|
|
عضو متواجد
|
|
رقم العضوية : 35769
|
|
الإنتساب : May 2009
|
|
المشاركات : 95
|
|
بمعدل : 0.02 يوميا
|
|
|
|
|
|
كاتب الموضوع :
انثى الحوت
المنتدى :
المنتدى العام
بتاريخ : 14-05-2009 الساعة : 03:12 PM
عدنـــــــــــــــــا ^_^
نزلت من السطح
و من بعد الاذان صليت و انسدحت على سريري
تغطيت و غضمت عيني ابي ارتاح
من حسن حظي ان الوالد جا للعشاء
ابوي نادر ما يتعشى معانا الغذاء اي
بس العشا نادر
من بعد ما تعشيت
جلس الوالد بالصالة كالعاده يشاهد
قلت له ابوي ابي اكلمك
قام و وطى على صوت التلفزيون
قلت له انا محتاره و اخذت خيره و جات نهي
و عشان كذا انا مو موافقة
ابوي ساعتها سكت منصدم
و امي جات و هاوشتني ليش تسوين خيره
الخيره ما ياخذونها بالزواج
امي طول الوقت كانت تقول مالي شغل
و يوم اخذت الخيره تكلمت
و ابوي عرق هذا الشيخ صديقة و صاحبه شلون يرفض ولده
قالي و كيف اخذتي الخيره
و من اخذها لج << لازم هالاسئلة
قلت له
قال لي الخيره ما يخذونها اي وقت لها وقت معين
و يا بنتي فكري
انا ادعي لكم الله يرزقكم بالرجال الزين
و احنا نعرف اهله و احنا نمن عليهم يوم جوج
شوفي اختج محد دق بابها !!!
عاد انا استغربت اختيي عمرها 28 ما حد جاها
رغم انها جميلة و اخلاق و ما يعيبها شيء و لله الحمد
عاد انا ساعتها ضاق صدري
انا من بعد الخيره ما ابي افكر
خلاص الخيره في ما اختاره الله
شلون ابوي يقول لي فكري
انا مقتنعه بالخيره و دامها جات نهي اكيد لسبب و حكمة
تركته و رحت غرفتي
و انا مضايقه جاني اخوي الكبير
قال ها وش قلتي
قلت له انا اخذت خيره و جات نهي و كذا
و قلت له ترى ابوي يقول الليلة اخر ليلة لج و من بعد خلاص تدري
قال لا
شنو اخر ليلة ما يصير
و قام يحاول فيني و يقول يلا انا ابي اصير خال
و من هالكلام قلت له ما ادري << كان دوم جوابي ما ادري
تركني اخوي لحالي
و انا ساعتها حسيت اني بنفجر و جلست اصيح
كان ضغط نفسي كبير علي
ابوي من عادته انه يمر علينا كلنا يشوفنا قبل ما يطلع و اول ما يرجع من برا << و هالعاده حلوه فيه
المهم انه مر علي و انا ابكي !!
دخل الغرفة و سكر الباب و جاني وش فيج يا بنتي
قولي لي و انا ساكته و اقول له ما فيني شيء
قال ما تبينه ؟ قلت له لا
قال ارد على الشيخ خلاص
قلت اي
قال طيب بس لا تصيحين
و قام و طلع و دق على امي و قال لها تجيني لأني اصيح
جاتني امي قالت لي
لا تبكين و اذا ما تبينه ما بنغصبج عليه
و جلسنا نسولف شوي
بعدين عرف اخوي الكبير ان ابوي بيرد
و قام كلمه و قال له لا يرد
و جاني و قال لي صدق احنا استعجلنا
و ان احنا لازم نسئل عن الرجال حتى لو كان ولد الشيخ
و تركني
بعدين جاني اخوي الي اصغر من الكبير
و قام يسولف وياي و ينكت لي ^_^
يقول لي مو تفكرين الزواج مثل القصص كله حب و خرابيط
قلت له لا ادري
و سولف وياي و نفس عني شوي
و بعدين تركني
ليلتها انتظرنا ابوي
جا و قال لنا : انا كلمت الشيخ
و قلت له بنتي اخذت خيره و جات نهي
قال الشيخ : اجل يمكن بسبب المرض الفلاني
لأن ولدي فيه نسبه << يعني الولد حامل للمرض
عاد لمن قال الشيخ كذا
ابوي يوم ثاني راح المستشفى و سئل عني
و اكتشف ان المرض انا بعد حاملته
و سئلت الدكتور اذا اتزوجوا اثنين حاملين للمرض وش يصير
قال تجي 25 % من نسبة الاولاد مصابين بالمرض
المهم انه رجع و قال
و دام السالفة فيها كذا اكيد ان التحليل ما بيطلع مضبوط
قلت لأخواني قالوا اذا السالفة يدخل فيها الطب
خلاص مو موافقين
و قالوا لي هم بعد فكري
انا فكرت و قررت اني ما ابي اوافق و احلل و بعدين يطلع التحليل مو زين
و لا تصير خطبه و لا شيء و الي بيصير ان الناس بتجلس تهذر علي و بس
قلت لأخواني مب موافقة قالوا لي
ترى ابوي يبيج توافق و بعدين تجي الرفض من الشيخ << عشان ما ينحرج
قلت لهم لا ما ابي
و بصراحة فكره جهنمية من الوالد
و قلت لأبوي اني خلاص مب موافقه
بعدين يوم الخميس قالي ابوي
اليوم بكلم الشيخ و بقول له
قلت له زين
عاد ذا اليوم ما شفت الا امي تكلمت
مو موافقه ؟
وافقي و ما ادري شنو !!!!
بس انا ما وافقة
و كلمي ابوي الشيخ قاله له اسمح لنا شيخنا بسبب المرض مو موافقين
و احنا نتشرف بكم
الشيخ تفهم الموفق بس الي فاجاني قال لأبوي اجل ناخذ الكبيره
قال ابوي كبيره علينا
قال اجل ناخذ لولدنا الكبير قال بعد كبيره عليه 
و خلاص انتهى الامر
و من بعد هالسالفة بكم يوم
كنا على الغذاء الا يقول ابوي
علي ولد الشيخ كل ما شافني في المسجد يجي يسلم علي
اكثر من مره فرحان << عاد انا انحرجت حزتها
و دريت ليش ابوي كان يبي الرد باسرع وقت
الله يوفق يا علي و يبارك لك
و من بعد شهر خطب الولد و عقد له ابوه الشيخ
و من بعد الخطبه زارت امي مرت الشيخ
و قامت تقول لها انا قايله ما ابي لعلي الا انثى
و قامت تكلمها شلون تضايقوا يوم انرفض الولد بسبب الولد
و من هالكلام
و حتى الشيخ قال لأبوي مرت الشيخ تقول ما تبي الا انثى لعلي
بس ما صار نصيب و الله يوفقه
و الليلة
ليلة الجمعه زواج ولد الشيخ
الله يبارك له
انا صدق رفضته
بس مو تكبر
و احس اني تعاقبت لمن رفضته
اهلي ظلوا فترى يعاتبوني
و يقولون اني ما بغيته
و كلام مرت الشيخ احرجني
و تصرف ولد الشيخ مع الوالد احرجني
و الحين ما اقدر اندم
ما ينفع الندم و لا ينفع اقول ياليت و لو و كان و ووو
الولد الليلة عرسه و الله يوفقه
بس لا زال فيه كلام من اهلي
و الشيخ نفسه يقول لأبوي يوم الثلاثاء
خساره .. تمنينا انثى الحوت
فخر لي و لله الحمد
ربي يوفق الشيخ و الاوده
و كانت هذي حكايتي
حكاية هزتني رغم ان مدتها اسبوع تقريبا
انثى الحوت
| |
|
|
|
|
|
فيني طاقة ع الكلام
العرض المتطور
