[** مسلمة سنية **]

لا حول و لا قوة الا بالله العلي العظيم

ربنا يكون في عونّا و يصبّرنا و يثبّتنا على ولاية أمير المؤمنين

أختي من أول يوم أعلنت تشيّعي و انا بتخيّل كيف رح تكون ردّة فعل ناس معينين بالموضوع ...

مبارح كان عندي زيارة لأخي اللي بالسجن ( اللي خبّرتكم عنّو انو متشيّع ) ... شدّد علي كتير اني ما احكي شي ... و طبعا بعرفني صعب اسكت او اطلع من حوار جدي بدون ما اوضّح رأيي اللي مقتنعة فيه ... في الأخير صار يحكي لي شكلي رح أطلع من السجن و ما رح الاقيكِ ... رح يشنقوك ... حكاها بمزح و ضحك لكن انا و هو عارفين منيح شو الوضع صعب ...

عزيزتي أخي شاب عاش مع اهلي يمكن سنتين متشيّع و ما بنعرف عنو شي الا انو مهتم مجرّد اهتمام بالموضوع ... سنتين و ما حكى شي

و اللي كنت مفكرتو انو صاحبو ياللي أقنعو بالمذهب الشيعي ... ( لأنّا بنعرف انو صاحبو من عائلة متشيّعة ) ... لكن طلع اللي مقنع أخي هو واحد من أقاربنا ... برضو شاب و صار الو فترة و ما حكى شي ...

غير عن هيك خبّرني عن خالي انو شافو بيصلي و هو مسدل يداه ( مو متكتف ) ... و خالي رجل بالأربعين و الو كلمتو و شخصيتو و مع هيك متستّر عالموضوع و ما بيحكي ...

و انا امبارح بستنى في الزيارة كان في بنت صغيرة بتلعب في بلفون امها و كانت فاتحة على لطميّات !!!!!!

يعني التشيّع فعلا في انتشار و ان كان بصمت و حذر ... و يمكن كتير ناس مقهورين بس مو قادرين يحكوا و رجال كمان لأنو اختي الوضع فعلا مخيف مو بسيط ...

اختي انت بتحكي عن الوهابية ... لكن للأسف عند الجد أقرب اقاربنا و احب الناس الينا ان لم يوافقهم الأمر رح يكونوا اشد من الوهابية !!!! و كل هذا من الأفكار المسمومة المنشورة على المذهب الشيعي ...

سوري حكيت كتير ... بس بكرة امي و اختي جايين لزيارتي ... شو كنت افرح زمان لزياراتهم ... و شو هلّا مهمومة و متوترة و خايفة يفتحوا معي الموضوع !!!!خصوصا و انا قبل يومين خضت نقاش حاد جدا مع أخي التاني ...

ربنا يكون في عون شيعة علي اينما كانوا

اللهم صلي على محمد و آل محمد و عجّل فرجهم الشريف