[عاشق الأكرف]

ههههههههه

هذيلا الي في الصور ريايل طايحين حظ وخايبين

اهني ساعات ويش حلاوتهم ازواج يشيلو شنط حريمهم والزوجة تشيل الياهل

وفيه العكس

لكن انا مع ضد عوده سي السيد المتعجرف

لان من خلال اغلب الاحداث الي سمعناها من زمان عن رجال اول

ان اكثرهم مثل ما ذكرتي اختي ان الكلمة كلمتة ومادري شنو الزوجة محطوطة على جنب لكن نتايج هالزعطة والعجرفة ويش كانت ؟؟؟


كانت ان دائما تحس الزوجة انها مضلومة ومضغوط على نفسيتها ومالها كلمة ومثل الخدامة

وطبعا بعضهم من كثر الظلم والضيم يدعو على ازواجهم طيب يعني الرجال ما استفاد من هالاساليب الا الدعاوي وطياحت الحظ

واغلبهم كانو فاشلين في حياتهم المستقبلية لان ماكانو ياخذون بشوى زوجاتهم



ام في هازمن تغير شو ي وصار الرجال يتفهم ويعرف انه بدون مشاوره رفيقة حياتة مايرتاح بعمره وان حلاوت الدنيا في التفاهم والمشورة والتعاون والحمد لله العقول نضجت وتثقفت وهذي نعمة من الله في حق الزوجات

اما البعض الى الان عايش زمان جده وابوه زمن الدكتاتورية الي انا من الناس الي ارفضة بكل جوانبة لان مافيه شي ايجابي عشان نتناقش فيه

لان البعض يمكن فاهم مقولة غلط وهو ان المرأه فطريا وطبيعيا تحب تنقاد وتكون ورا زوجها في جميع الامور

ولكن بالمشاورة والتفاهم مو بالعنف والسلبية وهذي زبده الموضوع



ومابي اطول عليك بالكلام والله يسهل على كل عازب وعازبة بالزواج والسهالة والحياه السعيده ان شاء الله


واشكرك جزيل الشكر اختي ام حسن على طرحك دائما المواضيع والنقاشات الاجتماعية المهمة والجريئة

والله يعطيك على قد نيتك ويوفقك لكل خير

ودمتم بخير