[عشاق المفيد]

ا (القصيدة1)
الشرف كله بخدمتك ... من الله هاي محبتك
,,,,,,,,,,,,,,,,,,,,1
بهاي العيون بالگلوب خدمناك وبعد
هالمنابر تناديك. حسين بكل بلد
نبقى وياك نجدد يبو الاكبرعهد
نفدي الاموال يالحسين الك نفدي الولد

من تلمنه بخيمتك... من الله هاي محبتك
،،،،،،،،،،،،2
ابمجلسك شفنة يحسين كرامات شكثر
اشچم مريض التشافة وزلت منه العسر
والمگرم تگومة وابد ماتعتذر.
اخرة ودنيا طبعك توزع بالاجر

من نلوذ ابرايتك... من الله هاي محبتك
،،،،،،،،،3
اعله هالنعمة لربنه نگله الف الشكر
ابمجلس حسين الهي ختامه هالعمر
الخادم امنيتةايموت يدگ اعله الصدر
يلطم عليك يمظلوم لحد يوم الگبر

لونموت بحظرتك... من الله هاي محبتك
،،،،،،،،،4
كل الايام يالحسين نذرناهن الك.
نعيش خدام يمظلوم ننوح المقتلك
مانبدل طبعنة وابد منبدلك
انت باب الله يحسين نظل نتوسلك
مانعوف زيارتك... من الله هاي محبتك
،،،،،،،،،،،،،5
جنت الدنيا انت وشفيع الاخرة
الجنة صارت ملكنة وحجزناهه ترة
الجنة الحسين حجزهه وشراهه ابمنحرة
بالقيامة الك كون مجالس تنقرة
بالجنان اقرايتك... من الله هاي محبتك
,,,,,,,,,,,,,,,,,,,,,تمت,,,,,
الخادم حيدرموسى الرميثي
..................................









(القصيدة2)

الليل لحظاتة تمر– واقترب وكت الفجر
حدكم وياي العصر – يابوفاضل
يمسي الظلام – بعدك ننام – ابلاخيام
,,,,,,,,,,,,,,,,,,,,,,,,1
خوية افارككم صعب - ياكمر باجرحرب
والوداع – كلبي ارحمة – بالوداع
جيوش حاطتنه شكثر- الموتكم بس تنتظر
حلمي ضاع – من بعدكم- حلمي ضاع
هسه يمي ياكمر – وباجر بجنب النهر
بالضياع – عمري خلص – بالضياع

تنام عني بالشمس – وابقى اتذكر امس
ترضى يضربني الرجس - يابوفاضل
يموت السلام - – بعدك ننام – ابلاخيام
,,,,,,,,,,,,,,,,,,,,,,,2
تبجي تسمعهه الحرم – باجر ابلاية خيم
خوية نار – بالخيم يا- خوية نار
ياهوا ليتامي صحت – يبو فاضل لوغبت
بالزغار- ياهو يرحم – بالزغار
ابقى ياعباس الي- لوترجعلي علي
كلبي حار – بالمصايب - كلبي حار

خوية لوصار الصبح - خلني وياك انذبح
وياك يطعني الرمح – يابوفاضل
انطك حرام– بعدك ننام – ابلاخيام
,,,,,,,,,,,,,,,,,,,,,,,3
حسين لوضل وحده – يمي وتحيطة العده
عني راح – للمنية – عني راح
لورجع خالي المهر- وين اروح الياكتر
بالجراح – كلبي ينزف – بالجراح
راح اجيلك للنهر- اصرخ اكعد يالكمر
حسين طاح – كوم شيلة – حسين طاح

هناك طاح اعله الثرة - والسيوف توذرة
يمي كطعوا منحرة- يابوفاضل
نار وسهام- بعدك ننام – ابلاخيام
,,,,,,,,,,,,,,,,,,,,,,4
ارد ليتامي حرت – اعليهم اشكد دورت
الكه وين – ايتامي تاهوا – الكة وين
قسم مدري المن مشوا – وقسم شخصك دوروا
وللحسين – اضن راحوا – للحسين
العطش يذبح جم طفل- وبالحوافر تنكتل
حايرين ــــ يابو فاضل ـــــــ حايرين

ايتام يحركهه الجمر- ايتام كتلهه الشمر
الخوف موتلي شكثر- يابو فاضل
بوليت لئام- بعدك ننام – ابلاخيام
,,,,,,,,,,,,,,,,,,,,,,,5
ويني وين اليسر – دللتني انت شكثر
بالحبل – ايدي تنشد – بالحبل
شلون اعوفنك صعب- يابو فاضل عالترب
عالهزل – تقبل اصعد – عالهزل
من امر عالمشرعة- كلي بالله مودعه
لوعدل - كوم ليه – لوعدل

يابوفاضل يابطل – ابلادفن خوية تضل
راح يسبيني الاجل – يابوفاضل
يموت الحمام- بعدك ننام – ابلاخيام
,,,,,,,,,,,,,,,,,,,,تمت,,,
الخادم – حيدرموسى الرميثي,
.................................................. .......................






.....
(القصيدة3)
مدري يجون - لو مايجون
صافنه اعله الباب – وانطر الغياب
,,,,,,,,,,,,,,,,,,,,,,,,,1
اتاني- والمرض عذبني اون
اتاني – كاعدة اباب الحزن
اتاني – ذبل كلبي من الغصن
اتاني – للاهل كل لحظة احن

عني رحل ظعنهم – محد اجاني منهم
ما حنوا الوطنهم – اهلي نسوني اظنهم
اسهر وانوح – وي الجروح
جرحي ابد ماطاب – وانطر الغياب
,,,,,,,,,,,,,,,,,,,,,,,,2
يزينب - ليش عفتيني صحت
يزينب – بعدج ابجي اتعذبت
يزينب – بحظنج اغفه لو نمت
يزينب – جا كفلتيني ورحت

ضعن كامل كفلتي – معقولة ماكدرتي
تكفليني ورحلتي – وعليه ما سألتي
وي العليل – خليني اشيل
مانفعني اعتاب – وانطر الغياب
,,,,,,,,,,,,,,,,,,,,,,,,3
يالاكبر – اكبالي اعلك صورتك
يالاكبر – خوية احن الشوفتك
يالاكبر – هواية اخيتك تانتك
يالاكبر – الهادي اشوفه بنظرتك

احس كلبي يكلي – يالاكبر ماتردلي
انه ادعي شما اصلي – تردلي ويه اهلي
مدري جريح – مدري ذبيح
ترجع الاحباب – وانطر الغياب
,,,,,,,,,,,,,,,,,,,,,,,,4
انامن – اغفه واذكر والدي
نامن – بوية صعبه بوحدي
انامن – بيه احس طف يبتدي
انامن – بكربله احلم مقصدي

احس دلالي ضامي – وعلي حركو خيامي
واشوفك بوية دامي – افز ابجي بظلامي
ليل الطفوف – يرعبني خوف
راسي بالهم شاب – وانطر الغياب
,,,,,,,,,,,,5,,,,,,,,,,,,
اريدن – ماي من جف الكمر
اريدن – عن رقية اسمع خبر
اريدن – والدي يعوف السفر
اريدن – يرد يجمعنه الدهر
ابوي حسين اكله - العمر بعدك امله
حنانك ماكومثله – ردت نحرك اقبله
نحرك كطيع – حتى الرضيع
ذبحته الاغراب – وانطر الغياب
,,,,,,,,,,,,,,,,,,,تمت,,,,,,,,,,,,,,,,,,,,,
الخادم\ حيدرموسى الرميثي
..................................................













(القصيدة4)

ابنيتكم حميدة – عفتوني وحيدة
ياحسرتي ياحسرتي
,,,,,,,,,,,,,,1
لاابوي ولااخوتي وزاد حزني
خاف مذبوحين كلهم وزاد وني
اثنين اخوتي بكربلة يضيعون مني
اني طفلة وظهري من الظيم محني

سهرانه الليالي – ابجي اعله الغوالي
ابقى انتظر وي دمعتي – ياحسرتي ياحسرتي
,,,,,,,,,,,,,,2
وين ابوي المارجع ماحن لبنته
راح اموت من القهر يرجعلي ردتة
كل خبر ماجاني منه وعني سكتة
خالي بيتي ياهجر كلبي ذبحتة

ضلت تبجي زينب – من تسمعني انحب
كلبي انصدع من عبرتي–ياحسرتي ياحسرتي
,,,,,,,,,,,,,3,
عاد بس واحد يردلي حتى انشده
اردة اكله ما وراكم ليش رده
انتم الماي الحياتي واني وردة
ليش هذا الماي من عندي تبدة

يخواني اليتامة – عودولي بسلامة
محد سمع من صيحتي – ياحسرتي ياحسرتي
,,,,,,,,,,,,,,4
ليش عافوني وحيدة وابجي وانعه
كلشي ماخلولي بس بالعين دمعه
واحترك من القهر دلالي شمعه
صوتي من عدهم ولا واحد يسمعة

يمكنهم نسوني – راحوا ما اجوني
ذاب الجبل من ونتي – ياحسرتي ياحسرتي
,,,,,,,,,,,,,,5
ما أنام الليل كله وبيهم احلم
جن اخوتي مذبحين وبيهم اعلم
وجن ابوي انكطع راسه تخضب ابدم
وطاح ابوي من القصر ظلعة التهشم

بحبال الاعادي – يسحلون بفؤادي
محد بكالي بديرتي – ياحسرتي ياحسرتي
,,,,,,,,,,,,,,6
مسلم مجتفينه من رجليه يسحلون
بالشوارع جثته وبيهه يمثلون
الفرس تسحل والدي بالشارع شلون
حتى بالميت اميه مايرحمون

راحوا مني كلهم – مايرجع شملهم
خلوني بعذابي – اسهر وي مصابي
,,,,,,,تمت,,,,,,,
الخادم حيدرموسى الرميثي
,,,,,,,,,,,,,,,,,,,,,,,,,,,,,,,,














(القصيدة5)

بويه - راسك ويانه تيسر
بويه - لدفنتك يحسين أحضر
عفت زينب والسبايه - جيتكم يهلي الضحايه
,,,,,,,,,,,,,,,,,,,,,,,,,1
مابين الجسد والراس خطواتي
بطول الاه بكبر انفاس حسراتي
انسكه حتى الدرب بمواج دمعاتي
مسابك بويه اجيتك ويه عبراتي

جيتك منكسر يحسين ضلعي
جيتك راكب اعله امواج دمعي
اشكي اهوال الرزايا - جيتكم يهلي الضحايه
,,,,,,,,,,,,,,,,,,,,,,,,,,,,,,2
وي نحرك اسولف خلني اشتمه
وي ضلوعك احجي وعندي الك كلمه
وصتني العقيله اعليك ابو اليمه
وصتني اعله ضلعك بويه ما الجمه

اشتم سمحلي بويه اردن اشمك
اشتم خـــــايف انفــــاسي تلجمك
عدكم بحالي درايه - جيتكم يهلي الضحايه
,,,,,,,,,,,,,,,,,,,,,,,,,,,,,,,,3
ادور خنصرك يابـــــويه واتحسر
شلون اكدر اشـــــيلك بويه ماأكدر
عبدالله لكــــــــــيته يم علي الاكبر
اجمعه شلون الاكبر جسمه الموذر
ابجي اعله الطفل مكطوع راسه
ابجي - محد اللوعتي واسه
قست ويانه المنايه - جيتكم يهلي الضحايه
,,,,,,,,,,,,,,,,,,,,,,,,,4
رحت يم الفرات العمي العباس
لكيت جفوفه يمه ومالكيت الراس
يعمي اخلافك اسره بولية الارجاس
زينب يسروهه وجرحو الاحساس

زينب - بالخرابه وي رقيه
زينب - ياكمر صارت سبيه
ارفع الاحزان رايه - جيتكم يهلي الضحايه
,,,,,,,,,,,,,,,,,,,,,,5
حرت بجسم ابوي اوصاله متوذره
ما أكدر اشيلة ابوحدي الكـــبره
صحت عينيني اشيله وياج يالزهره
بجت يمي الزجيه تنوح متـــحيره

فاطم اتكلي اروي بماي كلبه
فاطم وين راسه وحتى اشربه
شلون يشرب مني مايه - جيتكم يهلي الضحايه
,,,,,,,,,,,,,,,,,,,,,,,,6
من نحرك سمعت الصوت يامضلوم
تكلي وياي ادفن طفلي المحروم
على صدري الرضيع اتوسدة يامهضوم
بهيده من تشيله ونحره يجري دموم

طفلك - بويه وسدته اعله صدرك
طفلك - نحره ينزف مثل نحرك
جم نحر ينزف دمايه جيتكم يهلي الضحايه
,,,,,,,,,,,,,,,,,,,,,,,,,,,,,

الخادم حيدرموسى الرميثي








القصيدة 6
....................................
شيعة احنه مانذل . لوكلنه ننقتل. يحفاد امية
،،،،،،،،،،،،،،،،،،،،1
نبينه صادق بالفعل يشهد كلامة
ومذهبنه صادق بالعمل نهج الامامة
فرقتنه هي الناجية بيوم القيامة
رغم المصايب والالم. عشنه بكرامة

المهدينة ننتظر. بالصعبة ننتصر. حتى المنية
،،،،،،،،،،،،،،،،،،2
نتحزم براية علي. ياهو الگدرنه
العباس نرفع رايته. يشهد صبرنه
ربتنه عالعز كربله. نضحي بنحرنه
اعله حسين احنه بكل وكت. نلطم صدرنه

ضحينه بالنحر. مابينه العتذر. . وكت الرزية
،،،،،،،،،،،،،،،،،،،،،،3
نتحدى ارهاب الغدر . يشهد حشدنه
العالم تحدانا وعجز. بجيوشه ضدنه
للشيعه ابد محد گدر. شافو ولدنة
گصينه ايدة الي وصل واللمس حدنه

طف الحزن رجع. صوت الحق ارتفع. بهاي القضية
،،،،،،،،،،،،،،،،4
عباس قائدنه يضل كل شده ننخاه
وحسين والينه ونضل كل احنه وياه
والطف درس مو كل بشر يفتهم معناه
يفتهمه بس الرافضي. من زغره يهواه

ضحينه بالدمة. ظل دمنه بالسمه. اشرف هويه
،،،،،،،،، ،،،،،،،،5
الوهابي واهل القاعدة وحتى الدعمهم
طيحنه چم مره بفخر منهم علمهم
نگل للعده شيعت علي من يگدرلهم
بنص المعارك ثبتوا. مجلس لطمهم

مايخلص الدمع . من نذكر الظلع. ظلع الزجية
،،،،،،،،،،،،،،،،،


الخادم حيدرموسى الرميثي
,,,,,,,,,,,,,,,,,,,,,,,,,


القصيدة 7
.............................................
فدوة احنا الزينب - يبن الكرار
وصلو لرض الطف – كلهه الانصار
ياهو اليوصلهه – واحنا النكفلهه – يحسين وكلهه
كلهه الانصار
***************1******************
يازينب – صاحو انصارك بالحرب يبن الصميدة
يازينب - زينب تضل بكل عصر اشرف عقيدة
يازينب - اليوصل لزينب بت علي نكطع وريده
يازينب – تبقى العقيله ام الخدر والحق نعيده

توصل فكرتنه – الكل الاجيال
زينب ثورتنه – تربي الابطال
ثوره نسجلهه – يحسن وكلهه – كلهه الانصار
***************2*******************
ذب السيف – عابس لزينب بالحرب قام الشعائر
ذب السيف – يقلع بصوته وخزرته كلوب العساكر
ذب السيف – يتناوش بجفه الزلم بيهم يشامر
ذب السيف– بحب الحسين اتجننت واكطع مناحر

نحيا وضلينه – موتنه الموت
من يوصل زينب – نرفع هالصوت
راية ونحملهه - يحسن وكلهه – كلهه الانصار
******************3*******************
بس سبعين – زينب تكلهه وعادلو كل الملاين
بس سبعين – من كون الباري الخلك للساعه باقين
بس سبعين - ماصح مثلهم بالبشر يعني الزلم وين
بس سبعين – خالقهم الله الكربله ينصرون الحسين

خالقنه الباري – ننصر زينبنه
سبعين ولكن – فنه اليحسبنه
كل صعبه انحلهه - - يحسن وكلهه – كلهه الانصار
*******************4*****************
هالانصار – رباط هوستهم قفل بسم العقيله
هالانصار – ودو رساله للشمر رعبو دليلة
هالانصار– سبعين الف عدنا العدد كلش قليله
هالانصار– وياهم ترى حدنا الضحة العسكر نزيله

سيوف الحدينة – الكطع الاركاب
باجر وياهم – عدنا احنه حساب
النصر انجيبلهه - - يحسن وكلهه – كلهه الانصار
*******************5******************
هالابطال – حبيب ونافع وي وهب دكو صدرهم
وابن القين – والحر اجو للمعركة ونذرو عمرهم
يشهد جون – مسلم تعاهد وي انس من يكدرلهم
بالقرآن – برير يرتل بالحرب اية نصرهم

اليوصل يم زينب – الا ابلا ر اس
لامحد يكر ب - لا والعباس
هالانصار الهه - يحسن وكلهه – كلهه الانصار
**************6*********************
للاجيال – زينب امانه بكل وكت بيد الموالين
للاجيال وصو وصية بنصرتج للشيعه كل حين
للاجيال – انصارج وما قصرو خدام الحسين
للاجيال – محميه انتي ومرقدج بيد المحبين
ثورة انصارج - فوك المريخ
ضل عنهم عاجز - يحجي التاريخ

الحومه انزلزلهه - يحسن وكلهه – كلهه الانصار
***********.**************************.*
الخادم – حيدرموسى الرميثي








8
ماشفت نار الخيم – مانشدت اعله العلم – يابوصالح
جدك ظلوعة مكسرة - مكطوع نحره وخنصرة
,,,,,,,,,,,,,,,,,,,1
غالية دموع العقيلة هواية عندك
شلون شافت عالترب مذبوح جدك
هالمصيبة الكطعت مولاي جبدك
المن اتسولف همومك وانت وحدك

ماشفت ظهرانكسر- وماشفت جف عالنهر- يابوصالح
عطشان مرمي عالثره- مكطوع نحره وخنصرة
,,,,,,,,,,,,,,,,,,,2
الكسر ظهر حسين عباس بوكعته
والكسر ظهر ابوفاضل زينب اخته
وزينب اليكسر ظهرهه الظعن قصته
والكسر ظهرك يمهدي حسينك انته

على وجهه منكلب-ابلاية راس اعله الترب - يابوصالح
طعن السيوف ابمنحره-مكطوع نحره وخنصرة
,,,,,,,,,,,,,,,,,,,3
مارحت يم النهر عمك تداوية
سهم عينه يابو صالح حيل ماذيه
ابلاجفوف شلون صعبة اتسلم اعليه
الشمس تجوي جروحة من توصله غطية

لاتكله ميسره – زينب ومتحيره – يابو صالح
ضامي الرماح اتطبرة-مكطوع نحره وخنصرة
,,,,,,,,,,,,,,,,,,,4
بلليلة الحادي عشر شفت الرزية
الخيم تلهب نار وتجوي برقية
كلهم اهلك خلصوا بالغاضرية
وبذبحكم تحتفل مولاي امية

بت علي فوك الهزل- والشماتة تحتفل – يابوصالح
خيام اليتامة موجرة-مكطوع نحره وخنصرة
,,,,,,,,,,,,,,,,,,,5
حسين لو ذاك الوكت تدنه يمه
الرمل حار افرش عباتك تحت جسمة
كطع اكليبة المثلث لاتلجمة
ابماي برد نحره لو رايد تلزمة

ابماي اسكي ركبته – ماكو راس بجثته – يابوصالح
دمة اعله ارض الطف جره-مكطوع نحره وخنصرة
,,,,,,,,,,,,,,,,,,,6
لو شفت يمه الزجية ارحم وضعهه
خاف تعثر امك انت الزم ضلعهه
حسين يتألم اذا تبجي سمعهه
وين راسه تنشد الزهرة بدمعهه

كلهه راسة اعله الرمح – وبجبينة انظر جرح-يابوصالح
يمه الزجية محيرة-مكطوع نحره وخنصرة
,,,,,,,,,,,,,,,,,,,
الخادم حيدرموسى الرميثي
,,,,,,,,,,,,,,,,,,,,,,,,,,,,,














9
ماكو خيمة – وماكو كافل – وين اروحن - يابوفاضل
بالرعب اطفالي – والشمرصاحالي – ها يزينب
,,,,,,,,,,,,,,,,,,,,,,,,,,1
شيجمع ايتامي – النار بخيامي – خوية محتاجة الحميتك-
وانت ابن حامي الحمية
هي اضن كالوا – بت علي صاحوا – هاي هي وباوعولي-
واشروا كلهم عليه
هسه عرفوني- وهسه شافوني- واني محد شاف ضلي –
تدري بيه الهاشمية
كافلج وينه- خل يجي لينه- راح نسبيكم يزينب-
كافلج مامنه جية
صحت يمه – وشتموهه- اتذكرتهم – من ولوهه
وين اظم اعيالي – والشمر صاحالي – هايزينب
,,,,,,,,,,,,,,,,,,,,,,,2
الشمر يخزرنه – صوطة يزجرنه – يفتخر وبمهرة يفتر-
خوية جا محد يردة
بحيره خلاني – جفوف رواني – كال ذني جفوف اخيج-
كطعتهن لحد زندة
للشط امشيله- روحي واحجيله- البي تخوفيني يزينب-
نايم اعله الشاطي وحدة
رايح اسبيكم – ياهو يحميكم – بيدي احرك كل خيمكم-
راح اعذب شكو وردة-
ماكو حامي – ولااكوا رحمة – وين اروحن- دنيا ظلمة
ينكطع دلالي– والشمر صاحالي – هايزينب
,,,,,,,,,,,,,3,,,,,,,,,,,,,
ابنيته جيبولي – حسين كالولي – عنده ابنيه عزيزة-
واضن سموهه رقية
يكلي طلعيهه – بسوطي اوليهه – اله اخلي ازرك متنهه –
اعليهه ابجي امهه الزجية
صاح يسكينة – الواعدج وينه – جودة فارغ جبته بيدي –
وعفته نايم عالوطية
اليوم المهه – مدللت عمهه – سكنه اطكهه والتراجي-
الا اكطعهن بدية
جيب جودك – طفي ناري – يبوفاضل – دمعي جاري
كلب ماخلالي– والشمر صاحالي – هايزينب
,,,,,,,,,,,,,4,,,,,,,,,,,,,
قاسمج وينه – وعرسه تدرينة – وضل يعددلي باخوتي –
مكطعين اعله الترايب
وين اولادج- وين خوانج – احجي وياهم يكلي –
محد البيهم يجاوب
شلون احاجيهم – نفس مابيهم – انخسف تل الزينبية –
بيه من يسمعني اعاتب
يشتعل راسي – خوية عباسي – راسي من النار ابيض –
مدري شيب من المصايب
ظلوع امي - كسروهن – ظلوع اخوتي – رضرضوهن
النوح ضل يبرالي – والشمر صاحالي – هايزينب
,,,,,,,,,,,,,5,,,,,,,,,,,,,
النوك حظرهه – اكبالي سطرهه – وصاح هاي الناكة عرجة –
الج يازينب جبتهه
لازم احبالة – وحظر اغلاله – الركبت السجاد هايه –
وللفواطم حظرتهه
دمعي ضل سايل – خوية يالكافل – من المدينة انت الجبتني –
هسه اخيتك شو عفتهه
بيد جتالك – تنسبي اعيالك – تقبل امشي يابو فاضل –
حافية اختك ماشفتهه
عنك امشي – لاتظنهه - روحي عالتل - يبقى ونهه
رافكت جتالي - – والشمر صاحالي – هايزينب
,,,,,,,,,,,,,,,,,,,,,,,,,,
الخادم حيدرموسى الرميثي
....................................






10
الاكبركال لحسين –هذا اليوم يومي
,,,,,,,,,,,,,,,,,,,,,,,,,,,,1,,,
جربني يبوي وشوفني شلون ابنك شوفه الاكبر
كله الجيش اخنكة واكلب الكون وابقى بزودي افخر
اني ابن الوصي البجدادهم جان بيهم سيفه ينحر
همه اجدادهم عباد الاصنام وانه جدي حيدر

افدي الروح للدين - –هذا اليوم يومي
,,,,,,,,,,,,,,,,,,,,,,,,,,,,2
ابن حسين ذاب بحب الحسين مثل ماذاب عابس
علي الاكبر حسيني وبالعشك جان بعشكة من ينافس
دمة يسيل لجل حسين قربان بالحب كلبه دارس
وصانه نذوب بحب الحسين ونقيم المجالس

تسمعني المحبين–هذا اليوم يومي
,,,,,,,,,,,,,,,,,,,,,,,,,,,,3
يكل لحسين خل انعلم الاجيال عالعيشه بكرامة
اخلي الناس بيه اتسولف افعال حد يوم القيامة
نصيح بكل وكت للذلة هيهات مانخشى الملامة
انت العلمتني اعله البطولات يحسين الشهامة

طول الزمان باقين –هذا اليوم يومي
,,,,,,,,,,,,,,,,,,,,,,,,,,,,4
علي سيفه صراط وساروا اعليه فنه العبر فنه
الجهنم كام سيفه يرسل افواج من يحجون عنه
محمد جنه صال وبيده فقار ياهوا اليمة يدنه
علي الاكبر يكلهم يومي هاليوم جهنم دوة الضدنه

نادة اذلي هالحين–هذا اليوم يومي
,,,,,,,,,,,,,,,,,,,,,,,,,,,,5
ودع زينب وكاللـها هاليوم بيدي النصر يرجع
يازينب الج فدوه العساكر لجلج كلهه تخظع
بنص كاع آل امية ارفع اليوم علم لحسيني ارفع
ماتنفع شفاعة الذولة الاشرار – الروس اليوم اكطع

راح اكلبهه صوبين–هذا اليوم يومي
,,,,,,,,,,,,,,,,,,,,,,,,,,,,


الخادم حيدرموسى الرميثي





11
حيوا عباس ابو الغيره دخل للحومه
حيوا عباس ابو الغيره دخل للحومه
1
بالحومة شال العلم وينادي يازينب
ياجيش يكدر بعد من خيمتج يكرب
كربلة محجوزة الي والكعبة ماتنطب
الزواري تصبح وطن جودي نبع ينصب

صاحب الجود بالمواقف بطل بعلومة
حيوا عباس ابو الغيره دخل للحومه
2
يم الشريعة وصل والنهر حب جفه
من جفه يشرب طلب وبزينب يحلفه
هالماي يعطش عجب جاسه وشبع جرفة
عباس حتى النهر يشتاك اله يعرفه

يبقى نبراس ابوالشيمة تضل رسومة
حيوا عباس ابو الغيره دخل للحومه




3
ماكو مثل خوته ربك فلا سوه
والخوة بس للكمر مخلوقه هالخوة
بالموزمة ينحسب سلطان للنخوة
عباس هو الاصل من عندة المروة

بطل صنديد ابو النخوة شهم من يومة
حيوا عباس ابو الغيره دخل للحومه
4
بالمرجلة صولته ماخذهه من حيدر
مرعوب من خزرتة ضل يرجف العسكر
من يوصل العلكمي والكافل اتحظر
يفنيهه شرق وغرب بالحرب ماقصر

ابو الايثار صبح قدوة ورسم معلومة
حيوا عباس ابو الغيره دخل للحومه
5
جفوفه نذرهن نذر لخته وجرح عينة
عباس ضل مستحي من واعد سكينة
كتبت شرف ثورته عالنهر جفينة
عباس ضحه العمر كله لجل دينة

ضحه لحسين نذرنحره وكتب بدمومة
حيوا عباس ابو الغيره دخل للحومه
الخادم\ حيدرموسى الرميثي











,,,,,,,,,,,,,,,,,,,,,,,,,,,,,,,,,,,,,,,,,,,,,,,









12
بكبرهه زينب وناحتلك اليوم - يالشفت المصايب ليش مسموم
,,,,,,,,,,,,,,,,,,,,,,,,,1
السم يحرك بجبدك يرجواي
. هم كلبك عطش يابعد عيناي
ابوك حسين ياهو الشربه الماي
يصيح العطش ظالم يجوي بجلاي
شنهي الراي يالسجاد شنهي الراي
لعيالك نريدك تبقى وتكوم- يالشفت المصايب ليش مسموم
,,,,,,,,,,,,,,,,,,,,2
لهسه العطش من كربلا يناديك
وبعدهي دموع زينب من تحاجيك
تكلك ياعلي ماتكدر شبيك
ابوك حسين جنك من اصد ليك
جبدك منجسم وادريبه ماذيك
مثل حسين اخي الغدرته الكوم- يالشفت المصايب ليش مسموم
,,,,,,,,,,,,,,,,,,,,,3
اثار الحبل بجفوفك جروح
وطبعات السياط امتنك اتلوح
طبعات اعله متنك لسه متروح
ناوي للكبر يالعابد تروح
على عيالك اشوف اعيونك تلوح
كظيت العمر بالحسرة مظلوم- يالشفت المصايب ليش مسموم
,,,,,,,,,,,,,,,,,,,,,,,4
لا جسام يمك لاجه الاكبر
تعالج وحدك كلبك تفطر
ضلو بالعراق بغير منحر
صدر حسين بالحافر تكسر
متت وحدك غريب الله اكبر
محد من اخوتك يمك يحوم- يالشفت المصايب ليش مسموم
الخادم حيدرالرميثي............
..... ......................












13
بفراش المنية لون عباس
حاظر بين اديه ايخلي الراس
يشربك ماي بيدة بطيب الاحساس
,,,,,,,,,,,,,,,,,,,,,,,,,,,,,,,,,,,,,,
بطل عباس - رفعت الراس - يابوفاضل
,,,,,,,,,,,,,,,,,,,,,,1
والنعم منك يكافل زينب
الحاجة يمك ياكمر ماتصعب
لسه جودك لليكصدك ينصب
من فراتك ياكمر هالنشرب
ابو النوماس – رفعت الراس
,,,,,,,,,,,,,,,,,,,,,,2
الشمس تفر من تفر جفينك
والنجوم اتصلي كلهه بعينك
انتم وبس علم رافع دينك
ماتقصر وانت ظهر حسينك
بحر الاحساس – رفعت الراس
,,,,,,,,,,,,,,,,,,,,,,3
هذا باب حسين نهرالغيرة
ابد ماخاب اليكصده بحيره
والجبيرة يحلهه عنده ازغيرة
لبوفاضل انخه وجهك ديرة
ماله مقياس – رفعت الراس
,,,,,,,,,,,,,,,,,,,,,,4
بالشجاعة وبالكرم اطباعه
كلي ياجيش اليلاوي ذراعة
من يصول تكول يوم الساعة
القادة تعلن يمه كل الطاعة
العزم والباس – رفعت الراس
,,,,,,,,,,,,,,,,,,,,,,5
انت يبن ام البنين الحرة
ابروحك اتوافي الشفيعة الزهرة
وكافل اختك وانت ساقي العترة
ماشربت الماي كلبك جمرة
رحمة للناس – رفعت الراس
الخادم – حيدرموسى الرميثي
....................................








14
هذا وين الكمر جان– نورة يضوي بكل مجان
هذا جسام
,,,,,,,,,,,,,,,,,,,1
عنه ضميتة – وليش طلعته – من جمالة العسكر اتحير ترة
اشكد حلو لونه- خزرت عيونه- يشبة العباس سبع الكنطرة
للحسن يشبه – تجمع اوصافة- بي شبه كلش جبير الحيدرة
شاب ودعته- وراية سلمته- روحة لجلك يبو اليمة ثائرة

هذا طير من الجنان– نورة يضوي بكل مجان
هذا جسام
,,,,,,,,,,,,,,,,,,,2
وردة عطشانه– ليش ذبلانه-ماكسرعزمة العطش لاكل عدد
شايل شموعة- وشايل سلاحة-سيفة ينطق قل هوالله احد
اهدعش يم يوسف-سجدواحسبهم-وجيش سبعين الف للقاسم سجد
هدد العسكر-صاح من يكدر-مثل هيبة علي للحومة كصد

شمس وتضوي الزمان– نورة يضوي بكل مجان
هذا جسام
,,,





,,,,,,,,,,,,,,,,3
البطل بفعالة- تشهد اقوالة-صاح بالميدان اني ابن الحسن
عمي ابوفاضل-عالنهرنايم-زينب اني اكفلهه واكفلّه الضعن
للحسن يقره-يلقي ابياته-صاح ماهاب آل امية والوثن
عالم بفقهه- سيفة ضل يفتي-شاب واتطوع يزيل اهل الفتن

عدنه وياه امتحان– نورة يضوي بكل مجان
هذا جسام
,,,,,,,,,,,,,,,,,,,4
صاح يايمة- انظري بعيوني– بدمعتج خليني اوسي دمعتي
يمه زفيني- يمه ودعيني- للشباب اروي ييمه قصتي
بالطف احلامي-وعاشت ايامي- يم ابواليمة اريدن موتتي
من زغرسني- الموت طالبني-واني للموت اعتنيت بصولتي

بالحرب صاح الاذان– نورة يضوي بكل مجان
هذا جسام
,,,,,,,,,,,,,,,,,,,5
ضحه باماله – الشاب هنيالة- كل زمن مايطفي ضل يزرع شمع
ثارة ماينسه – بي يضل يطلب – شلون ينسه المنكسر منه الظلع
الدنيا رافظهه- الجنة طالبهه – القاسم بثورته غير جم وضع
ثورة القاسم – كل بلد لازم- راية حسين الوحيدة ترتفع

ينضح بغيرة وحنان – نورة يضوي بكل مجان
هذا جسام
,,,,,,,,,,,,,,,,,,,
الخادم\حيدرموسى الرميثي
........................................











14
يابو فاضل والنعم من زودك – لسه يابو الغيره ينبع جودك
,,,,,,,,,,,,,,,,,,,,,,,1
بدمع زينب من نحلفك يالكمر
لليزورك تنمد جفوفك نهر
من الخيم بعيونا اتعيش الصور
جفن زينب بالطفوف اشكد سهر
يبوالغيره من يصل لحدودك– لسه يابو الغيره ينبع ماي
,,,,,,,,,,,,,,,,,,,,,,2
على التل الزينبي زينب بقت
ماتفارك نورك ويمك اجت
هي تتلكة اليزور اتعودت
توزع امراد علزوارك بدت
بالشجاعة الشاهدات زنودك– لسه يابو الغيره ينبع ماي
,,,,,,,,,,,,,,,,,,,,,3
زيارتك تسوة الذهب تسوه العمر
والله نتعناك لوزرعوا جمر
كمر بالدنيا وكمر يوم الحشر
انت يالعباس قرآن الفجر
انت وي زينب توفي اعهودك– لسه يابو الغيره ينبع ماي
,,,,,,,,,,,,,,,,,,,,,,,,,,,4
والمجالس نحي دوم بكربلاء
عليك نقرة وتقره ويانه السماء
نبجي يمك عالعقيلة ام الوفاء
ونذكر جروح السبي وسيل الدماء
يالكمر كلنه نصير جنودك– لسه يابو الغيره ينبع ماي
,,,,,,,,,,,,,,,,,,,,,,,,5
عيونا العينك تضل تجري الدموع
بسهم مصيوبة وعطش كلبك يلوع
انكسر ظهر حسين وانهشمت ظلوع
وانطفت بخيام زينبنه الشموع
راية للاسلام ضل مجهودك – لسه يابو الغيره ينبع ماي
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,

الخادم ,حيدرموسى الرميثي











15
شمسوين تذبحنه احنا شمسوين -أيتام وبعدنا ازغار مظلومين
,,,,,,,,,,,,,,,,,1
ليش السيف خليته على اركبنه
وليش بصوط كلساعه انت تضربنه
بعدنه اطفال ماتخجل تحاربنه
من حرك الخيم فرينه مرعوبين-ايتام وبعدنا ازغار مظلومين
,,,,,,,,,,,,,,,,,2
لاتذبحنه زينب وين دلينة
هم ردت لهله والضعن وينة
ولبونه بياكتر مدفون ودينة
بس احنا البقينة اخوتنه مذبوحين-ايتام وبعدنا ازغار مظلومين
,,,,,,,,,,,,,,,,,3
دلينة بأهلنه ومانضل نرحل
وكبل مانمشي نكصد كربله ونوصل
لكبر حسين نزورة ويمة نتوسل
كبل الموت خلنه انزور كبر حسين-ايتام وبعدنا ازغار مظلومين
,,,,,,,,,,,,,,,,,4
يالتشبه شمر سيفك يخوفنه
اعلينه لاتصيح ابصوتك انصفنه
صوتك ليش عالي وبي ترجفنه
ماعدنا ذنب بالغربة محرومين- ايتام وبعدنا ازغار مظلومين
,,,,,,,,,,,,,,,,,5
جويات الخيم لليوم تاذينة
وصياط الشمر طبعت اثربينه
شردنه من الحوافر تسحك اعلينة
راحت امنه مسبية وبقينة اثنين- ايتام وبعدنا ازغار مظلومين
,,,,,,,,,,,6
عن حسين نحجيلك ولاتبجي
ندري مايرق كلبك ولاتحجي
علينة خلاف اهلنه محد يوجي
تذبحنه يحارث واحنه مهظومين- ايتام وبعدنا ازغار مظلومين
,,,,,,,,,,,,,,,,,,,
الخادم حيدرموسى الرميثي
.................................................. ..............




16
ياعمي اروحن للحرب – خليني
ياعمي احلفك بالحسن – وديني
,,,,,,,,,,,,,,,,,,,,,,1
وصاني ياعمي الحسن بالطف اضحيلك
وعيوني ناذرهن الك كل عمري افديلك
سجلني جندي بعسكرك شتريد اسويلك
هالجيش اجيبة الطاعتك ويكلك ادخيلك

خليني احطم كل وثن - بيميني
ياعمي احلفك بالحسن – وديني
,,,,,,,,,,,,,,,,,,,,,,2
ياعمي شلي بالعمر يحسين الك فدوة
من بعدك الدنيا ابد يالغالي ماتسوة
مو واجب اعليه الحرب و زغير بس قدوة
يحسين تسمحلي اطب منك ردت فتوة

اسمحلي ادافع يالسبط – عن ديني
ياعمي احلفك بالحسن – وديني



,,,,,,,,,,,,,,,,,,,,,,3
كلبي فلا يسمحلي ابد انظرهم يجونك
شلون اني ابقى بخيمتي واعداك يولونك
ماريد اشوفنهم بعد ساعة ويذبحونك
كبلك يبو اليمة انذبح فنهم يكصدونك

اخر شهيد بعسكرك – تلكيني
ياعمي احلفك بالحسن – وديني
,,,,,,,,,,,,,,,,,,,,,,4
ماخاف تعرفني ابد واني علي جدي
سبعين الف يابوعلي اكصدهم بوحدي
تدري من اصيحن ياعلي الويهم بزندي
احمي الخيام ويه الحرم فنه اليصل حدي

لمن اطيح من المهر – تانيني
ياعمي احلفك بالحسن – وديني
,,,,,,,,,,,,,,,,,,,,,,,,,,,5
اني انا شبل الحسن – بفعالي اناديهم
راح اني اخليهم بعد – ينسون اساميهم
الحاربوا ابن المصطفى – كل غيره مابيهم
بالحومة انصب محكمة - وكلهم اقاضيهم

عريس ضحة بكربلة - سميني
ياعمي احلفك بالحسن – وديني
,,,,,,,,,,,,,,,,,,,,,,
الخادم \ حيدرموسى الرميثي
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,





















18
يبن الحسين ياعلي السجاد تنعاك السماء
يبن و لسه تبجي عليك من دم كربلاء
تنوح ركعات الصلات عليك تبجي الكائنات
************1.************
كلشي بجه عليك وحزن حتى الهوه بحسراته
من نشتم الدمعه نحس نتنفس بعبراته
تتبلل رموش الشمس من يخشع بدمعاته
وتخشع ملائكة العرش من يقنت بدعواته

وي دعائك الكون يوكف يندعي ابابك مزار
وي دعائك فاطمة تكعد تسبح والنهار
وي لوعات الزكات عليك تبجي الكائنات
*************2.**************
جبدك مثل جبد الحسن قران جبدة موذر
من كربلة يبجي الكبر وناح الطفل والمنحر
من نزلت ايات الحزن كوكب زحل يتفطر
تتألم السم عذبك مصاب الكمر تتذكر

الوحي نازل نّزل اعله العين قرآن الدموع
الوحي نازل منكسر جنحه مثل كسر الظلوع
والمأتم قانتات عليك تبجي الكائنات






***********.3***********
كل خطوة من درب السبي لبست سواد اتعزيك
كل عثره من زينب بجت للشام دم تبجي عليك
ماخيط جروحك دمع جرحك حسيني وضل بيك
البكائين الخمسه انت اشد بالبجي ما وصلو ليك

انت خامس خامس اصحاب البكاء بجيك اشد
وابن خامس خامس اصحاب الكساء والمعتقد
الزاكيات الطيبات عليك تبجي الكائنات
**************.4*************
بعينك شفت كل كربله وبيدك دفنت انت حسين
بيدك شلت راعي العلم مذبوح وبلاجفين
شلون الارض تدفن كمر وين الشمس غابت وين
محتركة ماتنسا الخيم وعيالك المحتارين

والعبادة لبست اسود ياعلي وضلت تون
والعبادة عليك صلت ياعلي فرض الحزن
الواقعة والعاديات عليك تبجي الكائنات
**************5.*************
لسه الحبل طابع اثر بجفوفك التنزف دم
بركبتك تذبح جامعة نحرك نزف وتألم
والدك راسه البلطشت ويزيد سوطه اتكلم
يضرب ثنايا ابن النبي كلبك حزن يتهدم

العنده شامت الله يعينه عليه يزداد المصاب
العنده شامت ويمه اهله مجتفين بهلعذاب
الباقيات الصالحات عليك تبجي الكائنات
؟؟؟؟؟؟؟؟؟؟؟؟؟؟؟؟؟؟؟؟؟؟؟؟



؟الخادم حيدرموسى الرميثي
.................................................. .................................................. .......