[baby cat]

بسم الله الرحمن الرحيم
السلام عليكم رحمة الله وبركاته
منهو بقالي كان عني تخليت
وانت الوحيد الي بعمري بقالي
الحب ماهو بس خذني انا جيت
الحب وقفة بين غالي وغالي
أحلم بشوفك شوفة الحي للميت
الي عن أيامه خذته الليالي***************************
أصبر ياقلبي وأنتظر خل الحزن مكتوم
كل المعاني تـغيرت واتضحت الصوره
صار الصدق في هالزمن مثل الوفا معدوم
ونفوسنا تـجرحت والفرحه مكسوره
كل المبادئ تنشرى واللي معاه يسوم
حتى المشاعر ارخصت والكلمة مهدوره
*********************
صرت أتشفق شوفتك يوم بالعام ..
من عقب منت عندي العام كله ..
وأصرخ على ماضي الهوى مثل الأيتام ..
ومثل الطفل لين فطم قبل حله ..
أحدن تمنى شوفته طول الأيام ..
وأحدن تشوفه ساعتين وتمله ..
*************************
أجامل أحبابي وربعي والأخـــوان
جبر الخواطر صار معنى حضوري
أعطيهم الفرحه وأنا وسط الآحزان
وأجبر كسور الغير وأهمل كسوري*************************
باقضي ايامي غريق بوحدتي
مركبي ذكرى وأحلامي شراع
في بحر شوقي بواصل رحلتي
لين أواجه من ترك قلبي ولاع
وإن كتب ربي في بحره موتتي
لي رجاءلاتدفنوني وسط قاع
لكن ارموا عند بابه جثتي
واكتبوا مشتاق حاول ما استطاع************************
لحظه حبيبي وقف هناك بالدور
مانيب فاضي يمكن افضى لك اشوي
لازم تذوق المر وتعيش مكسور
واكويك من جمر الهوى لاغدى حي
ولو بعت لي عمرك فلا قلت مشكور..
لانك بعيني صرت كلك ولا شي
***********************
فقير حظ وراس مالي ثيابي
وأبسط طموحاتي تهز أعمدتهم
فاتح لهم قلبي وطيبي وبابي
وعيونهم قبل الحكي فاضحتهم
قالوا وقالوا واشبعوا بأغتيابي
هذي نواياهم وذيك ألسنتهم
حتى وأنا اتألم وأموت فعذابي
دمعات عيني بالحزن فرحتهم
**************************
دار الزمان وشفت فيه العجايب
شفت الغلا والبين والزين والشين
شفت القلوب الحاقده والحبايب
واللي يعيش بوجه واللي بوجهين
تلقا الجفا والصد طبع القرايب
وإلا الوصل والطيب طبع البعيدين

**************************
بحثت عنك ، ولا لقيتك مع الناس
وين أنت ؟ياللي ماتصون الموّدة
ان كان شح الوصل يازين لاباس
والله لاجازي صدتك لي بصـــده*************************
ياما نصحتك و قلت البنت لعابة..
تستاهل اللي يجي لك من سبايبها..
شعارها للمحب " كل شي بحسابه "..
و إن طحت لا صبتها ولا انت سايبها...
وإن جيت للصدق تراها صدق كذابة..
و أول دليل <<إني واحد من حبايبها>>..
اختكم ,, فوزولو