[** مسلمة سنية **]

ربنا يبارك فيك اختي مسلمة ... جيتي عالوجع و الله ... الي كم يوم و هالموضوع ماخد من فكري كتير ... من لما اجا جاهل يحكي انو يزيد ما جهّز الجيش لقتال الحسين عليه السلام و انما لإرجاعه للجزيرة ... أي قلب للحقائق هذا و أي تزوير ...

قد يقول البعض أنّ هذا جزء من مسلسلاتي ... لكن الله على ما أقول شهيد ... قبل ليلتين صابتني حمّى قوية و تركت المنتدى بدري و رحت نمت و انا نايمة زاد الوضع سوء ( شكلي كنت ببكي و بحكي اني بردانة ... ما كنت صاحية و لا كنت نايمة ... بس كنت شاعرة بوجع كبير و ببرد كتير ... و صدّقي أو لا تصدّقي ما كنت شايفة قدامي غير - يا حسين - ما بعرف ليش الكلمة هاي بالذات ارتسمت قدامي و في هاي اللحظات ... كنت شايفة قدامي - يا حسين - فقط ...) لمّا صحيت من النوم القيت زوجي مش مخلّي حرام بالبيت إلا و مغطيني فيه ... كان لازم اسلّم اسئلة امتحانات فاضطريت اقوم اعمل تنسيق عالجهاز ... لقيت زوجي منزّل ملفين فيديو عن الحسين عليه السلام !!!! زوجي مو مهتم بالموضوع ... سألتو ازا كنت حكيت شي و انا نايمة خبّرني انو : لأ ... بس كنت بتبكي و بتحكي انك بردانة ... بعدها حكالي نزلتلك ملفين شفتيهم ... ( يعني شكلو منزلهم علشاني لاهتمامي بالموضوع ) ... بس بصراحة ما شفتهم لأني بتوقع انهم لعلماء السنة و خايفة يكونوا بيدخلوا السم في العسل .

موقف تاني اليوم كنت عطشانة ... مسكت الكاس بدي اشرب ... و ما بعرف بس اول مرة بتصير معي تذكرت الحسين عليه السلام انو قتل عطشان تركت الكاسة و صرت ابكي ...

لّك حد يجرّب يكون عطشان و يشوف المي قدامو و يحرم حالو منها >>> شو بيكون شعورو ؟؟؟؟ ريحانة رسول الله يُقتل و هو عطشان !!! الأطفال يقتلون و هم عطشى !!! و وين في بلاد الرافدين !!!!!!!!!!! اي دخيل الله ... و لسا بيحكوا بفضائل يزيد ... لعنة الله عليه و على الكذابين اللي بيحرفوا و بيغيروا في التاريخ ...

اعذريني اختي لكنك اصبتيني في مقتل في هاد الموضوع ... لك تحيتي و السلام