[عشق الكلمة]

من قوانين الطبيعة مما وصلني عبر الايميل
· قانون الاصطفاف
أذا صاف في طابور بطئ فغيرته ورحت غيره ،، طابورك اللي غيرته فجأة يصير يمشى أسرع من اللي انت الحين فيه.
· قانون التلفون
عمرك ما تتصل رقم غلط، ويطلع مشغول .
· قانون التصليح
بعد ما إيدك تتوسخ وتتزيت من الماكينة ، يبدأ خشمك يحكك.
· قانون المعدات
إذا طاح من إيدك شئ، تأكد إنه بيظل يتدحرج الى أن يوصل لألعن مكان ما تقدر تطلعه منه .
· قانون الأعذار
اذا تأخرت عن الدوام واعتذرت بأن عندك بنشر (تعطلت سيارتك)
،اليوم اللي بعده بتبنشر من صج .
· قانون الاستحمام
بس تبدا تستحم ، يبدا تلفونك يرررررررررن وما يسكت .
· قانون السينما
تحجز الكراسي اللي محد يطوف منها ، وبس تجلس كل الناس تمر و يدوسونك.
· قانون القهوة
أول ما تجيب لك شاي أو قهوة ساخنة يجي احد يبغيك بشغلة ما تخلص الا لما تبرد قهوتك .
· قانون المصادفات
اذا كنت مع احد وما تبغي احد يشوفك معاه فجأة كل اللي تعرفهم يطلعون في المكان.
· قانون الاقساط
اذا عندك سيارة او اي سلعة بالاقساط ، مجرد ما تخلص الدفع تخترب .
· قانون الزواج
بعد ما يمر شهرين من زواجك ، الكل يسألك ها ما في شئ بالطريج ؟؟
· قانون الاجازات
يوم أجازتك نايم متأخر ومن الصبح يجي أحد يقعدك من عز النوم للدوام.
· قانون المعاش
بس تستلم المعاش كل الطلبات الغير موجودة تطلع لك.
· قانون الطقس
متحمس عندك طلعة مع الربع حداق أو بر،الجو ينقلب لك هوا وغبار وحر ورطوبة الفصول الاربعة بيوم واحد .
· قانون البحث
تدورشئ معين ماتلقاه مع انك كل يوم تشوفه مقابل وجهك.
· قانون الايميلات
خلاص خلصت الايميل ، اللحين بترجع تحط اسمك وترسله على انك كتبته عن يا زعم مومنقول ، نفس ما سويت أنا هههههههههه