[مرتضى العاملي]

مذبوح هذا الوطن مابيه امل ينشاف
وناسة مثبوره ثبر ومن الخيال تخاف

الدوني عنده اسم ويناشد الاطياف
وابن الشرف منغّدر شاف العذاب اصناف

هجروه من بيته غصب , وسلبوا حقوقه سلب
وعاف الوطن ممتحن غارق بخوف الدرب

وينشد وماكو أمل : ياربي وين المحب
ليش الشيعي غدى مذنب بلاية ذنب !

باعونا بأرخص ثمن وخلّونا بيد اشرار
واللي شرانا نذل وحكم النذل بي عار
**
ضيع علينا الدرب وضاعت علينا الدار
وصار ابن الوطن غريب وبالوطن محتار

هم ينتهي هذا العمر ولابد وراه أحساب
والجاني ياخذ جزاه وتتعرى الالقاب

لاتخاف اذا ربك حكم وحدد الاسباب
حاكمنا رب العرش ميخيّب الاطياب

****
تحيااتي للبدري الكريم