[** مسلمة سنية **]

بشوف عالتلفزيون و النت المكياج الخليجي تقيل و يمكن مبالغ فيه حبتين و أكتر شوي ...

بس شو ما كان فهو كريمات و باودر ... يعني مش بلاستيك ... كيف بدو يحجب الماء من الوصول للوجه ؟؟؟!!!!!

يمكن ازا في شي بيمنع فهو water proof mascara.... و بإمكانها تستخدم النوع العادي علشان تتجنب هالشي ...

أكيد انا مش عالمة ... لكن ما بعرف على أي اساس بتحكموا انو بيمنع الماء من الوصول للوجه !!! الماء أكيد بيصل للوجه ... لأنو شو ما كان ما رح يكون جسم صلب عالوجه يمنع وصول الماء ... انما هو مزيج من كريمات و باودر ...

و على فكرة سألت الأخ نجف الخير عن قصة الوضوء على المكياج فكانت اجابته انه يجوز ازا ما كان بيمنع وصول الماء للوجه ... و بكرر بما ان المكياج ما رح يشكل جسم صلب يحول بين الماء و الوجه ففهمت انه يجوز


( يُستثنى من الموضوع المكياج الثابت الذي يوضع لمدة يوم أو أكثر ... و يبقى ثابتا لمواد فيه ... ممكن هاد اللي بتقصدو انو بيمنع وصول الماء للوجه .... ما بعرف !!! )

بعرف انو الموضوع اللي بناقش فيه فقهي أكتر منو عقائدي ... لكن لمست شدّة في الأحكام خلتني أوضح شوي ...

ملاحظة : ما بدي أحكي كل النساء انما أغلب النساء يضعن المكياج ... و ما في امرأة بتزيل المكياج عند كل صلاة علشان تتوضأ ثمّ بعد الصلاة تعيد وضع المكياج !!!! ازا كان الوضع هيك رح تضل المرأة على المراية مشغولة بمكياجها !!!!!

الأفضل ازا كان في بالموضوع حرج او يتعارض مع صحة الصلاة أن يتم تحريم المكياج نهائيا ... حتى لا تقع النساء في اللُبس و من ثمّ بطلان الصلاة ...


>>> الخلاصة و انا جادة مش بهزأ ازا كان في بالموضوع بطلان للصلاة فلتصدر أحكام بتحريم المكياج فذلك أضمن لعدم بُطلان صلاة المرأة ...

أمّا قول أنّ المكياج جائز ... و لكن اذا منع وصول الماء للوجه ( طبعا ما بعرف شو المعيار هون ) فإنّه يُبطل الوضوء مما يُبطل الصلاة ... فبصراحة الوضع هون بيشبه مثل للتعجيز عندنا بيحكي

صحيح لا تقسم و مقسوم لا توكل !!!!!

آسفة كتير ... لكن متل ما ذكرت شعرت انو في شدّة مع عدم مراعاة للواقع الأمر الذي لم استسغه ...

ارجو المعذرة و السلام