[الحر0]

بسم الله الرحمن الرحيم


السلام عليكم ورحمة الله وبركاتة جميعا

مساكم الله بالخير للي مسيين وصبحكم الله بالخير للي مصبحين .

أكيد انتم تشوفن في حياتكم المعيشية أما من الأصدقاء أو من أهلكم أو من أسرتكم في خارج المنزل الضحك مالي وجوهم والبشاشة في الوجه تغطي ملامح وجهه وغير كذا نصوح مؤدب محترم ضاحك ومضحك .

ولكن الغريب في الامر من يدخل البيت يقابل أسرته كأنه شايف شياطين الانس في وجهه دائما عبوس يدور أي شي عشان يتخانق أي زلة عشان يرفع صوتة و حتى يوصل لسب أو الضرب مو غريبة سبحان الله .

وغيرهم الكثير والكثير .

خلوني أحدثكم بأحد الأشاء الي مريت فيها مع كذا أجناس .

رجل كان شخصية جداجدا محترم وضحوك بحيث لو نطق كلمة ما ينفك الجالسين من جمبة من الضحك كانت الناس تجمع من حولة عشان يضحكهم وكان راعي أمثال عجيبة من صفاتة وقور متداخل مع المجتمع له

أسلوب جذب عجيب .

ذات يوم كنت مع أحد أبنائة وقفنا عند باب بيتهم كان أسمع صوت هو تكسير سب شتم ضرب .

انا أنذهلت جا صديقي خير يا صاحبي شنو هالصوتة أكيد أخوانك يتخانقون قال لا والله ما راح تصدق الي بقولة له .

خير أن شاء الله قال هذا الوالد لي تشوفة دائما يضحك من يدخل البيت يعتفس من وإلى .

انا حقيقة أستغربة نعم شي مو طبيعي الي سمعتة .


أذكر أيضا بعض الطرئف المبكية .

أحد الشباب الي أعرفهم كريم جدا جدا جدا ما يضل يوم ما يعشي الي وياه ومو عشى حي الله لا فخفخه بذيك الحشاية دق عليه أحد الايام أخوة يطلب منة دين مبلغ بسيط قال لة ما عندي

أي والله ما عندي انا انصدمة والله من هالشخص مع العلم اني أعرفة ما يخلى أبدا الله يزيدة من خيرة بكل وقاحة ما عندي .

بعد تبون من الطرائف المبكية والمفجعة .

أحد أصحابي كان جالس يلعب في الديوانية كالعادة ما تخلى أبدا ديوانية من لعب جاة أتصال نعم وشفيها ليش وين محمد شفيها سيارتة انا ماني فاضي مشغول .

الاخ والدتة داقة عليه تعال ودي أختك المستشفى تعبانة الاخ مو فاضي يبي يلعب بيلوت وطق بهالورق ومو فاضي لين الفجر وهم مو فاضي بيلوت تلومونة .


تبون بعد طرايف أية ولو أبشروا بس ما أوصيكم جيبوا النشاف يمكم .

جلس الشاب اللطيف من النوم أول ما قعد قبل المطبخ قبل لا يغسل حلايا الوجه ماكو ريحة ماكو طبخ ماكو شي راح ووجه عبوس قنطريرا يماااااااااا وين الغدى الام يا ولدي تعبانة اليوم ما فيني حيل على الطبخ

فزع الدنيا وكشر بوجهه انتوا اصلا حرام الواحد يعيش وياكم أنتوا المفروض ما اسكن معاكم .

طلع من البيت راح أقرب مطعم تغدى وخلص ولا تذكر امة .

بعد تبون طرائف فيكم حيل تسمعون وتقرون تفضلوا .

بنت راعيت ستايل بتاع الهاي هاي صاحبت الامتياز في اللبس وراعيت أحلى عطر وأحلى ماركة عباية وكندرة من النوع الي بو 500 ريال شنطة أتكيت جلد أسد كل أسبوع في مشغل والوجة لو تغطية بخيشة هوه هوه جيكر .

تعال بيتهم على قد حالهم بساطة بكل المقاييس الراتب على قد الحال بس وين يروح الراتب على سعادة أم الجياكر حق الترزز .


ها اكتفيتوا لا انا ما بعد أكتفي في قلبي حرارة بطلع كل الي بقلبي .

بنت لابسة عباية رص في رص العطر فاقع من بعد كيلو تشمه الميكاب باين من تحت البرقع ( النقاب ) بالعربي لو تشوفها تقول رايحة عرس واهي وين راحية السوق برافوا برافوا أحلى صفقة لك حق من يا سعادة الأميرال متمكيجة وحق من لابسة البرقع والرص .


رجال يمشي مع حرمتة والكل يطالع فيهم واهو محمق ومرتفع ضغطة أية ليش يالطيب محمق تعالوا بقولكم

حرمتة باقي أشوي وتنشق ملابسها من عليها بالعربي الفصيح كل شي باين ليش تزعل من الناس الي تطالع في زوجتك انت حق ايش مخليها تلبس هاللبس مو عشان الناس تطالع كاهم الناس أنصعوا لك وما يبون يزعلونك .

رجال طالع السوق ومعاه عيالة الرجال كأنة مروحة أو نقولها بالعامية (( بانكة )) تدور من مكان لمكان وكل قماش أسود يطيح عينة عليها .

مو مقتنع ان الي وياه حرمتة .


بعد أكمل لكم أية على عيني وراسي بكمل لكم .

جماعة جالسة ويا بعض وكل كلامهم حش في حش في حش شنو حش يا حر يعني أكل في لحم الاوادم وعرض الاوادم هذي بنت فلان فعلت هذي بنت فلان سوت وهذا رجال مو مرتاح مع حرمتة وهذا وهذا وبنالهاية صفوا على أستغفر الله

والله لا يبلانا .

أضحك وأبكي .


رجال أحبك أموت فيك أبي صورتك طلعي معاي سلمت الامر بتزوجك أنتي بتسكنين هني هذا بيتنا خلص الامر انا حامل قال لها فمان الله سلمي لي على ولدي لطلع وقولي له انا نزلت كرامتك للأرض وبالنهاية لا تنسين تتصدقين به على احد المساجد .

رجال احبك موت فيك وانتي اول حب وانتي اخر حب وستين وحدة في جوالة كلهم على نفس المنوال تدق وحدة بالغلط أنتي نوف ليش تعرف وحدة بأسم نوف لا هذي أختي بس يشبة صوتك .

رجال عنده أحسن زوجة على وجه الارض راضية بقدرها تاكل وتنام وتحمد الله ملتزمة أحسن التزام صابرة على البخل والمر وبالنهاية تزوج عليها .

والله يا هالبشر ما عاد ينفع وياكم لا ناصح ولا نصيح إلى متى والتخلف ماسك وياكم إلى متى وانتم تذلون حالكم أصبحت الحين الحيوانات لها الكرامة أفضل من الانسان

ولا أعتراض على كلام الله (( وكرمنا بني أدم )) الا أن البشر لم تعد بشر مصائب الدنيا تزيد وتزيد .

والزنا والسرقة وانعدام الرحمة كل يوم في زيادة في هالزمن ليش شوفوا شنو عمايلكم قاعدين تتحسفون لا تتحسفون راح الكثير وما باقي الا القليل .

أحمدوا النعمة الي انتم فيها والله لو تطالعون مصايب غيركم تهون عن مصايبكم ناس تنام على جوع بنات ينذلون ويطيحون طيحت الحسافة ناس تمشي حافية مو لاقية ناس تنط على درام الزبالة الله يعزكم تدور اكل تسد حاجتها .

وناس عندها كل شي بس طاغية على الي اهي فيه يدورون الوناسة في كل جها .






أخوكم ومحبكم في الله الحـــــــــــــــــــــــــــــر .