[زكي الياسري]

يا سيدتي يا بنت امير المؤمنين .. الشفاعه لي و للقراء الكرام

زينب زينب ... ما ننساهه


1


زينب حاضرهه و ماضيهه


شنحجي و شنكَول احنه اعليه


حيدر و الزهره امربيهه


شنكَول اْو الله السماهه ؟


زينب زينب ... ما ننساهه


2


زينب من فاطم ورثتهه


لمصايب لاجن حملتهه


جي من حيدر صبر العدهه


حيدر والدهه الرباهه


زينب زينب .. ما ننساهه


3


زينب ثوره حكَـ يالفاهم


رجت عرش ايزيد الظالم


من طلّعهه احسين اشراسم ؟


تـِكـمِل تضحيته و مسراهه


زينب زينب ... ما ننساهه


4


زينب صرخه و بركانيه


أحيت موت الانسانيه


زينب تاريخ الحــــــريه


هيه الكاتبته ابتقواهه


زينب زينب .. ما ننساهه


5


زينب نص الثوره الكَامت


ياما عن المبدأ حامت


ليل العاشر لا مانامت


تحرس دين الله ابعيناهه


زينب زينب .. ما ننساهه


6


زينب نور ابيت الزهره


زينب ثوره ابكَلب الثوره


زينب دره ابعقد العتره


زينب بت الزهره و طاهه


زينب زينب ... ما ننساهه