[* بـــتــولــ *]

المصطلحات حق منطقة الاحساء

انا لأني شفت بعض اللي بالمنتدى مافهموا اللهجه الحساويه smilies/50.gif
فنقلت لكم الموضوع واتمنى ان ينال اعجابكم

اشذاذا....... ايش هذا ؟

منطول....... مرمي يعني مجدوع بالارض

مغتلق ..... ضايق صدره

امحق .......والله مادري شلون اشرحها بس يقولون امحق عليك ... يعني مالت عليك

موَقل ...... يعني على شفا حفرة من النار.... يعني متردد

دهريز ..... مدخل البيت

حويجة..... تصغير حاجه

زط ..... يعني مشفوح على الاكل

طبينة... هذا اسم ريحة النخيل اذا حرقوها ...... والله ريحتها رهيبه

يزنط.... يعني يخنق ... تذكرون طاش ماطاش يوم يقول ... الله شذاذا حقيقة بيزنطوووونه

هطفة ... يعني وايد طويل

زهبه.... يعني بسرعه

طرطور... ماعنده شخصيه

الله يغربلك..... هذي سبه

رياري....... يعني سعابيل ... لعاب< بالعربي الفصيح

انطم..... يعني اسكت

ازعق .... يعني يقولون ازعق له يعني ناده

مطيور.... يعني خبل مو عاقل

ودج.... عكس مطيور يعني يقولون للمطيور صير ودج يعني صير عاقل

متحنجة.....يعني متحجبه ......لابسة شيلتها

الموسدة..... يعني الوسادة

سمادة .... حظيرة الحيوانات

عصقول .... الضعييييف

منتفج.... عكس عصقول يعني الدببببب

لاك.... يعني مثلا تقول هذا الجوتى لاك علي ... يعني ضاغط علي ( وانتوا بكرامه )

جغم ......يعني رشفه من شي ... مثلا عطني جغم من عصيرك

يزرط.... يعني يبلع من غير ما يهضم

مغماص.... يعني مثلا واحد كان ياكل بيض مع خبز... تقوله ممكن تعطيني مغماص يعني قطعه صغيره من الخبز فيها بيض مثلا

لعن الله قرنك .... هذى سبه بما معناه انك ثور

يترارا.......يعني يشف ... يقولون هذا الثوب يترارا ,, يعني شفاف

ذب ....يعني رمى يقولون ذبيه يعني ارميه

قميظة.... يعني حسافه

الناس مول.... يعني الوقت متأخر

لثد ... يعني دبق مثل العسل لو لزق باليد يقولون يدي صارت لثده

امردقك.... يعني اضربك بقوووووه

هبابك ...... يعني عساه يمديك

سويعة..... تصغير ساعه

مدعجة ..... اللي يدعكون فيها الجسم

ماتعدينا.... يعني ما طلعنا من بيتنا اليوم

هاش ام الطرور يطرك..... هاش يعني طراق على الوجه ...... وكلها على بعض ...سبه

يا الابقر .... هذى سبه

و فى مره حساوي حاب يقلد ديزنى لاند ب المبرز سماها دزنى و دزك آه عاد

تحيه للجميع وبدون زعل

وعادي ترى انا حساويه
بس ترى حتى انا مو كل كلام الحساويه أفهمه:confused: وأغيره smilies/50.gif
بس لاتعلمون علي ههههههه

وهنا رابط لتحميل الترجمه الحساويه لبو علي المشهور اذا تعرفونه << شلون مشهور وما تعرفونه :confused: خخخخخخخ

http://www.m5zn.com/download3.php?fi...7e31b390ae.rar

طيبب اذا سمعتوها اريد رايكم في الحساويه smilies/50.gif

[melika]

هاش ام الطرور يطرك..... هاش يعني طراق على الوجه ...... وكلها على بعض ...سبه

انطم..... يعني اسكت
امحق .......والله مادري شلون اشرحها بس يقولون امحق عليك ... يعني مالت عليك

خوش عبارات هم زین علمتینا علاقل احیاناااااا اذا سمعناها نعرف شنو معناها هههههههههه

شکرا حبیبتی علمشارکه الحلوه مثلچ

دمتی......

[* بـــتــولــ *]

شكرا لك مليكا على المرور الجميل
بس اشوفك مااخترتي الا الكلمات اللي يسبون بيها
شكلك ماتريدين حد يسبك
هههههههههههه

[عاشقة ثامن سلطان]

في كم كلمه نقولها في القطيف smilies/50.gif

مشكوووورهـ اختي

[* بـــتــولــ *]

عاشقة ثامن سلطان
هذا شي أكيد مو انتوا جيران الحسا هههههههه
شكرا لك على المرور الجميل

[الملكوت]

شكرا اهتي نورتينا عشان لا نقعد مع الحساويه ما نفهم شئ ههههههههههههههه ههههه

[فاطمية]

شكرا عالمصطلحات بس اختي انتي حساوية ؟؟

بس اني وش لي دخل

مشكوووورة مرة ثانية

مع تحيات اختكم المفتخرة بكونها شيعية
فاطمية

[* بـــتــولــ *]

اقتباس : المشاركة الأصلية كتبت بواسطة فاطمية [ مشاهدة المشاركة ]

شكرا عالمصطلحات بس اختي انتي حساوية ؟؟ العفو .. ايوه انا حساويه وافتخر بس اني وش لي دخل ماأدري والله ويش لك دخل انا بس قلت بنوركم بلهجتنا الحساويه مشان اذا حد سبكم تعرفون ويش اللي يقول هههههههه أو انا غلطانه ؟؟ مشكوووورة مرة ثانية العفو حبيبتي نورتي موضوعي مع تحيات اختكم المفتخرة بكونها شيعية فاطمية

smilies/006.gif

[* بـــتــولــ *]

الملكوت
شكرا لك على المرور الكريم والله ينورك بلإيمان وطاعة الرحمن

[خادمة الشيخ المهاجر]

أختي الغاليه أشركم على وضع المصطاحات الحساااويه الجميله لكني دائما أتكلم الفصحى
ههههه علمود فصيحه يعني

بس عندي ملاحظه إذا تلتفتون لها

كلمة

الله يغربلك..... هذي سبه
هذي مو سبه الله يغربلك هذي كلمه عربيه فصيحه ومعناها غربال يعني مصفاة لنزول ماهو
خفيف ويقى الخشن القوي وعلى رأي الوالد يقول معناها أي صفى الله ذنوبكم

أشكركم من قلبي

دمتم برعاية بقية الله