[نسمات شرقية]

وش رايكم في مطبخي ؟؟!!.... حلو صح ؟؟...
رووعه يجنن بعد مطبخ وفوووو...
قبل لا أبدا في كتابة الأسئلة حابه اشكر أختي البحرينية لأن لولاها كان ماخطر الموضوع على بالي عشان كذا أقول لها " شكرا ".
وانا اشكرها بعد...
يلا نبدا................
بسم الله..

أسئلة الجنس الناااااعم .... البنات و النساء منهن " اقصد مزوجات " :
1 - عرفينا عن نفسك شوي ... كم عمرك من أي بلد وزيادة شوي مؤهلك العلمي ؟
نسمات - عمري عشرين
السعوديه - الأحساء
طالبه <دعم فني>..

2 - ماهي الآكلات الشعبية التي تشتهر بها بلدك ؟
الهريس - العصيده - الساقو - اللقيمات -
يمكن بعد فيه نسيت او مااعرفهم:rolleyes:...

3 - وزنك كم ؟
وليش وزني وفوووو
الحمد لله الوزن ماشي ع الطول اللي فيني ....
4 - هل انتي متزوجه ؟
لآ..

4 - صفي لنا علاقتكي بالمطبخ... يعني تدخلي المطبخ ولاا مادلي طريقه؟؟!!
الا وش دعوه في بيتنا ..
بصراحه احيانا اكون نشيطه ماشاء الله عليّ...
واحيانا خمووول ,,,بس اني هالفتره مااحب اطبخ....

5 - ماهي الوصفات التي تبرعين في أعدادها ؟
الحلى اكثر ..
6 - مارأي افراد العائلة بطبخك؟
يعجبهم...

7- وصفه ندمتي لأنكي أعددتها ولماذا؟
انا بدات تقريبا قبل سنتين ووقتها طبخات كثيره سوويتها
اذكر اول مره اطبخ فيها
كانوا اهلي اللي مو في البيت واللي نايم فقلت خلني اجرب
واطبخ الغداء وفتحت ليّ كتاب طبخ واسوي نفس اللي فيه
ذاك اليوووم صار ليّ موقف محرج في الطبخ سوويت
شي المفروض مايسووونه :rolleyes:والله يسامحها اختي ماسترت عليّ
انتشر الخبر بين اخواني في البيت وللحين مانسووه :mad:بس بعدها تعلمت وماكررت الخطا نفسه...
وبعد البيتزا...
للحين مااعرف اسويها
مره سويتها وماضبطت معي :eek: وقامت الفله...
وقلت ماسوووييها مره ثانيه :mad:..
8 - أدوات المطبخ , وصفات الطبخ كيف تتعاملين مع هاذين المصطلحين؟؟
اهلي اللي يتعاملوا معهم ماتعامل وياهم الأدوات...
9 - لحم , خضروات , ملح وبهارات, عجينه جاهزه , زيت, رز, دجاج .... اختاري ماتحبين من المكونات وبتكري لينا وصفه مع الطريقه بشكل مختصر؟

طيب...
الخضروات مع البطاطس نسلقه ....
وبعدها ناخذهم في صينيه وفوقهم حمسة الدجاج
وفوقهم الصلصه وفي الفرن وبس ...
مافي اسهل منها صح..؟؟
مشكوره شيف وفوووو ع الإضافه