[** مسلمة سنية **]

أخي الكريم atttar ..... ما في فرضيات ..... في حديث صحيح في كتب السنة ..... وبيطلب فيه رسولنا الكريم ان يكتب كتابا لن يضل بعده المسلمون .... و تم معارضة طلبه ..... و انا حاليا بعد ما عرفت بعض الأمور بحاول اني ما أقرأ الأمور بسطحية ...... و بحاول احلل الموضوع ........ يعني اكتشفت انو من اكبر المشاكل اللي كانت موجودة عندي اني كنت اقرأ الحديث و اقرأ التفسير الوارد عليه و اتقبل التفسير متل ما هو ........ و بعدها بعد عشر صفحات بقرأ حديث تاني و بيكون الو علاقة بالأول بس ما بيتم الربط بينهم ....... و بقرأ التفسير متل ما هو و بكون نسيت اللي قرأتو بالحديث الأول ........ ما بعرف ازا كنت عمالني بضيع او عمالني بلاقي حالي ....... بس انا هلا مش قادرة ارجع متل زمان و انسى اللي عرفتو ...... و مش قادرة اتشيع ....... فأنا غصب عني حاليا لازم الاقي حل مع نفسي ........ اما بلاقي تفسير يقنعني بالقصص اللي عمالني بعرفها لحتى ارجع لمذهبي ...... و ازا ما لقيت فأنا مضطرة اكمل طريقي ..... و هاد الحديث جزء بسيط من الأسئلة اللي بتتبادر لذهني و مو ملاقية الها حل .....

اخي الكريم خليني اطرح عليك بعض تساؤلاتي و بتمنى من الادارة ما تحذف ردودك انت او اي اخ سني آخر ...

اقتباس :

( أكتب لكم كتاباً لن تضلوا بعده أبداً، ثم ولانا قفاه ؛ ثم أقبل علينا فقال: يأبى الله والمؤمنون إلا أبا بكر ) .

اخي الكريم atttar ..... الم يكن سيدنا علي عليه السلام من المؤمنين حتى يمتنع عن مبايعة ابا بكر لمدة ستة اشهر ؟؟؟؟؟؟؟

و اعود للحديث ......... و بأكد ما بحاول التأويل فان وجدت ما ينفي المعنى الذي وصلت له يا ريت تكتبو يمكن اقدر انفي و افند الشبهات اللي عمالها بتزيد عندي ........ و يا ريت تحسن في الظن فلست شيعية و بمثّل .... بدليل اني لم آتي بأقوال العلماء فليس لي خبرة في ذلك ..... و انما احاول تحليل معنى الحديث ( بما تشير اليه اللغة العربية و الموقف الذي كان ) .... و بكرر يا ريت لو تجيب ما يعارض ما توصلت اليه لكن ارجو ان يكون مقنعا ....

نرجع للحديث الشريف ....... لو ان الأمر ليس خطيرا .... لكان خير الأنام عليه و على آله اشرف الصلاة و السلام استعمل كلمات اخرى فهو افصح العرب اجمعين يعني ممكن قال ( لن تتفرقوا ) او ( لن تختلفوا ) او ( لن تتنازعوا ) مع ان هذه الكلمات ايضا لها مدلولاتها الكبيرة لكنها لا تصل لدرجة ( لن تضلوا ) .... لو كان الموضوع بمعنى الخلافة الذي نعرفه ( ان كان لأبي بكر او كان لعلي بن ابي طالب ) لما استعمل كلمة ( لن تضلوا ) برجع بأكد الضلال عكس الهداية و اجد هاتين الكلمتين مرتبطتان بالعقيدة و ليس بأمور الحياة العادية ..... و لا اجد تفسيرا لاستعمال هذه الكلمة الا ان يكون القصد حمايتنا من الضلال و حمايتنا من الابتعاد عن الحق .... يعني موضوع رح يحمي العقيدة و الهداية فلن نضل بعده .... و بصراحة بعد ما قرأت عن الامامة صار عندي ميول انو هي المقصودة و الله اعلم .....

بأكد اذا عندك شي بينفي هالكلام يا ريت تكتبو ....... و انا لك شاكرة

انا اللي يومين مريضة و تغيبت عن دوام اليوم ..... فيمكن ما اقدر افوت و ارد بسرعة ..... لكن بتمنى الاقي اجابات شافية ....

اللهم لا تجعلنا من الضالين ....... اللهم اجعلنا في زمرة المهتدين ...... اللهم احمنا من الفتن ..... اللهم اعنا على انفسنا و ارنا الحق حقا و ارزقنا اتباعه و ارنا الباطل باطلا و ارزقنا اجتنابه ....... اللهم آمين