[** مسلمة سنية **]

ما شاء الله عليكم شو سريعين بردودكم …. و اعذروني اذا تأخرت …. يعني متل ما خبرتكم انا ربّت بيت ( طبعا بشتغل بوظيفة برا و كمان شغل البيت علي يعني ما في خدم و لا حشم ) الصبح بعد صلاة الفجر فتحت النت شفت الردود و طلعت …. قرأت خمس صفحات بكتاب المناظرات و بعهدها رجعت نمت …. لما صحيت قبل ما اعمل اي شي فتحت النت اعطيت نظرة سريعة … و بعد الفطور قبل ما اجلي رجعت فتحت النت ………. و هيك بين كل شغلة و التانية بحاول افوت لكن مو دايما بقدر ارد …. بحسب وقتي ….. طبعا من الأمور اللي مساعدتني اني افوت عالنت اني لهلا ما عندي اولاد مع اني الي خمس سنوات متزوجة لكن لسا ربنا ما راد و طبعا لا اعتراض على حكم الله و بحمد ربنا على كل حال …. يعني لو في اولاد ما كنت رح اقدر افوت نهائي … ( ما بعرف ليش حبيت احكي هالشي !!!!! )

المهم ابدا مع خادم الأئمة …. ما بعرف بس شكلك بتفكرني من لبنان ؟؟؟؟ عكل انا من فلسطين …. يا ريت ما تغير رأيك ( و بتمنى الحزازات اللي بين فلسطين و الكويت تكون انتهت زمان ) …. عكل ميرسي عمحاولة تلطيف الجو …. و بالنسبة للمنتديات السنية فانا قبل ما انتقد الوضع هون انتقدت الوضع هناك ….. و تعرضت لمضايقات كتيرة …. و في احد الحوارات خبرت الشخص اللي بحاوروا اني انا السنية نفرت من اسلوبك كيف بدك تدعو غيري من مذاهب تانية … انا ما بحاول اطعن فيهم لكن بدي اوضحلك اني قبل ما احكي معكم بهيك موضوع فأكيد حكيت فيه معهم …. و عكل متل ما وضحت في مشاركاتي السابقة اني رح احاول ما اتعرض لهالموضوع مرة تانية مو لأني موافقة عالأسلوب لكن حتى ما تفكروني بحاول اتمعلم عليكو و انا بعيدة عن هالشي …. و كمان اشرت انو انتو اللي عايشين الجو و انتو ادرى فيه …

اثنا عشرية …. بتمنى اكون جاوبتك في اللي كتبتو فوق …..

الجندي والنجف الأشرف ….. في الرد الجاي انشالله بدي اعمل هالشي و برجع