[انثى الحوت]

اليوم بعد ما قاموا اخواني من الغذاء
و ظليت انا و ابوي و امي الا يقول الوالد الشيخ يقول خساره .. تمنينا انثى الحوت

السالفة لها سنة و شوي
العام سادس ايام العيد بالتقريب
كانت ليلة السبت
و كنت معزومه على عرس عم صاحبتي
بس لأن المنطقة بعيده نوعا ما فما حطيت امل اني اروح
و ربكم كريم
ذيك الليلة جا الوالد يتعشى و ما شفت الا الوالد يقول لاخواني ودوا انثى المزرعه
عاد انا استانست و فررررحت ^_^
و تجهزت حالي حال البنات بودره و روج و كحله
و رحت
و جلسنا ننتظر صاحبتي و حان وقت العوده للمنزل و انا ما شفت صاحبتي
لأن عاد دوام و عندي كلية ما اقدر اطول في العرس
و على حظي شفتها
سلمت عليها و وايد فرحت بي فديتتتها
و قلت لها السالفة ان ابوي توسط لي عند اخواني و جابوني
طلعنا و رجعنا البيت

وقفت قدام المراية امسح مكياجي
ما شفت الا امي يايه لي و تقول لي جاج علي
و انا علامات الاستفاهم و التعجب
و امي ترد تقول : جاج علي ولد الشيخ يخطبج
انا حزتها حسيت بقلبي نار
صدمت كذا بلا مقدمات
قلت لأمي صدق ؟! و لا تمزحين
قالت : لا صدق
توه ابوج مكلمني و قالي روحي قولي لها
قلت لها : كم عمره قالت بعمر اخوش فلان
قلت لها : طيب بفكر << و انا مو مستوعبه الي صار
تركتني امي بحيرتي و انا ازيل المكياج
جلست افكر
طول عمري كنت احلم بالزواج
من يوم انا صغيرونه
و ياما تخيلت ليلة الزفاف و لحظة اللقاء مع شريك الحياه
بس ليش هاللحظة مشاعري مدري شلون
و تملكني خوف
خوف من الارتباط بهالانسان
صدق انه ولد شيخ و هالشيخ صديق الوالد
و انا اعرف امه و احبها و ارتاح لها
بس خايفه و محتاره و ما ادري شسوي
ليتلها ما جاني نوم
تفكير و تفكير و فكره توديني يمين و فكره توديني شمال
و رحت الكلية يوم ثاني مواصله
و رجعت و انا هلكانه
و التفكير ما يفارقني
احتجت في ذيك اللحظة صديقتي
انتظرت العصر دقيت عليها نايمة
<< احباط

ابوي قال لأخوي الكبير عن خطبتي
و جاني بالغرفة و جلست يتكلم معاي
قلت له وش تعرف عنه
قال انا ما اعرفه بس اهو يصلي بالمسجد
و اهو دوم مع ابوه
و اخلاقه تمام
كان فترة يجي بيت جدي بس قطع
قال ها انتي شرايج
قلت ما ادري محتاره
قال فكري و قام يسولف معاي
قال ها هالله هالله بالرجال
قلت له لا اكيد << لأني معروفة بالبيت اني عنودهـ ههه
و مع التفكير و الجهد
نمت ذيك الليله الساعه 11 و لا صحيت الا يوم ثاني
صحيت و رحت الكلية كالعاده و انا احس بداخلي براكين
احس بضياع << شسوي اول مره انخطب
انا مب قريبه من امي و لا عندي الا اخت وحده و اكبر مني بـ 8 سنين
و هم بعد مب قريبه مني
تمنيت صديقتي بس صديقتي نومها مخربط
و لا ابي اكلمها تلفون
ابي اشوفها و اجلس وياها و افضفض لها
يوم الاحد رجعت من الكلية و جلست على النت شوي
و في الظهر يمكن الساعه 2 او 3
جاني الوالد قالي ها
قلت له افكر
قلت له ابوي .. لو انا ما وافقت مثلا عادي ؟!
قال اي على راحتج ما نغصبج على شيء بس ليش
قلت .. انا ادري ان الامام علي يقول اغتنموا الفرص فأنها تمر مرور << نسيت الباقي
قام ابوي رد علي بشيء بس للآسف نسيته المهم انه من قول الاهل البيت عليهم السلام
قلت ابوي بس انتوا ما تعرفونه
قال اي
بس ابوه و اهله نعرفهم زين
و تركني على اساس افكر
بس الي صدمني انه قال لي
حدج الليلة بس و بعدين تردين لي جواب
انا انصدمت شنو الليلة
يومين بس صار لي و الليلة الثالثه
احترت اكثر صدق انه ولد شيخ
بس يا ترى بيقدرني .. بيقبل فيني و بالمرض الي بي ..
المرض الي ما يدرون به الا امي و ابوي ..
كنت خايفة و محتاره و ما كان في حل وقتها غير الخيره
لأني محتااااااااااااااره
و نفس الشيء صديقتي لمن كلمتها ما حصلتها بحجة النوم

الساعه 4 او خمس
قررت قراري نهائي خيره
و هذا الحل المناسب
الله اعلم بالحال
اخذت جوالي و اخذت رقم الشيخ من جوال ابوي او اخوي ما اذكر
و ركبت السطح و دقيت
تدرون اي شيخ
هذا الشيخ نفسه ابو المتقدم لي << يمكن تستغربون وش هالجرأه
بس ما كان لي غيره و انا ضايق بي الحال
قلت في خاطري
يا رب انت تدري بكل شيء
تدري ان ولد الشيخ متقدم لي و تدري بحالي
يا رب اوافق و لا ما اوافق
انت العالم و الخبير يا رب< < و كانت كلمات خارجه من قلب

دقيت السلام عليكم شيخنا
رد و عليكم السلام نعم
قلت له شيخنا ابي خيره
سكت
و شوي رد علي
الا يقول هذي الخيره مب زينه !!!!
قلت له مشكور و سكرت و انا مرتاحه
مدري حسيت ان ورطه و انزاحت
بس شكيت قلت ليكون سمعت غلط
و ان الخيره زينه
تعوذت من بليس
دقيت مره ثانيه و سئلته شيخنا زينه و لا مو زينه
قال مو زينه

ظليت فوق السطح شوي
السطح الي يضمني اوقات ضيقي

امممم برد بوقت ثاني و بكمل السالفة
و العذر و السموحه منكم

انثى الحوت