[سوسو السنيه]

السلام عليـــكم ورحمه اللــه وبــركاتهـ..

انا والله من زمان نفسي اسال هالسؤال للكـــل..

اولا: أحس ان كل واحد يسجل بمنتدى الثاني عشان السب والشتم

وتستلذوون انكم تتهاووشووون..

الى الان ماشفت بالمنتديات حووار هادف ...

لازم مايخلووو من الشتم..؟؟

طيب ليش .......؟؟؟؟؟؟؟؟؟؟؟؟؟؟

كل واحد يقووول وجهه نظره وياناس هذا دين متربين عليه من واحنا صغار

محد يقدر يغير اللثاني الا لما ربي يريد..

الحين كل واحد يكره الثاني بدينه من الاسلوووب...!!!

ثاني شي احس اني ضايعه بالطووفه...

اقولكم مثال انزين...:

انا كنت بمنتدى وكانوو شيعه يدخلوون ويتحاووروون معنــا..

كنت أسالهم صدق عندكم حديث يقووول من قتل سنيا دخل الجنه؟؟(وانا اوجه لكم هذا السؤال الحين)...

رد علي قال لا ماعندنا انتوو عندكم حديث ان الي يقتل شيعي يدخل الجنهـ,,,

(جلست احلف له والله ماعندنا شي زي كذا)...

اساله واوريه صوور اطفال يجرحوونهمم اهاليهم بالسكين وهيك صور بشعه

وفيديووو..يقولوون لا موبهالقوووهـ...

طيب ســؤالي اذا احنا عندنا افكار عن الشيعه ونسالهم يقولون لا...

وهم بعد لما يجي واحد يقوول انتوو يالسنيين كذا وكذا واقول لاوالله ماعندنا..



ســـؤالي يعني بفهم من ويييييييييييين كل واحد يجيب الحكي..

وشي هالفتنهـ..؟؟؟

انا ان شاء الله سجلت لان ودي افهم اشياء

وانا ماحب اسلوووب التهجم ماحب اتهجم ع احد ولا احد يتهجم علي..ديننا الاسلام كلنا يعني سنه وشيعه ماحثنا ع هالاسلوووب بالحووار...
ابغى حوار هادف يفهمني وافهمكم...!!

وان شاء الله عندي مواضيع ابي افهمها منكم..وراح انزلها...

بحفظ الرحمن..