[ابو ظاهر البركي !]

دائما وأبدا اخي الجليل زيد السلامي بارعا بصورتك الشعريه
رائعا بكلماتك
نعم اخي وشاعرنه العملاق يجب ان تكون القصيده قصيده
محشومه ومحترمه وكريمه وشجاعه ومضحيه وهوسه وهلهوله وفخر وعز وحب وود وحنان وصدر دافيء وبال وسيع وبطن جبيره ونحميهه من الي يريدون يمسون سمعة القصيده

ونلبسهه حب اهل البيت حتى تنهاب

أخي الغالي
مره زعلت على القصيده كانو يقولون بها (بمايسمى التحشيشه) فزعلت عليهه ولبستهه حجاب

http://www.shiaee.com/vb/showthread.php?t=72332

((لبستهه حجاب))
بأول بيت طلعت رجفت الغيره
خفت صدك عليهه ولبستهه حجاب

أعز من روحي هي وصح أهي جبيره
لجن خايف عليهه والزمن دولاب

أخاف يمسهه سوء وأوكع بحيره...
صاحت صوغ ثوبي وماعليك حساب

صوغ الصدر بلسم والعجز ليره
وخط أبيات حبك لاجن بترتاب

وأريد الشافني يرتاح يضل مايرد للديره
وأذا جاب المهر ريته أقل ماجاب

فداء وتضحيه وحب خالص وغيره
وأذا حضرن هذني يوكف عللباب

أخاف يمس قوامي وياذي تسطيره
وأخاف يشمت العدوان يجعل بالكلب عطاب

أريد الي يحاميني أريد اليصب تفكيره
بحب المصطفى الهادي وبحب عترته ألأطياب

أريد بمطلع ألأبيات يذكر للكمر سيره
وبنص القصيده يكول ماخاب المسك ماخاب

وأخر بيت يحجي عللجفوف وكربة العباس
يكله الجرح بالدلال لساته الجرح ماطاب
لساته الجرح ماطاب

خادمكم
أبو ظاهر البركي