[أرجوان]

بنت النور


ليش كذا خليتي امي تعصب علي


ههههه هي كل يوم هواش هالدور بعد أسألها..

اقتباس :

السؤال الأول : ماهي نظرتك للنت ؟ وهل فعلا النت سرق أبنائكِ من الجلوس معكِ ؟ المساوء أكثر من الاجابيات بس الزين فيه ان دائما بنت ِ( اللي هي أنا ههه) تطلع مواليد ولطميات وتقول لنا أخبار حلوة. سرق مني بنتي صحيح بس تقعد من النوم على طول للجهاز قومي يا بنت قومي يا بنت ما تقوم اكلمها ما ترد علي بس اي اي ان شاء الله ولا اشوف شي الا بعد ساعةومن تجي من الدوام الناس تعابه ينامون هي لا على طول تشغل هالجهاز لا بارك الله فيه.. السؤال الثاني : يا ترى ما هو الحلم و الأمنية التي تتمنينها لابنك أو أبنتك الذي يقرأ عليك هذه الأسئلة ؟ أتمنى من الله وأهل البيت سلام الله عليهم يوفقونها في حياتها والله يستر عليها ويفرحني فيها واشوف عيالها بس هي راضية تتزوج .. هههههه ماما فضحتني ... السؤال الثالث : هل ابنكِ هذا أو أبنتك هذه مرتبة أم فوضوية ؟ وما هو السبب ؟ مرتبة حيل حيلونظيفة مثل امها طالعة ما شاء الله عليها وما ترضى احد يترك حتى عود بالأرض وكله تتكشخ وتتلبس. السؤال الرابع : هل تدليع الفتاة أو الرجل يدمر؟ وكيف تجمع بين حبك وحنانك له وبين تدليعه الذي ربما يخربه؟ أكيد يخربهم شنو الفايدة اذا الولدة تدلل وصار مثل ما يقولون ولد امه ما يعرف يحل ولا يربط البنت والولد لازم يعتمدون على انفسهم في كل شي.. السؤال الخامس : لو طلب منكِ أن تغيري شيء في هذا العالم , ما هو أول شيء تفكرين تغيرينه ؟ ولماذا ؟ أشيل هالجهاز واذبه في الشارع واكسر نتفه نتفه خرب هالعيال ما نشوفهم ابد صار امهم وابوهم بعد ليش ؟؟ هههههه أمي تسأل لمن قلت لها لماذا هههههه بعد ليش؟؟ عشان عيالنا نشوفهم يشوفونا ياكلون زين كله عيونهم في هالكمبيوتر بنتي (( اللي هي أنا هههه) تعبت منها وانا وابوها ما في فايدة كله سهر على عالنت وكله تكلم ربعها ما أسمع الا تتتت تقول تكتب ترد عليهم ((هههههه يا بعد عمري يا ماما ادري تعبتك معي)) السؤال السادس : نصيحة تنصحيننا بها أثابك الله ؟ أنصحكم بقراءة كتاب الله والصلاة الصلاة ما أوصيكم عليها هذي عمود الدين.. وتروحون حسينيات وتسمعون محاضرات وتطبقونها مو بس تسمعون واذا صار الشيخ يتكلم تتساسروون وتضحكون وعليكم بزيارة عاشوراء والصدقة ترها زينة حيل تدفع عنكم البلا وعليكم بتسبحة الزهراء عليها السلام.. واقروا كل يوم سورة ياسين وكثروا من الاستغفار والصلاة على محمد واله الاطهار.. اللهم صل على محمد وال محمد الطيبين الطاهرين وسمعوا محاضررات الشيخ عبد الحميد المهاجر والسيد جاسم الطبرجاوي (( أمي نست اسم العائلة هههه)) والسيد الفالي وتابعوا المحاضرات الزنية وتركوا عنكم الشيطان وخففوا من قعدت الكميوتر ياخذ عيونكم السهر يقصر العمر ونامو ا من وقت من حينكم عشان تقدون الصبح نشيطين مو اذا جى وقت صلاة الصبح فيكم النوم وبالمت تقعدون تصلون وأدعوا الله ان دايما يوفقكم ويسهل أموركم..

بس تعبت كلام امي الله حيفظها كثير كله نصائح
كتبت بأختصار..
عصبت علي حيل قالت بس ما تشبعي من هالنت هاللي ماخذ عقك..
قومي نامي
هههههههه هذي أخر نصيحة وبصراخ..
تصبحون على خير