[زكي الياسري]

اهدي هذه القصيده الى خدمة الحسين المخلصين .. و ثوابها الى امواتكم واموات شيعة امير المؤمنين عليه السلام المنسيين
بعد اذن المشرفه الكريمه اضع هذا الرابط الى
الاخوه الرواديد والمداحين الكرام .. لحن القصيده تجدوه هنا
http://www.youtube.com/watch?v=MwaNhA-rj2U

مشتاكَــين مشتاكَــين
يبن الكاظم مشتاكَــين
يا يوم انطبلك زوّار ... ونشاهد ذيج الانوار
مشتاكَــين مشتاكَــين
مشتاكَــين مشتاكَــين

****1****

يابو محمد هذا العاشكَــ يرفع ايده
للباري ويدعوه ابجاهك فضله ايزيده
بجاهك يبن الكاظم يمك .. يمك عيده
عمر ابغير انوارك اظلم لا منريده
حبيناك حبيناك .. يبن المرسل حبيناك
سجّـلنه المشهد خطار
ونشاهد ذيج الانوار
مشتاكَــين مشتاكَــين
مشتاكَــين مشتاكَــين

****2****

يا بو محمد جنة مشهد حبيناها
بيك ازدهرت وبأنوارك يا ضَوّاهه
والشيعه ابجنبك سلوتهه يا سلواهه
تتمنه اتزورك و تكحل بك عيناهه
كحل العين كحل العين ... شوفة مشهد كحل العين
جنه شكَــد تحمل اسرار
ونشاهد ذيج الانوار
مشتاكَــين مشتاكَــين
مشتاكَــين مشتاكَــين

****3****

بالمولد تزهي المعموره بشمس انوارك
يا ضامن جنه الاحبابك و لخطارك
فاز ابدنيا و بآخرته كلمن زارك
تتمنه الروح امن الباري اتشاهد دارك
بالآمال بالآمال .. صبرناهه بالآمال
يمته تحل ضيف اعله الدار
ونشاهد ذيج الانوار
مشتاكَــين مشتاكَــين
مشتاكَــين مشتاكَــين

****4****

حي من حبك يبن الزهره بدربك ساير
وميت من عاداك و لابد يصبح حاير
واعمه الي ميشاهد نورك تايه خاسر
والناواك و اعلن حربك فاجر كافر
والعاداك والعاداك .. يسكن بالنار العاداك
واحنه بمحبتك احرار
ونشاهد ذيج الانوار
مشتاكَــين مشتاكَــين
مشتاكَــين مشتاكَــين

****5****

شوكَـ ادم للجنه الحبك اصبح شوكَه
يالحُبك ويه الدم يسري بمجره اعروكَه
طعم ازياره كَبرك يمته يمته نضوكَه؟
يمته الحادي الكعبة مجدك يحدي ابنوكَه
لو جيناك لو جيناك .. منعوفك ثق لو جيناك
يا منهل يروي المحتار
ونشاهد ذيج الانوار
مشتاكَــين مشتاكَــين
مشتاكَــين مشتاكَــين

****6****

يبن الكاظم وابن الزهره وجدك حيدر
نور ابنور اتواصل مجدك اكثر واكثر
سبحان الكوّن تصويرك لمن صور
جسد معنه الخير بشخصك وانتَ الكوثر
اعطيناك اعطيناك .. طه الكوثر اعطيناك
و انت الساقي ويه الكرار
ونشاهد ذيج الانوار
مشتاكَــين مشتاكَــين
مشتاكَــين مشتاكَــين

تمت بحمد الباري

29/اكتوبر/2009
خادمكم
زكي الياسري النجفي