[وجدي الجاف]

عظم الله اجورنا واجوركم بمناسبة استشهاد الامام
علي الهادي ( ع) أعاده الله عليكم بالأمن والخير والإيمان
ارتأيت أن اقدم لكم قصيدة بسيطة بهذه المناسبة الأليمة
وهي على طور ( انت ثاري )
وأسألكم الدعاء



يا إمامَ الهدى زادَ لكم مصابي



إجـــيت ودمعي فوك الوجنة يجـري
ويشب وسط الكلب يالهادي جمـري
خــلص يا ســـيدي أتـمـنـّه عــمري
يظلّ المرقدك نوحي وعذابي



أعاين مرقــدك يــلهـادي بــالنـــوح
ويظل للعسكـــري دلالي مجــــروح
اشوكت يا سيدي السامرّك انـــروح
إلك طول الدهر يبكه خطابي



وطبّ الحضرتـــك يــا سيدي زحوف
بحنين الروح يبن المصطفى اتطوف
ودمع عيني يهل عالـوجـنـه مذروف
دمة هذا الدمع والله وخضابي



ولمّ اتــــرابــك بـروحي يـمــــــولاي
واشمنـّه بـحـنـيـنــي ودمـــع عيناي
رضــت يــا سيــدي مـا رضت اعداي
تظل إنته الأمل وانته ثوابي



عــــهـــدنــه ابـكل عزم نسلك دربكم
رغــم أهـــل الغــدر واللي يـضـــدكم
يظل وســـط الكـلب يـالهــادي حبكم
لآخر نفس لو هلـّو ترابي



يــبـــو صالـــح يغــالي يمــته تظهر
وتراوي اهـــل الكفــر الموت الاحمر
واخــــذ ثــار الـــذبــيح وثــار حيدر
يشافع زلـّتي بساعة حسابي