت ليها ماتسمعو بنموت مو جاين نغير جو حنا والله كل ليلة ابلع لي كم حبة من وجع الراس قامت تضحك تقول تصدقي اني اقول وش فيش كم يوم ساكتة ولا تتكلمي المهم عصبت عليهم وقلت اللي يبغى يلعب في بيتهم لايجي هنا وقلت لهم عندكم اللفت والدرج اللي فوق يركب واللي تحت ينزل

كان اروح جلسة الحريم اللي هم يقولو وش فيش منخشة كل في غرفتش مانشوفش حتى ع السفرة

قلت ليهم جهالكم جابو لي الصبرقع

وداني هزأتهم وخليت كل واحد يروح غرفته

قامو يضحكو وقالو زين سويتي واللي قالت خلهم يستانسو وانتي كل ماحشة روحش

زي صبو لي استكانة شاي تعدل مزاجي على قولتهم خخخخخخ

يقولو لي انتي هالقد كل ممحوشة كيف تكبري


شكلش مابتوصلي حتى ال 30 من العصبية



وي هذرت واجد خخخخ


تحياتي نور...