[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

الصــــــــادق منــــــــــاري
ــــــــــــــــــــــــــــــــــــــــــــــــــ ــــــــ
جعفري والحب شعاري --- شيعي والصادق مناري
ـــــــــــــــــــــــــــــــــــــــــــــــــ
مدرسة علم إو حضاره == جعفر الصادق بِنَــــــــه
والدَرَس بيها تِفَوّق == ما خضع يوم إنْحِنَـه
وبعلم جعفر تِنَــوّر == طيب من عنده جِنَه
خط إبن حيدر حضاري --- شيعي والصادق مناري
ــــــــــــــ
جامعة علم إو معارف == بيها معقود الامــــــــل
ينهل الطــــــلاب منها == موعظه إو درب الكِمَل
وبعلم أحمد بناها == وبعلم خير العمـل
والهج إبليلي إو نهاري --- شيعي والصادق مناري
ــــــــــــــ
طغمة الظلام غالت == نور علمك ياأبــــي
مادروا نورك يقاوم == كل ظلم يبن النبــي
حِسْبَوا الباطل يِغَيْبَــــك == والحِسَب باغي إو غبي
نهجك الغالي مســــاري --- شيعي والصادق مناري
ــــــــــــــــ
والحزن عم المدارس == وإنْسِبَت دور العلـــم
من نلتها للشهـاده == غاب فارقنه الحلم
والمعالي فارقتنـــه == صوت للحق يِنْكِتِم
غطت الاحــــــزان داري --- شيعي والصادق مناري
ـــــــــــــــــ
ياإمام الجعفريـــــــه == حزنت إعليك السمه
ياإبن حامي الحميه == صاب دنيانه الظمه
والتعازي للزجيه == للوديعه فاطمـــه
غطت الظلمه البــــراري --- شيعي والصادق مناري
ــــــــــــــــــــ
سَمّك الاشرار ظَنّوا == نور وجهك يِنْخِمِد
مادروا نورك يغالي == من ظلمهم يِنْوِلِـــد
صار نورك يافدائي == كل دهرنه يِنْقِصِــد
واني ياجعفر قـــــــراري --- شيعي والصادق مناري
ــــــــــــــــــــــــــــــــــــــــــــــــــ ــــــــــــــــــــــــ
مع تحيات شاعر اهل البيت / جابر النجفي
يمكنكم سماع القصيده بصوت خادم اهل البيت عليهم السلام
جابر النجفي على الرابط التالي
http://www.wlidk.net/dldE9V57109.mp3.html