[ربيعيه]

الصينية طبقات اول طبقة تتكون من بطاطس مسلوق تخلطينه بشوية زيدة وبقدونس مفروم وشوية حليب وملح وفلفل اسود وهذي صورة الطبقة الاولى



الطبقة الثانية تتكون من دجاج مسلوق وطريقته انه تقلين بصل مفروم مع فلفل اخضر وجزر مبشور وفطر مقطع وبعدين الدجاج وبعدها ملح وفلفل اسود وبابريكا وعلبة قيمر وجبن كاسات وملعقتين صغار مايونيز وشوية جبن مبشور وهذي الصورة



اخر طبقة تتكون من علبة قيمر وياها جبن كاسات وشوية جبن مبشور وهذي الصورة قبل لا ادخلها الفرن



وهذي عقب ما طلعتها من الفرن



اتمنى عجبتكم وتقدرون تحطون بدل البطاطس توست اذا تبغونها اخف بس نصيحة جربوها جدا لذيذة