[ارنوبه شيعيه]

بسم الله الرحمن الرحيم
اللهم صل على محمد وآل محمد وعجل فرجهم

قسيــــــم النـــــار والجنـــــه
ــــــــــــــــــــــــــــــــــــــــــــــــــ ـــــــــــ

حيدر ياقسيم النار والجنه == أجيتك سيدي بالحسره والونه

أجيتك واني أدري ما ترد زاير == تشمله بالعطف يل ما أبد ثنه

أجيتك شايل أهمومي على متني == وبكلبي الالم صارت أله حنه

أريدك واسطه للخالق الباري == تحصلي البراءه ياعلي منه

حملي كاسره الظهري أو وكع حيلي == تعبان أو يعت بيه وأعتنه *

غرتني الحياة أو كثرت أذنوبي == حمل عندي جبير أو جيتك أتعنه

لأن أدري غدن يروي المحب مايك == لأن أدري العهد توفي أو ما تزل عنه

لأن أدري العبور أيصير من يمك == توقع للجواز البيه نتهنه

أجلب بيك يامولاي بالمحشر == وبنورك أسير أو بيه أتحنه

مو آني أنمله كلبي أبعشق نورك == وظلن بالعشق للدوم أتمنه
ــــــــــــــــــــــــــــــــــــــــــــــــــ ـــــــ
شاعر أهل البيت / جابر النجفي
* وأعتنه : بتشديد التاء تعني ( وأسحبه ) من اللهجه العراقيه الدارجه