اللهم صل على محمد وآل محمد وعجل فرجهم والعن اعدائهم
اختي الكريمة ارجو ان لا تتصوري ان كل العراقيين الشيعة يشمتون بما يحصل للشعوب العربيه سنة او شيعة فضلا على ان الشيعة كما في البحرين يتألم لحالهم كل ذي انسانية
البارحة كان هذا الكلام لسيد المقاومة العراقية السيد مقتدى الصدر هذا الكلام : http://www.alsadronline.net/ar/permalink/9229.html
ارجو الاطلاع عليه ويمكنك مراجعة كل اليانات التي تخص رأي السيد بما يحصل من انتفاضات وثورات عربيه في مصر وليبيا والبحرين واليمن ..
وتقبلي تحياتي
اللهم صلّ على محمد و آل محمد و عجّل فرجهم و العن اعداءهم
الأخ الكريم ... شاكرة جدا لاهتمامك و بقدّر لك هالشي ...
لكن يا كريم أنا ما تصوّرت و لا صوّرت و ان شاءالله عمري ما رح أتصوّر انو كل العراقيين بيفكروا بعاطفتهم و بتدفعهم مآسيهم و جروحهم لكره الآخر ... هالشي ما صار ... و بعتذر ازا كان في قصور في تعبيري فظهرت مشاركاتي بهالمعنى ... أصلا مشاركاتي كانت ضد التعميم ... فما رح اكون أنا اللي بعمم ... يعني أنا ضدّ قول الشعب الفلاني أو البلد الفلاني ... لأنو هاي كلمات فيها تعميم و عداء لكل شخص من هالبلد ...
الإخوة في عداء مع البعث ... و معهم كل الحق ... لكن في الوضع الراهن سقوط نظام الأسد رح يأثّر سلبا على المقاومة في جنوب لبنان ... و ما بتوقّع في شيعي عاقل مؤمن بيتمنى هالشي ...
الإخوة عندهم حساسية مع الشعب الفلسطيني لأنو في كم واحد عملوا مع نظام البعث العراقي ... أو مع الجماعات الإرهابية في العراق ... أنا معهم انهم يكونوا ضد هالأشخاص ... بس مو يجوا يحكوا ( الفلسطينين ) و كأنو كل الفلسطينين فايتين بهالمعادلة !!! بستغرب و بنصدم اني أقرأ كلام شخص مسلم بيحكي : شو بنستفيد ازا تحررت فلسطين !!!
الأرض التي باركها الله و اختارها لمعراج نبيه ( صلى الله عليه و آله ) ... الأرض التي بارك الله حولها ... القدس المقدسة عند اليهود و النصارى و المسلمين ... و أغلب الحضارات كانت في صراع حول هالمدينة ... أقرأ شخص مسلم بيحكي هيك كلام ... فعلا كانت صدمة الي !!!
يا عمي مقدرة كل معاناة الشعب العراقي ... بس برضو أنا ما بحكي من وضع مترف ... أنا مش عايشة بأحد أبراج دبي ... أنا بحكي من أرض محتلة و شعبها بيعاني ياللي بيعانيه ...
في حرب غزة الأخيرة ... في 21 يوم استشهد أكثر من 1417 شهيد من بينهم أكثر من 400 طفل و أكثر من 110 امرأة ... بــ 21 يوم فقط ... و العالم كلو بيتفرج ... على مرأى و مسمع كل عربي و مسلم ... كم و كم امرأة صرخت وين العرب ؟؟ أنا ما بستعطف ... و لا بدي حد يعطف ... لأنو هالشي ما عدنا نشتريه عنا فائض منو و الحمد لله و بنقدر احنا نصدّر منو ... و مع هيك ما حقدت ع العرب و حكيت تركتونا و ما ساعدتونا و ما تحركت فيكم نخوة العرب و المسلمين ... بالعكس بتعاطف مع كل الشعوب المقهورة و بالذات العرب و المسلمين ...
مصر حاصرت و منعت فتح المعابر ... و مع هيك مع عندنا عداء أبدا أبدا مع الشعب المصري ...
المخيمات الفلسطينية في لبنان من أتعس المناطق السكنية في العالم ... و بيفتقروا لحقوق كتيرة ... و مع هيك مع عندنا عداء مع الشعب اللبناني ...
أغلب ازا مش كل الدول العربية حلفاء لأعدائنا ... و مع هيك ما عندنا عداء مع شعوبهم ...
مو لأنو نحنا مثاليين ... لكن ازا الشخص فكر بعقلو مو بعاطفتو فرح يرفض التعميم ...
كلام كتير بينحكى ... بس ما بدي أطيل أكتر من هيك بالرد ...
و ربنا يفرجها ع الجميع
موفقين أخي الكريم لكل خير ... و شاكرة اهتمامك مرة تانية
السلام عليكم ورحمة الله وبركاته
اللهم صل على محمد وآل محمد وعجل فرجهم والعن اعدائهم
احب ان اقول لك بأني امراة ولست رجل .. كما اني دائما اتابع ردودك في الحوار العقائدي .. واقول لك الحق باني مع العلم اني شيعية وعلويه اي نسبي يرجع الى موسى بن جعفر كما واني دكتورة واعمل في مستشفى ودائما اذكرك امام صديقاتي " الشيعيات "
اذكر ردودك المميزة والعقلانيه
وقصة استبصارك .. لذلك تفاجئت اليوم عندما قرأت مشاركتك في الحوار السياسي واظن انها المرة الاولى التي تشاركين هنا في السياسي .
نأتي على كلام بعض العراقيين حول الشماتة او اهمال الوضع العربي .. والسبب هو الارهاب العربي في العراق
لكن لو سالتيهم عن الارهاب الامريكي سيقولون " امريكا خلصتنا من صدام " ..
كنت اسكن 12 سنة في " ابراج دبي " ولم اترك اخبار العراق ولا يوم ..
لكني عدت الان الى بلدي وفوجئت بتغير البشر .. حيث ترين في العائلة الواحده عدة توجهات وآراء ,,
على فرض سوريا مثلا .. سوريا ومواقفها مع لبنان ومع الجمهورية الاسلامية .. المفروض ان يتذكر الجميع موقف سوريا على الاقل اتجاه حزب الله ومع ذلك تستطيعين ان تتطلعي على المواضيع الباقية والاوصاف الغريبة للنظام السوري .. والاغرب ان الجميع يعلم بان ما تسمى بالانتفاضة السورية يقوم بها الوهابيين والذي يغطي الاحداث الجزيرة بل تضخم الاحداث في حين تهمل الوضع البحريني !! وكذلك رأينا كيف تصرف الاخ غسان بن جدو والمذيعة في العربيه وكيف تركوا مناصب ورواتب وحياة مرفهة فقط لانهم احترموا مهنتهم وثوابتهم
العراقيين في اختلاف شديد وماراح تصفى الامور الا بظهور مولانا صاحب الزمان عج
ارجو ان لا اكون اطلت عليك
والسلام
السلام عليكم ورحمة الله وبركاته
اللهم صل على محمد وآل محمد وعجل فرجهم والعن اعدائهم
احب ان اقول لك بأني امراة ولست رجل ..
اعذريني عزيزتي على التباس الأمر علي
كما اني دائما اتابع ردودك في الحوار العقائدي .. واقول لك الحق باني مع العلم اني شيعية وعلويه اي نسبي يرجع الى موسى بن جعفر كما واني دكتورة واعمل في مستشفى ودائما اذكرك امام صديقاتي " الشيعيات "
اذكر ردودك المميزة والعقلانيه
وقصة استبصارك ..
بتشرفني معرفتك كتير ... و شاكرة لإطرائك
لذلك تفاجئت اليوم عندما قرأت مشاركتك في الحوار السياسي واظن انها المرة الاولى التي تشاركين هنا في السياسي .
فعلا ... أنا ما بحب السياسة ... مليانة كذب و الضحايا هي الشعوب المسكينة ... بس وضعنا بفلسطين بيفرض علينا نعيش بعض الأجواء السياسية ... و تطوّر الأوضاع بالمنطقة خلاني أفوت بين فترة و التانية و أقرأ ردود الإخوة بالقسم ... و استفدت كتير من آرائهم ...
نأتي على كلام بعض العراقيين حول الشماتة او اهمال الوضع العربي .. والسبب هو الارهاب العربي في العراق
بفضّل قول الإرهاب الوهابي ... أو الإرهاب البعثي ... و ليس الإرهاب العربي ...
أمريكا بتحاول تصوّر انو كل المسلمين و العرب إرهابيين ... ما بدنا نكون نحنا أوّل من يصدقها و نتهم العرب أو المسلمين بالإرهاب ...
لكن لو سالتيهم عن الارهاب الامريكي سيقولون " امريكا خلصتنا من صدام " ..
معهم حق ... لكن لو سألوا نفسهم ليش ما خلصتهم أمريكا منو زمان و هو نازل مجازر و اغتيالات بشيعة العراق ؟؟؟ أمريكا تخلّصت منو لأنو حاول الخروج عن خطها ... مو خلصتهم منو لأنها بدها تساعد العراقيين ...
كنت اسكن 12 سنة في " ابراج دبي "
عذرا حبيبتي ... ما كان قصدي شي بذكر أبراج دبي ... لكن كان قصدي أنو البعض بيحكي و كأنو فقط هو اللي بيعاني بالمنطقة ... فحبّيت أذكّر انو في كتير بيعانوا و إن اختلفت أشكال المعاناة في الشعوب العربية ...
يعني نحنا كمان عايشين وسط قتل و اغتيالات و اعتقالات ... و ما في أي ضمان يمنع اسرائيل ازا حبّت ترجع تجتاح المنطقة و تعمل مجازرمن جديد ...
السنة الماضية ربنا رزقني بإبني الأول ... و كان هالشي بعد انتظار دام سبع سنوات ... صدقيني و هو في بطني كنت أحيانا أتخيلو شهيد ممدد أمامي و أنا ببكي عليه ...
ما في ضمان أبدا على حياتنا و على حريتنا ... و لا في أسهل من قتلنا أمام الجميع ... و أقوى الردود هي الشجب و الإستنكار ... إزا قدروا يصرحوا بهيك !!!
و مع هيك ما بخلي الجميع أعدائي
ولم اترك اخبار العراق ولا يوم ..
لكني عدت الان الى بلدي وفوجئت بتغير البشر .. حيث ترين في العائلة الواحده عدة توجهات وآراء ,,
للأسف نحنا مش أحسن ... و للأسف أبناء الشعب الواحد حاربوا بعض و قتلوا بعض في المشاكل بين فتح و حماس ... الله يصلح الجميع و يوحّد الكلمة ... عندنا و عندكم
على فرض سوريا مثلا .. سوريا ومواقفها مع لبنان ومع الجمهورية الاسلامية .. المفروض ان يتذكر الجميع موقف سوريا على الاقل اتجاه حزب الله ومع ذلك تستطيعين ان تتطلعي على المواضيع الباقية والاوصاف الغريبة للنظام السوري ..
صحيح ... معك حق
والاغرب ان الجميع يعلم بان ما تسمى بالانتفاضة السورية يقوم بها الوهابيين والذي يغطي الاحداث الجزيرة بل تضخم الاحداث في حين تهمل الوضع البحريني !!
قلتها سابقا و بكررها ... لو كانت الثورة ثورة شعب مسلوب الحقوق ... لكنت من مؤيديها و إن كان سقوط الأسد رح يأثّر سلبا ع المقاومة في جنوب لبنان ...
لكن متل ما ذكرتي ... الثورة ثورة وهابية ... رح تكون عبء تقيل ع الشيعة في المنطقة
وكذلك رأينا كيف تصرف الاخ غسان بن جدو والمذيعة في العربيه وكيف تركوا مناصب ورواتب وحياة مرفهة فقط لانهم احترموا مهنتهم وثوابتهم
لهم الاحترام ... مع انو قراراتهم جاءت متأخرة ... و لكن أن تأتي متأخرا خير من أن لا تأتي أبدا
العراقيين في اختلاف شديد وماراح تصفى الامور الا بظهور مولانا صاحب الزمان عج
و هذا دعانا اللهم عجّل لوليك الفرج
ارجو ان لا اكون اطلت عليك
والسلام
بالعكس عزيزتي ... فرحت كتير بردك المنطقي و العقلاني
الى الاخت الغالية مسلمة سنية .. تفضلي هنا
العرض المتطور
