ما هو غـصُب ترى ولا بالقوَّه
نــِـحــبكم نــِـودكم بـــــــالمَـرَّه
بـِـلِلْسان إذا قلنه إنحبكــــــــــم
ترى القلْب إليكم يــتـبـــــــــره
في الشارع بتفتيشي دايـــــــم
تريدون إذلالي بـــــــالــنظـره
تقولون تـِحب خلـــيفه عـــمُّك
غــصب لازم مــنُّك إتــوقــره
ولو ما تهددني إبعــــــرضــي
وبسلاح فوق راسي إتجُـــــرَّه
لَخَتْ صورة خــــلــيفه مـنـكـم
أشــقـقـهـه وافـلـتهـه بــــــــره
شسوي في صورة من يـقــتـل
أهلنه ومـحـــد كـــافي شـــــره
وتبغوني إبكل راحه انـــســـــه
وبَرْوِزْ إصوره في كل حـجره
خسيتون ترى الحب مو بالعنف
تجوني ولا الحب بــــالصــطره
ولا السب ينفعكم اُلا شـــتــمــي
ولا الحـــقـد رايح يرفع قدره
وكل يوم تسوون ليه حــفـــلـــه
مدارس وروضات وجـم دُبـره
تِلَصقون صورهم في الصفوفْ
أغاني ورقصات جم سمـــره
وِذا طـــاحت بـــالغـــلط صوره
حكم قاسي الطالــب يِــيـنـِـطْرَه
وإذا رحت أنا اليوم في سـجني
عذابٍ ألاقـــيه اُوْيَه الأســـــــره
تِعَذِّب كل بقعه في جــسمـــــي
وتفرح إذا صِحت إبــــحـــسره
أنا واحد اتحمَّل ضربــــــــــي
ونتون ضدي أزيد من عـشـره
تضـــربوني كلكم وبروحـــي
مربوط آنه مصمَّـــد ومـْـعَــرَّه
وكل واحد فـــــيكم يــتـــــحده
وِسَوي روحه بطل في السهره
غصب يعني إنقول إحنه إنحبهم
ثـــلاثـتهم دايـــــم حــق نــبــره
ونـفتك من الضرب والــتعـذيب
وصعقات إبجسمي كــالجمـــره
تقــولون والمُسدَّس فــوقـــــــي
ياللا من إمشـــــيمع اتبـــــــــره
ومن قاســــم والشيخ الــمحفوظ
والمقــداد وأبو حسين بو الثوره
تــرى هم في قلبي أعـــشــقـهــم
اذا الـْسَاني يــجـدب هــــو أدره
ترى حبي حق أرضي دايــــــم
وانتون حبكم للمال والــــشهره
حــكـمــكم هذا ترى هـو زايـــل
ظــلــمـكــم الله فـــاضح أمـــــره
انتصرنه وباقي تصقط الأصنام
ونرمي إصوركم في الـــكجـره !
للامانه
منقول من العضو ام مريومه ملتقى فجر البحرين
العرض الشجري