[البدري14]

اقتباس : المشاركة الأصلية كتبت بواسطة مرتضى العاملي [ مشاهدة المشاركة ]

حن وانه احن من الشعر الجنوبي الاصيل مما اعجبني ان انقله لكم حن ..وآنه حن ونحبس الونه ونمتحن مجبور أخصك بالدمع شرط الدمع حده الجفن روحي أعله روحك تنسحن حن بويه حن للشاعر مظفر النواب ** جوابي له أهواية ندّاك الحلم لك يا جفن تتغاوى ﭼنت بمحنتك لمـّن تحن وخانك غواك بمحنتك هسّه وتون؟ موت بقهرتك يا كحل ما اندّي فوﮔك وانسحن . ** يمته أرد وأطرز الليل بورد للحافي بعيونك دفو غيم وصحو شمس وبرد خذني بليـّاليّك ونس شمعة على صواني العرس كاسة وقنـِد ياس وسعـِد واتلبّد بهرش الورد ﭼايمته أرد ** مشتاكة نسمة وياك اهب واختل حدر فيّ الشلب ﮔصايب ذَهَب هدها التعب ما تحمل بـﮔـرْص البرد مرّي عَلـَيْ نسمة صبح وانطيّب بخاطر جرح خلـّيني ادزله ارويَحتي ** شمعة وفجر ظلـت توج سلّ وبعد ﭼا يمته أرد . أدري أيدك مدينة ومن تمدها حدود ** وعيونك صواري ولفتتك لفتة وَجناتك سمه والأرض جرح طويل وأنت أنت الوحيد البلعطش ضكته ورجيت أعني وأخيـّم من تسفني الريح وشدّيت الحزن وحزام حزّمته وﭼـذبت على روحي غمـّضت هاي وهاي وحسّبتك ﮔـمر وسط الغمَض شفته وﮔـلت زاني وطمطم سرّك بشتلات طلع بوّاﮒ شتلك بيدي أشتلته إذا ﮔتله أو وجَع جرحي أو الاﭼـم بيه وإذا سبـّيت تلزﮒ باللـّهاة سبته أنا ويـّاك مثل الخلط سر ماي بشويّة تراب ولملم بـْلمته *** چـنت أضن تكـتبـلي شوگك بالدموع* وكون عـينك ناشفه بدم الجفن ** وچنت اضن افراگي صابك بالضلوع* وتحتمس حرگه اعلى طروانه وتحن ** شـنهو عـذرك طالت ايامه السبوع* يستحجيت بزمانك ممتحن لا تگلي بها العمر صاير جزوع* الطاگ بالتنجير يگوى اعلى الطن ** واليهوس موش بطراف الجموع* يـشوف ملچ الموت بالجيمه ويرن ** العـيط يوگف حتى لو رهفه الجـذوع* ولاشچه السبّاح مـن طول الدفن ** گـرّبت شمس المكاشف للطلوع * ودبدخت ذيچ العواصف للسفن ** ولا لهتني سنيني عن ذيچ الربوع* شما يمر طرواهه اگوم اسحن سحن ***

اللهم صل على محمد وآل محمد
سيدي العزيز مرتضى العاملي
انا لا اشك بابداعك ومقدرتك الشعرية الفذة لكن
قائل هذه الكلمات لا يمكن ان يكون غير من ابناء
الجنوب العراقي الا اذا قبلت ان ابدل اسمي من كاظم
الى طوني مثلا اوميشيل
ما ترهم السالفه هذه المفردات الجيل الجديد من اهل
الجنوب لا يعرف معناها
تگلي بها العمر صاير جزوع*
الطاگ بالتنجير يگوى اعلى الطن
**

واليهوس موش بطراف الجموع*
يـشوف ملچ الموت بالجيمه ويرن
**
العـيط يوگف حتى لو رهفه الجـذوع*
ولاشچه السبّاح مـن طول الدفن
**
گـرّبت شمس المكاشف للطلوع *
ودبدخت ذيچ العواصف للسفن
**
ولا لهتني سنيني عن ذيچ الربوع*
شما يمر طرواهه اگوم اسحن سحن
خاصة( دبدخت )ذيج العواصف للسفن
(اليهوس)( موش)( باطراف الجموع)
العيط / رهفه / الجذوع
لكن من هو هذا المبدع الذي قال الكلمات التي
احس انها منتشلة من طين الناصرية وهور الجبايش
معطرة بلهجة سوق الشيوخ محصورة بين اقضية هذه
المحافظة من الرفاعي الى هور الفهود والدواية
صراحة تغوص في البحار وتستخرج الدرر لا اعرف
كيف واعتقد هذا ما يميز مرتضى العاملي
تقبل مروري بموفور الدعاء