[** مسلمة سنية **]

السلام عليكم و رحمة الله و بركاته


اليوم و انا راجعة من المدرسة ركبت بتكسي عمومي مع صديقة لي ( معلمة كمان ) ... المهم كنّا بنحكي بالتكسي عادي متل دايما ... لكن الشوفير ( بلحية و ثوب قصير ... ما شاءالله ورِع جدا ) كان كل شوي بيرفع صوت المسجّل و بيضرب على رجلو و بيهز براسو و بيطّلع بالمراية !!!!! و كأنّوا بيحكي لنا اسمعن التسجيل ... سكتنا و سمعنا ... علامات الرضا كانت واضحة عليه ... و ضل كل شوي يضرب على رجلو و يهز براسو و يتبسّم !!!!

المهم شو كان في بالتسجيل ؟؟؟!!!!

كان فيه خطبة عن عمر !!!! كان عمر و كان عمر !!!! نحن نتحدث عن عمر !!!! أين انت يا عمر !!!! و شدّة عمر و ورع عمر و ما بعرف شو عن عمر ... لكن أطرف شي سمعتو و علق بذهني هو اللي بيصير مع عمر بالقبر !!!! اللي بعرفوا انو الانسان لمّا يموت بيجوا ملكين و بيسألوه .... لكن طبعا عمر غير عن كل البشر فالموضوع ما بيزبط معو هيك ... بالنسبة لعمر فهو اللي بيسأل !!!! ما شاءالله !!!! فبدل ما يسألوه من ربك ؟؟؟ يقوم هو و يسألهما : بل أنتما من ربكما ؟؟؟؟!!!!!!!!!!!!!!

اقتباس :

كان النبى صلى الله عليه و سلم جالسا وسط صحابته فقال: كيف بكم أذا جائكم فى قبوركم ملكيا يسألونك من ربك ما دينك ماذا تقول فى الرجل الذى بعث فيك و هولها عظيم ينبشان القبور ...فقال عمر يا رسول الله و يكون معى عقل فقال له النبى نعم يا عمر..أذا أكفيك أياهم يا رسول الله فتبسم له النبى صلى الله عليه و سلم و قال نعم ياعمر انا أعلم ماذا تفعل أذا أتاك الملكان .... يسألونك من ربك فتقول أنت بل أنتما من ربكما..... ما دينك...فقول أنت بل أنتما ما دينكما.... ماذا تقول فى الرجل الذى بعث فيك...بل أنتما ما تقولان فى الرجل الذى بعث في..

طبعا عمر بيطلع لو ... و هاد الشي لا فيه غلوّ و لا شي !!!!!

عمر اللي بيسأل الملائكة !!!!!

!!!!!!!!!!!!!!!



بس خسارة نزلنا من التكسي قبل ما يخلّص التسجيل

لفّينا لفة فلمحنا رجل بورَع و تقوى بيرد علينا السلام التفتنا بدنا نشوف مين هالشيخ ... طلع الشوفير !!!!!! فبسرعة اطّلعت على صاحبتي و حكيت باستنكار ( كنت بدي أتأكّد ) : رد علينا السلام ؟؟؟!!!!!! فجاوبت : آه خلص صرنا صحاب بعد التوصيلة !!!! :p

ما شاءالله شيوخ آخر زمن ...