الزميل ابو هيثم طلبت تعرف قصتي .... و حابة أحكيلك ظروف قصتي أكتر من أسباب التشيّع ... لأنو الأسباب بازدياد و لازلت بعتبر نفسي بالبداية .... و بعتذر عالإطالة ...
<< القصة طلبها كتير أعضاء قبلك ... و كنت بكتبها في ردود متفرقة هون و هناك ... بس هالمرة مع انها مكررة كتير للبعض ... لكن حبّيت اكتبها بالشكل هاد اجابة لطلبك ... و حتى الاقيها ازا تعرضت لطلب مشابه مستقبلا >>
..................
بدت القصة خلال حرب غزة الأخيرة ... تأثرت كتير بما جرى ... و ساءني جدا وضع العرب و التخاذل اللي كان منهم ... صادف انو تكون هديك الفترة موافقة لأيام العشرة الأوائل من محرم ... و كان السيد حسن نصر الله حفظه الله يوميا بيلقي خطاب و كان يشير الى ما يجري بغزة ... كان بيحكي كلام كان مفروض يحكيه كل العرب ... لكن بدل هيك صار في هجوم زيادة عليه !!!! صرت أفوت على يوتيوب لتنزيل بعض خطاباته ... فكنت بلاقي مواضيع بتحكي شوفوا نصرالله الرافضي شو بيحكي !!!! شوفو الشيعة شو بيعملوا ... و ما بعرف شو من الكلام اللي ما بيخدم غير أعداء المسلمين بإحداث الشقوق و التفرقة في الصف الاسلامي ... ما عجبني الوضع ... فكتبت كم موضوع عن الوحدة الاسلامية بوجه أعداء المسلمين ( ما كنت بدعي لوحدة العقيدة .. و انما وحدة صفّ ضد أعداء الاسلام ) ... يعني ما كان على بالي أبدا الاطلاع على معتقدات الشيعة !!! أو حتى دعوتهم !!! طرحت الموضوع ببعض المنتديات السنية و الشيعية ... و طبعا كنت بفوت أقرأ ردود الأعضاء على المواضيع و تلقائي صرت أقرأ بعض المواضيع !!! قرأت أقوال ابن تيمية في الشيعة أو في الروافض كما يحبون تسميتهم... و طبعا ما كان الّا اني اشك بحالي ازا كانت دعوتي للوحدة مع هيك أشخاص صائبة أو لا !!! هاد شيخ الاسلام ... شو بدو يطلع رأيي جنبو !!! ( طبعا مع الوقت اكتشفت انو ما كان إلّا داعية لتفريق المسلمين و اضعافهم شأنو شأن العديد من الشيوخ الحاليين للأسف !!! -وجهة نظري - ) المهم صار عندي انطباع انو الشيعة كاذبون ... و أكيد كنت بقرأ في بعض مواضيعهم ... و استأت جدا مما قرأت ... حاولت ادافع عن بعض رموزي بهداك الوقت ... أكيد تعرضت للضغط او الشدة في بعض الردود !!! مع اني بحاول دائما ما اعمد لأسلوب التجريح بالطرف الآخر ... كنت بقرأ أكتر مما برد ... وصلت لمرحلة كرهت الشيعة !!! كرهت المنتدى هون و أعضاءه !!! كرهت السيّد حسن نصر الله اللي كان من أهم الأسباب اللي دفعتني لهيك طريق ... توقفت عن القراءة فترة ... و حاولت ما افوت عالمنتديات ... و صرت احاول استغل أي فرصة لأطعن بالشيعة و أهاجمهم في آرائهم!!!! و كانوا أهلي .. زوجي .. أختي بيحكوا لي : ما بيجوز تحكي هيك ... بيضلوا مسلمين وربنا اللي بيحاسب !!! و صدّق ما كان يعجبني ردهم بهداك الوقت !!! تأثّرت بما قرأت عنهم في منتديات السنة !!! و تأثّرت لمّا شفتهم بيهاجموا رموزي و بيطعنوا فيهم !!!! استمرت الحالة معي فترة الحمد لله انها ما كانت طويلة ... و بعد هيك شي رجعني للقراءة ... ما بعرف ازا فضول أو في شي تاني ... حاولت تجنّب المنتدى هون في البداية ... يمكن قرأت فيه ... بس الموضوع اللي لفت انتباهي .... يتبع >>>
... بس الموضوع اللي لفت انتباهي موضوع قرأتو بمنتدى شيعي آخر عن حوار بين طالب شيعي و استاذ سني حول الخلفاء الإثني عشر ... في البداية فكّرت انو حديث موضوع متلو متل حديث الغدير ... متل حديث من مات و لم يعرف امام زمانه ... متل أمور تانية كتير ... أخدت الموضوع و رحت لمنتدى سني طرحتو ... و سألت عن صحة الحديث ... فتفاجئت انو صحيح .... فسألت بعدها مين الخلفاء الإثنا عشر ... فأجتني اجابة تحوي اسماءهم و ما لفت انتباهي غير اسم يزيد !!! و لم يثر حفيظتي إلّا اسم يزيد وقتها !!!! كنت بعرف الأحاديث اللي بتمنع الخروج على الوالي أو الخليفة ... و ما حكم من يفعل هذا ... مع تعقيدات كتيرة حاولت ابرازها في موضوع ( لماذا خرج سيد شباب أهل الجنة على يزيد ) .... http://www.shiaee.com/vb/showthread.php?t=69866
( عفكرة في كتير اجو و سألوا شو أسباب تشيعك ... و بس كنت أحكي انو حديث الخلفاء الإثنا عشر و وجود يزيد بينهم كان البداية ... بعدها ما كان يتم الحوار لسبب أو لآخر ... فما كنت ألاقي الفرصة لإظهار ما استشكل علي هناك ... و في موضوع الحسين عليه السلام أعلاه لقيت فرصة مناسبة لمناقشة الموضوع بعد ان خطّأه البعض !!!! )
عكل نرجع لمحل ما كنّا ...
فإزا كان يزيد خليفة شرعي فالخروج عليه له عواقب كثيرة ... فمحدث هذا الأمر قد أحدث فتنة و التي هي أشد من القتل !!! محدث هذا الشيء يستحق القتل لأنّه طلب البيعة في حين أنّه قد بويع لخليفة قبله !!! محدث هذا الأمر قد مات ميتة جاهلية !!!
ما اقتنعت ببعض التبريرات .. و لِمَ يُستثنى الحسين عليه السلام من الحكم !!! ان كان يزيد خليفة شرعي فينطبق على من يخرج عليه تلك الأحكام ... المهم ما بدي أخوض كتير بالنقاش هون ... متل ما أشرت ناقشت بعض ما أرمي اليه في الموضوع أعلاه ...
ما اقتنعت بتبريرات السنة ... فحكيت بسمع للطرف الشيعي ... و حاولت جاهدة أتخلّص من الأحكام المسبقة ... أقرأ عندهم منهم ... بدون رواسب ابن تيمية و غيرو !!!!
رجعت أقرأ و رجعت أشارك ببعض المواضيع ولكن هدفي الاستفسار لكن برضو تعرّضت للتجريح و شدة المعاملة ... فلقيت انو ازا ضلّيت أقرأ بجو متوتّر يمكن ما أوصل لشي ... فطرحت موضوع بطلب فيه كتب للحوار العقائدي السني الشيعي بين العلماء لأنو أكيد هناك ما رح يكون الوضع مشحون متل المنتديات ... طبعا الإخوة ما تأخروا ... و بديت بكتاب أعطاني ايّاه الأخ الكريم خادم الأئمة ربنا يجزيه عني كل خير ... اسمو : مناظرات عقائدية بين الشيعة و أهل السنة للسيد أمير محمد الكاظمي القزويني ...
كنت بقرأ شوي بمنتديات السنة و شوي بمنتديات الشيعة بس كثّفت القراءة أكتر بالكتاب و كنت برجع لبعض المصادر و المراجع لأتأكّد ... استوقفني كتير حديث المنزلة و تأثّرت به ... و استغربت من صحة حديث الغدير و من الظروف التي قيل فيها ... بعدها كانت أوّل خطوة و هي ان أشهد بأنّ عليا وليّ الله !!! ما لقيت بأس بهيك ... الحديث موجود صحيح فوين المشكلة ان قلت هذا ... لقيت لساني بيحكيها بدون ما أشعر بأحد الليالي ... و بعدها كتبت موضوع أخبّر فيه الأعضاء هون عن نتيجة الكتاب اللي بقرأ فيه ... فخبرتهم شو صار معي بالموضوع التالي :
و ما كنت متوقعة أبدا التجاوب اللي لقيته ... الكل بدو يساعد ... الكل بدو يعطي كتب ... الكل بدو يزيل الشبهات ... في البداية ترددت ... لأني فعلا قلت بولاية امير المؤمنين عليه السلام بس ما كنت فاهمة معناها !!! و ما حبّيت ارجع أفوت بجو متوتّر و أنا لسّا بأوّل بحثي ... بعد هيك رجعت طرحت موضوع الامامة للنقاش ... و كنت بقصد فيه اني اعرف شوي عن الامامة ( الشي اللي مو موجود في مذهبي السابق ) و بنفس الوقت كنت حريصة جدا اني اكون بعيدة عن أي موضوع بيسيء لرموزي السابقين !!! حتى اسماءهم ما كنت أذكرها حتى ما أكون سبب في لعنهم من الطرف المقابل !!!!
ما فوتت فرصة هداك الموضوع ليكون صلة وصل بيني و بين الأعضاء ازا واجهتني أي شبهة ... و حاولت أتواصل فيه مع الأخ النجف الاشرف له كل التقدير و الامتنان و ربنا يجزيه عني كل خير حول موضوع الإمامة ... و بصراحة كنت مو كتير فاهمة !!! لأنو ما عندي فكرة من الأساس عنها ... و بنفس الوقت كنت بقرأ حوارات في المنتديات السنية ... و كنت بقرأ في الكتب اللي اعطوني ايّاها الإخوة ... و برضو كنت بحاول ارجع للمصادر ... رحلة طويلة و صعبة نفسيا طبعا أكثر منها جسديا .... و بيوم بأحد الكتب اللي كنت بقرأ فيها قرأت انو الزهراء سلام الله عليها توفّيت غاضبة هاجرة لبعضهم و طلبت دفنها ليلا و سرا و هذا موجود بالبخاري ...
فيك تحكي اني لهاي المرحلة كان الجانب السني غالب عليّ ... و كنت أغلب الروايات المطروحة أمامي بقابلها بشك كبير و محاولات جاهدة للبحث عن تأويل لها ... و كانت قصّة دفن الزهراء عليها السلام ليلا سرا غاضبة هاجرة من ضمن القصص اللي شكّيت كتير بصحتها ... سجّلت المصدر ... و قررت اني ما بدي ابحث في الموضوع هاد بالذات في النت ... انّما بدي ارجع لكتاب البخاري في المدرسة ... و كانت صدمة كتير كبيرة بوجود تلك الرواية و بمدى وضوحها و ما وجدت فيها من دلالات أخرى ...
<< كانت البداية في حديث الإثناعشر خليفة .. و ربطها بطاعة الخليفة و ثورة الحسين عليه السلام ... تلتها بحوث كثيرة ... بس اللي ما بعرف كيف بدي أوصف ( صفعني .. هدني .. غيّر كتير بي ) هو تلك الرواية في البخاري .... تمالكت حالي بالمدرسة مع ظهور علامات الإكتئاب علي ... رجعت عالبيت و انفجرت بُكا ... ما بعرف كيف بس أوّل مرة بحياتي ببكي هيك !!! و كنت كل ما بحاول أوقّف ارجع اتذكّر و عبثا محاولاتي في ايقاف نفسي !!!! صدّق او لا تصدّق مرضت و تغيّبت عن دوامي 3 أيام ... و ضلّيت تعبانة يمكن اسبوع كامل !!! في فترة مرضي كنت بحاول استرجاع ما قرأت و علمت ... و بعدها بفترة مو طويلة أعلنت تشيّعي هون بالمنتدى .... و بعد اعلان تشيّعي امور كتير لقيت الها تفسير ما كنت ملاقية له تفسير عند السنة ... مثل الخروج على وليّ الأمر ...
حاولت الاختصار قدر المستطاع ... بس فضّلت اظهار بعض ما عانيته ... ازا كنت بتبحث عن الحق أو كنت داعيا له ... ما تتخيّل طريقك يكون مليان ورد ... طريق البحث و طريق الدعوة طريق صعب .... و ما تتوقّع انو الطرف المخالف لك يتقبّل وجهة نظرك بسهولة و بمجرّد ان تطرحها ...
...................
ركّزت على ابرز المراحل اللي مرّيت بها و الروايات اللي كان لها أثر كبير معي ... بس في كتير روايات و أمور ما ذكرتها ... و حدّث و لا حرج في كثرتها .... ان رغبت في حواري بأي موضوع من المواضيع اللي كانت سبب في تشيّعي فحيّاك الله ... و ازا ما حبّيت بهاد المضمار بامكانك طرح أي موضوع تريده ... او ان أختار انا موضوعا للنقاش ... و طبعا كل هاد مرهون برغبتك في الحوار ...
اللهم صلي على محمد وال محمد
اختي الكريمه ام محمد قرأت الرابط الثاني والذي عنوانه شوفو شو صار معي فلم تسعفني عواطفي وخانتني عيناي واخذت بالبكاء اسكن فرحتي متمنا لكي الثبات على ولاية محمد وال محمد
واسالكي الدعاء اختي الفاضله واهنئكي من كل قلبي على ركوبك سيفينة محمد وال محمد مع ان التهأنه جائت في وقت متأخر ..
احسنت اختنا الفاضله مسلمه وانا حقيقتا اول مره ارى قصة استبصارك,زادك الله نورا على نور,بحق محمد وال محمد.
بلا مجامله انت شجاعه جدا وذكيه جدا.
لك خالص احترامي وتقديري.
دمت في رعاية الباري.
السلام عليكم ورحمة الله وبركاته
اللهم صل على محمد وال محمد الطيبين الطاهرين
في البدايه اريد ان اشكر اختي الحبيبه (ام محمد )الغاليه على جهودها معي في ركوب سفينه الحق والنجاه واللتي ساعدتني للوصول الى الحقيقة فهي كانت السبب في استبصاري ..............
سأقوم لاحقا بعرض قصتي واسباب تشيعي ولكن بداية احببت ان اشكر المشرفين في المنتدى على مواضيعيهم الشيقه والمفيدة واخص بالذكر صديقتي الغالية ام محمد على جهودها في المنتدى وأسأل الله الثبات لي ولك
والسلام عليكم
في البدايه اريد ان اشكر اختي الحبيبه (ام محمد )الغاليه على جهودها معي في ركوب سفينه الحق والنجاه واللتي ساعدتني للوصول الى الحقيقة فهي كانت السبب في استبصاري ..............
سأقوم لاحقا بعرض قصتي واسباب تشيعي ولكن بداية احببت ان اشكر المشرفين في المنتدى على مواضيعيهم الشيقه والمفيدة واخص بالذكر صديقتي الغالية ام محمد على جهودها في المنتدى وأسأل الله الثبات لي ولك
والسلام عليكم
الله يسعدك حبيبة ألبي ...
و كما سألتي ... فأنا اسأل الله تعالى لي و لكم و لجميع المؤمنين الثبات على ولاية الأطهار و البراء من أعدائهم ...
الزميل ابو هيثم ... هنا قصتي ...
العرض المتطور
