[في الروحْ تَسكنْ]

مساء الورد ..
اليوم .. بـ وريكم .. إشلون نرسم لوحة بالألوان المائية بطريقة سهلة كثير ومبسطة ..

طبعا في البداية .. نحضر ورقة رسم .. مسطرة .. وقلم رصاص .. بأي درجة من درجات الـ إتش بي .. بس يكون درجتة خفيفة .. ونسطر الورقة .. من الجهات الأربع .. بين كل سطر والثاني حوالي 2 سم .. وكلما كانت اللوحة أكبر .. نزيد المسافة ..



وطبعا بيكون عندنا لوحة ننقل منها .. الرسمة .. مثل منظر طبيعـي .. أو أي منظر جاهز .. من مجلة أو من النت .. المهم الصورة تكون موجودة ..
في هذا الورقة حبيت أرسم قلعة .. لقيت الصورة .. جاهزة ... ولازم نقسم اللوحة الجاهزة .. بمسافات مناسبة .. من الجهات الأربع .. ونرقمها ..



وبعد ماجهزت عندنا المربعات في اللوحتين .. نبدأ بنقل أجزاء الصورة .. بنفس تقسيم المربعات .. يعني مثلاً المنظر الجاهز الموجود في المربع رقم 5 أو 6 أو 4 .. ألخ .. ننقله بالضبط .. في الورقة البيضاء المسطرة في نفس رقم المربع ..
مثلا ..
المنظر في رقم 4 .. نرسم في المربع رقم 4 بنفس التفاصيل ..



وبعد الإنتهاء من رسم التفاصيل .. نمسح المربعات .. وبالألوان المائية .. نلون كل التفاصيل .. بكل دقة .. والصورة الأصلية قدامنا .. وهذي لوحتى جاهزة .. اللوحة إلي فوق .. جاهزة .. وتحتها لوحتي ..
شو رآيكم ..



وهذي نماذج رسمتها بنفس الطريقة ..

[بَحراني آلــــهوىٌ]

اللااااااااااااااااااااااااااااااااااااااااي

ضروري اجرب هالخطة ^^ احب الرسم
تسلم الانامل الفنانة .. عجيييب رسمش ما شاء الله

[في الروحْ تَسكنْ]

شكرا لج غناتي .. وحاولي ..

[القلم الرقيب]

اللهم صلِ على محمد وآل محمد.

ما شاء الله فكرة ممتازة جداً ، أحسنتم وشكرا لكم على مشاركة أفكاركم.

رسم احترافي جداً ، عساكم على القوة.

موفقين إلى كل خير

[فلاان]

رائع جدا اختي
الالوان المائية لها نكهة عجيبة على اللوحة

و كنت في البداية ارسم بدون فكرة المربعـات
ومن بعد ما تعلمت الطريقة من استاذي صرت ما اعرف ارسم بدونها

رسم رائع و فرشاة زادة الرسمات روعــة

دمتـ متألقهـ؛؛

يا استاذة

[في الروحْ تَسكنْ]

اقتباس : المشاركة الأصلية كتبت بواسطة فلاان [ مشاهدة المشاركة ]

رائع جدا اختي الالوان المائية لها نكهة عجيبة على اللوحة و كنت في البداية ارسم بدون فكرة المربعـات ومن بعد ما تعلمت الطريقة من استاذي صرت ما اعرف ارسم بدونها رسم رائع و فرشاة زادة الرسمات روعــة دمتـ متألقهـ؛؛ يا استاذة

هلا بك .. ياغايب .. أنت شو سالفتك تغيب فترة طويلة ... وترجع .. وبعدها تغيب .. أعترف وين تروح .. :p

خلاص صارت المربعات هي الكل في الكل .. إذا نويت أرسم أي لوحة .. لكن ألحين قاعدة أرسم لوحة بطريقة النقط بس .. من خيالي .. ومعتمدة عل النقط بس .. تخيل .. طول الوقت .. أنقط وأنقط ... بس النتيجة روعة .. راح أنزلها .. وأوريكم ..

[في الروحْ تَسكنْ]

القلم الرقيب .. شكرا لجمال مرورك يا ألق

[نورالنجف]

اللهم صل على محمد وآل محمد
تسلم اناملك الحلوة ويسلم ذوقك
فنانة بعد شكول
احب الرسم هواي بس للأسف ماأعرف ارسم

[شيعيه ابا عن جد]

جميل جدا خيه ومنظر البحيره روعه
تسلم ايدينج ويعطيج العافيه

[آمالٌ بددتها السنونْ]

هذا ما اسميه " فن حقيقي " مو تقول لي
تأثرت بكاسيو ومادري وشو
هالمجنون ذا رسوماته ماتنبلع وتجب الهم
من وجهة نظري اللوحة إن لم تعكس
الموهبة الجبارة التي يمتلكها الرسام و
تلامس الروح وتمتع الناظر فمعنها هناك
خلل في ريشة الفنان
بالمختصر يعني ريشته خرطي مثل حبيبك
بكاسيو
بالله هذه رسمة تطالع أو تنشرى ؟!!!



ماعلينا نرجع لجمال وسحر فرشاتك عزيزتي
ماشاء الله تبارك الله وعوذتك بالله
اتمنى ان ترينا المزيد من اعمالك فهي بالفعل
تستحق المشاهدة
اسـأل المولى أن يحفظك ويوفقك دائماً والـى
المزيد من التألق.. تحياتي