[في الروحْ تَسكنْ]

قبل شوي .. إنهطلت .. وقلت بروح أسقي الورد والشجر في حديقة بيتنا ...
وماماتي تهاوشني .. تقول جنيتي ..
الوقت ظهر .. وحر وشمس ..
لكن أنا عنيدة ..
قرفانه من الحمى الي ساكنة في جسدي من أمس ..
وفجأة لمحت شئ ...
بصراحة في البداية ماصدقت ..
وإضطريت أدش بين فروع أشجار الورد والشوك ..
وفي النهاية لقيت هالمفاجأة الي عمرها ماخطرت على بالي ...
بس السؤال إلي يطرح نفسه .. إذا كانت فروع الشجر حفيفة ..
والعش صغير .. والبيض حجمه كبير بإعتقادي ...
أي من الطيور صاحب هذي البيضتين .. طبعا العصفورة مستحيل .. بس شنو من الطيور ..
ما أدري ..
أخاف إنها دجاجة جيرانا .. إنهطلت وجنت وجات تبيض فوق الشجر
لكن خلاص .. من هاللحظة كل يوم براقب ... ابي أعرف .. وراح أصور .. الكتاكيت لما يشرفونا ..
وراح أسمي واحد شهد والثاني شهودة