[بنتُ علي]

أهم الأحداث في رحلاتي إلى مكة :
من قررت نروح مكة اجرب الاحرام الابيض والبسه واشوفه بالمرايه !!! هذا قبل لانروح يعني قبل الاحرام لان من نحرم مايجوز نطالع بالمرايه
اول سنة رحت مكة كان عمري 15سنة ...
دخلنا المسجد الحرام ويا الجماعة ....الشيخ سجد اول مادخل والكل سجد وياه ..واللي يبكي ويدعي ...
كانت وياي بنت عمتي ..قالها الشيخ خليش ويا بنت خالش زين ....وكانت ساجدة يمي ...طوّل السجود ..متى بيقوم ؟؟ رفعت شوي ماقاموا ..ظليت ساجدة ...شوي والا بنت عمتي ... ليول قومي راحوا عنا!!!
قمت ..هئ ....... وينهم ...مافي احد ..... زهور اني مادل مكان ..واني اخاف ...ياعلي ...تندلي ولالاء ؟؟؟ وطبعا ماعندنا جوالاات ....؟؟
قالت : تعالي تعالي ..اذكر ان احنا ننزل من هذا الدرج ..امشي
اني : ياعلي ..بنضيع ... واحنا تونا نمشي ....شفنا ابوي وجا واخذنا ...
الحمدلله ..استانست ....
------------------------------
عاد بالرحلة الاخيرة اللي رحتها بجمادى اللي راح ...نزلنا الميقات ...واحرمنا وصلينا ....الاحرام كبير وموعارفة كيف امسكه ....!!!
طلعنا وعندي شنطتي ....جا ابوي ..يلا بسررررررررعة بسرررررعة قبل لايصير الحرم زحمة ...تاخرتوا .....
شافني متبهدلة بشنطة الاحرامات وشنطتي ...
اخذهم من عندي ...
كان احلى شي منظر رامي يجنن بالاحرام ..توه صغير ولابس الابيض ....كنت ابغى اصوره قلت له بالباص ..
المهم
وصلنا الباص ...واني فرحانة بالاحرام ...ولوتشوفوا الكل مبتسم ..
شوي ..بعد الهذرة ...ابغى جوالي علشان اصور رامي
ابووووووووووي وين شنطتي ؟؟؟
ابوي : مادري ..عندش ..ماخذتها انا!!!!
اني : هاااااااااااااااااا ..اخذتها من عندي ...
ابوي : يمكن نسيتيها بالميقات
اني : لاااااااااااااااا .انت اخذتها ....اكيد طاحت بالشارع !!!!!
ابوي : لاماخذتها ....
الشيخ : خير اشصاير ؟؟؟!!!
ابوي : لابس نست شنطتها هناك
الشيخ : فيها شي مهم
اني : لا ..بس جواااااااااالي
ابوي : أي جوالها ماكمل سنة حتى
اني : ----
طبعا اني معصبة حدي ....وزعلانة .....
ابوي:استحي اقول له ارجع ...
قعدت ع الكرسي واني مكتئبة وحالتي يرثى لها!!!!!!
الكل يدور ..ابوي وامي ورامي ..والشيخ قعد يتصل على جوالي ...وابوي بعد بس مافي !!!!
واني قاعده ع الكرسي قعدت ااكلم نفسي بعدما عصبت " ليلى ...هذا اول اختبار لش وفشلتي ..لانش عصبتي !!!! وهدأت شوي ..بس ظليت في داخلي اتكلم ...
معقولة .؟؟؟!!!!!
اجي اعتمر يضيع جوالي ...اني اتعلق بأشيائي بشكل عجيب ...بس ليش زعلانة ؟؟؟شو السر ؟؟؟معقولة..يضيع شي غالي على قلبي ..لامتاكدة انه بيرجع لي ..بس كيف ..مالي شغل ..يرجعوا اله للميقات ..بس اكيد شالوا الشنطة ..مابيخلوها
واني قاعده ..اسمع صوت السيد حسن "رسالة الامين" اقول لامي ..اسمع صوت السيد ...
تسمعيه؟؟؟
امي : لا!!!!!!!!
اني : يمكن اتخيل ...
وكلما قربت من الكرسي سمعت بوضوح اكثر
امـــــااااااااااااااااه ..اسمع صوت السيد ..ليش ؟؟يمكن لاني زعلانة !!!!!!
رخيت ...شفت حزام مرمي تحت الكرسي ...قلت هذا حزام رامي يمكن وخليته ماشلته
ومازلت اسمع
بعدين رخيت شلت الحزام ....
طلع حزام الشنطة حقتي !!!!!!!!!!هههههههههه:
قلت : داااااااااااااااااهيه .حصلتها ...
وكان قلبي يدق بشكل موطبيعي استانست ..الحمدلله
قلت أي هذا كان بس اختبار ...لانجحت ولافشلت فيه
لاني عصبت في البداية وبعدين هدأت ...يعني لوماكنت محرمة ..كان غير بصير !!!!!!!
بس زعلت ...
ليش ؟؟؟
ع الجوال ؟؟؟!!!!
لا..
على مايحويه الجوال
الجوال اشتريته قبل انتصار حزب الله باسبوع يمكن
ولما صار الانتصار ..صورت السيد ..مقاطع المهمة اللي عجبتني ....
صور تفشل هيه لاني ماعرف اصور كنت توني ...بس لانها خاصة فيني واني اللي صورتها يعني ..ليلى exclusive" هههههه
ماموجودة عند احد غيري ...
وفي مقاطع من كلام السيد راسلينها لي ..وفيه صور ..هذي امرها سهل ..
بس اللي صورتها اهم شي ..وفيه صوت طفل يقول شعر وصوت عجوز لبناني يقول شعر في السيد والمقاومة ...
وفيه مقطع فيديو للمذيع علي المسمار ..يعجبني هذا المذيع ..سجلته بعد !!!!!!!

وكل هذا كان يوم الانتصار صورته بكاميرا جوالي الخاصة !!!!!!!!هههههههههه
هذا اللي زعلت عليه ...بس رجع لي ....
الصوت اللي كنت اسمعه كان صوت السيد حسن بالفعل لان كان الشيخ يتصل لعل وعسى نشوف الجوال بالباص ...
كانت رسالة الامين حاطتها نغمة "وصلتني رسالتكم وسمعت مقالتكم ......الخ"وهذي الها حكاية بعد ..اقولها لكم المره الجاية
وعاد إليّ حبيبي ..!!!!!!! جوالي الغالي على قلبي !
تحياتي
تحياتي : عاشقة نصر الله