[زهرة الفردوس]

بو الفضل بو الفضل تنخاك أطفالي
محتمل محــــــــتمل فرقاك يالغالي

------------
جوينك يلغبت في بحر المعـــــركة
اوين الماي يعمي وين ذاك الوعد
وبالخيمه ترى رضعانك تنـــــــتظر
عطش مثل الجمر بحشاها يتـــــقد
تلوح اعيون وتنظر وينك يالبطل
يساقي العـــــايله والكافل والعمد

بكربله بكربله متمرمرة بحالي
------------

بو فاضل عـــــــودت أطفالي بالوفه
يراعي الجود بوفاضل ياسور الحرم
وعزمك بالشــــــــدايد كلنه نعـــرفه
شبل حيدر أبو الحملات حلو الشيم
وأطفـــــــالي الى ارجوعك متلهفه
ويمته ايلوح من المـيدان ذاك العلم

بالعجل بالعــــــجل يا سوري العالي
------------

غريب كربله وراعي العلم
مثل زلزلة في قوم الظلم
---------------
حــــارت عداهم والعسكر تطـشر
حيدر بالشمال وبيمين هذا حـيدر
بالمينه عباس يزأر كالغــــــنضفر
ياليسرى بو سكينة دم سيفه يقطر
عباس والحسين حيدر فيهم انـظر
من عزم الاثنين لون الغبره أحـمر

كر ايتناخى الجيش وحسين انتخى وصال
عـبّاس باليَمنـه وابـوسكنـه بالشـــــمال
صـبّوا على العَسكر من البرديـن زلـــــزال
والكل قصد خيّه ورفيـــــــــف العلم نيشان

---------------

حي طلعة احســــــين بعزوم الإمامــة
واعضيده عباس عنوان الشــــهــامه
بالحومة عباس دم يقطر حـــــــسامه
ومن ضربة احسين ما تحصل سلامة
حلت على القوم ساعــــات القيــــامة
وبيـــــرق بوفاضـــل بالحومة علامه

شـوصف فعايلهم بـهل كوفــــــــان الاثنين
مدْري صواجع نازله عْلى الجيش صوبين
شنهي الصّواجع من عزم عبّاس وحسين
عـافت ملازمهـا وخَلَت حومة الميــــــدان