[** مسلمة سنية **]

بالطبع موجود ......... لكن كما اشرت انا بالفترة اللي فاتت كنت بالدوام ايام ( الأحد الى الخميس ) بكون مشغولة كتير .... غير عن هيك في اليومين اللي فاتو كنت ما اقوم من الفراش الا القليل و كنت احاول افوت عالنت ( بسبب المرض ) لكن استفدت لأني كنت افتح عقناة الأنوار و انا نايمة .... بعدين رح اشرح كيف استفدت .... و السبب التالت انو النت كان معطل شوي .....

رح اخبرك ليش استفدت من قناة الأنوار ...... من خلال متابعتي لردود الاخوة في المنتدى كنت استغرب طريقتهم و الفاظهم مع الطرف الآخر ..... كيف بيوصفوا بنت ( شو ما كان رأيها ) كيف بيوصفوها بانها بنت شوارع .... بصراحة صار شي كبير يصدني .... بس لما مرضت كنت افتح على قناة الأنوار و حضرت محاضرات و خطب ( ما بعرف ازا بتسموها خطب ) لبعض المراجع و كمان كانوا يعرضوا وصايا و أقوال للأئمة .... فكانت هاي هي اخلاق آل البيت الحقيقية .... و دخل الاطمئنان لقلبي اكتر .... انا بعرف انو الشيعة تعرضوا لضغوط كبيرة و يمكن في المنتديات هاي بيلاقوا منفس ليعبروا عن غضبهم لكن الأولى التحلي بأخلاق آل البيت .... انا مش قديسة ...... لكن ازا اعتنقت المذهب الشيعي اعرف اني رح اتعرض لضغوط مأساوية ( يعني الاخوة بيحكوا انو زوجي مو متشدد صحيح لكن ازا غيرت مذهبي ما بعرف شو رح يكون ردوا .... امي بتوقع رح تغضب علي .... والدي متأكدة ازا حاربني بكل قوتو و ما تأثرت رح يبرأ مني و العلم عند الله .... و غيروا و غيروا الكثير ..... بعرف في واحد اعتنق الشيعية لما توفى ما صلوا عليه ) لكن هاي الأمور ما خلتني اتردد و انشالله ازا غيرت المذهب رح احاول قدر المستطاع اني اقتدي بأخلاق و صبر آل البيت ....

بالنسبة لي وين وصلت اكتر من مرة بفكر في رد الأخ عبد محمد التالي

اقتباس :

اقتباسالمشاركة الأصلية كتبت بواسطة ** مسلمة سنية **اخي النجف ان كان قصدك انا لوين وصلت .... فالتالي : 1- ان سيدي علي عليه السلام هو ولي الله ... 2- انه عليه السلام افضل الصحابة .... 3- انه عليه السلام اكثرهم علما ..... 4- ان الصحابة قد اخطأوا بحقه و حق زوجه عليها السلام .... و صدقني هاي الأمور مش بسيطة اني اغير رأي فيها بعد اللي درستو على طول هالسنين .... ما ذكرتيه أختي مسلمة سنية لهو معتقد الشيعة والله وقد ذكرتيني بحوار كان بين أحد الناس مع سيدنا يوسف عليه السلام لما قال له أريد الإيمان بربك فإني أجد ما سواه ليسوا اهلا للتوحيد والعبادة فأجابه النبي يوسف ع ها أنت آمنت به فعقيدتك في نقاطك الأربع لهي عقيدة الشيعة ثبتنا الله وإياك على الحق خادمكم

لما اتذكر هاد الرد بحس اني شيعية .... و اكتر من مرة بكون فعلا بدي اسألكم عن طريقة الصلاة و امور اخرى .... لكن برجع بتروى .... و بستحي اعطي حالي صفة انا لسا مش قدها .... عكل انا بقترب من استيعاب مفهوم الولاية و الامامة .... و حاسة انو تعلقي زاد بآل البيت عليهم السلام ..... و تأكد اني ما قطعت الحبل لكن استحيت من كتر الأسئلة .... لكني متابعة و رح اخبركم باللي رح يصير معي ( يعني انقطعت باليومين اللي فاتو لكن حاسة ان الاطمئنان دخل قلبي اكتر من الأول ) .... و ربنا الموفق