[مُحب شهيد المحراب]

السلام عليكم ورحمة الله . . .


تذكرت كلمات شهيد العراق وشاعره الفذ رحيم المالكي ( ألف رحمة على روحه ) فقد كانت كلماته في الصميم :

ياهو منج أشرف خاطر أشكيله
دليني يحسنه وباجر أمشيله
أمشيله واسولف كل حجي المظموم
قبل حفاي كالوا هسه ماكو هدوم
بيتي من القنابل والقصف مهدوم
وحكومه بلا حكومه بغير تشكيله

تتنازع عله الكراسي والشعب حفاي
وابشرك لا غذاء لا كهرباء لا ماي
أحنه أهل النفط والكاك عز الماي
ياحسنه الحكومه تقدر أتشيله

حكومتنا الرشيده ليش هالتأجيل
مو مطرت علينا من السما سجيل
بلوه أحنه أبتلينه قابل أهل الفيل
أي مو هذا أبرهه خلو يرد فيله

جوعنا أبرهه والجوع ابو الكفار
ثلث أسنين أسمع ماأشوف أعمار
بس بعض الحكومة أصبحوا تجار
وبهاي أشهد يحسنه بيوم وبليله

تجار الحكومه والشعب حمال
وياهو اللي يجي باجر نغير الحال
من هاي السوالف حملوني جمال
اذا ينعدل وضعي ينعدل ذيـــله

حكومتنا الرشيده ليش هذا البوك
ترى لهذا ألشعب قط ماتضيع حكوك
باجر من تصافه نشك كثير حلوك
عرفنه الباكنه وعرفنه اللي يوميله

صح السانك يا رحيم المالكي حقاً كلماتك لا تنسى . . .



تحياتي .