تعاهدنا بأن نبقى على العهد
مع المظلوم من المهد إلى اللحد
نحيب الليل عالي .. ووجه الحزن أسود
وما أقسى الليالي .. على آل محمد
وهل قرت بزينب .. لياليها المهولة
بحيث الليل يتعب .. إذا أرخى سدوله
فبدئاً بالمدينة .. وكم عاشت حزينة .. على راعي السكينة
تخيلها .. تأملها .. تسيل الروح بالخدِ
تناديه .. وتبكيه .. لقد أفجعت يا جدي
تقطعنا .. وقد ضعنا .. بليل اليتم والوجدِ
وهل تدري .. بما يجري .. على أبناك من فقدِ
مروراً قبل عاشر .. على دار البتوله
ومنها الضلع مكسور .. وهذي أي ليلة
بها الحوراء باتت .. بجمر من أنينِ
وكالزهراء ماتت .. على ذبح الجنينِ
ولما شيعوها .. عليها أفجعوها .. بليلٍ ضيعوها
ومن جرح .. إلى جرح .. ظلام الليل ألقاها
ومن يتم .. إلى يتم .. رمتها كف دنياها
وما قرت .. وقد فرت .. إلى الكرار عيناها
وكم ترنو .. بها يحنو .. وبالمحراب أدماها
×××
يا ليل عد من أساكَ الفجيعِ
واغسل من الدمع حزن البقيعِ
فزينب قد تشظت .. واستفاضت .. بالمحن
وناحت من لهمي .. يبن أمي .. يا حسن
وما باليدِ .. أيا كبدِ .. أنا والأسى .. على موعدِ
قد سممتني عليك الليالي
مالي الأسى يبن أمي ومالي
وكانت تتلوى .. بين بلوى .. وهموم
وقلب لأخيها .. ذاب فيها .. بالسموم
تمر الليال .. عليها جبال .. وأوجاعها .. تفوق الخيال
×××
أيام .. كلها آلام .. كلها أحلام .. لم ترى النور
عاشتها .. بالأسى حاطتها .. كربلا زادتها .. للشجى طورا
يا صبراً .. صاغ فيها قبراً .. في الضلوع دهراً .. كان محفورا
واويلاه .. أي قلب يبلى .. في حناياها .. لا زال مفطورا
وقد جائت إلى الطفِ .. ومن يطفي مآسيها
عسى قلبي لها يُلقى .. لكي يبقى يسليها
ألا يا ليل يكفيك .. وكم بلوى بقت فيك
توافيها بهم .. وبالصبر توافيك
يا حوراء .. أقبلت عاشورا .. والجراحات تورى .. كالبراكينِ
والليل .. والقنا والخيل .. والأسى والويل .. في الشرايينِ
كم تجري .. مهجة بالنهرِِ .. بين جيش الكفرِ .. والصياوينِ
لا تدمي .. عينكِ بالهمِ .. يا فداك دمي .. ارحمي عيني
أنا أدري بكِ زينب .. إذا ينصب لك مدمع
تكاد السبع أن تهوي .. يكاد العرش أن يجزع
غداً يوم المجازر .. غداً تبلى السرائر
ألا رفقاً بزينب .. ألا يا ليل عاشر
×××
يا ظلام الدجى .. هذه نينوى
والردى في الدماء .. والنحور استوى
بالخيام تحوم المنايا .. وغداً سوف تهوي الضحايا
والحسين غداً سوف يمضي .. ساعد الله أم الرزايا
آخر العهد هذا .. بوجه الحسين
بالقنا هل لكِ .. تنظريه بعين
ثم ترمي رياح الليالي .. ليلة مثل وزن الجبالِ
ليس في الخدر إلا اليتامى .. وهو من سيد الكون خالي
×××
تعاهدنا بأن نبقى على العهد
مع المظلوم من المهد إلى اللحد
في حيرة وكلي أوجاع .. اجيت أسأل حزنكم
سؤال بقلبي هالساع .. أريد جوابه منكم
من اللي عنده مولود .. اجاله بالسلامة
إذا هالليلة موجود .. وجب دمعه يتهامى
لو أن أحجي له ساعة .. ويشاركني بسماعه .. ويثيب الله افتجاعه
مثل هاليوم .. صباح الشوم .. جرت في كربلا حجاية
أوصلها .. وأفصلها .. وخلك حاضر ويايه
يا شيعي جان .. قبل أزمان .. طفل بيه الحسن آية
يفيض بنور .. وعمره شهور .. طفل أعذب من المايه
يا تارك طفلك وجيت .. تذكر شلي فعلته
قبل لا تترك البيت .. على صدرك حملته
طفل ما كمل العام .. يجذبك من تشوفه
في عينه تشدك أحلام .. ولا ودك تعوفه
وفي هالحالة العجيبة .. أخبرك بمصيبة .. غريبة اش قد غريبة
وسط صيوان .. أبو حيران .. رضيعه مهيج أحزانه
يسمعه ينوح .. يفت الروح .. ونوحه مغير ألوانه
لو ايجي له .. ولو ايشيله .. ويضمه بدفئ أحضانه
بعد يبجي .. ويظل يبجي .. ويبين يابس لسانه
×××
تدري الأبو من ومن هاليحمله
هذا الولي حسين وعبد الله طفله
يشوفه جمرة تمتد .. والعدو سد .. عالنهر
شسوي طفله ظامي .. ودمعه هامي .. يا قهر
حسين .. واحسين .. حسين .. واحسين
طفلك يا شيعي شلي يريده بنوحه
بس من تضمه تسكن لهفة روحه
إمامك طفله ينحب .. جبده يلهب .. جم ضرام
أسف ما عنده قطرة .. يروي صدره .. يا حرام
حسين .. واحسين .. حسين .. واحسين
×××
يالتسمع .. من يمر المصرع .. حق عليك المدمع .. يجري من عينك
لا تغفل .. واستمع شل يحصل .. هذا هذا المقتل .. هيأ ونينك
من طفلك .. هالألم يوصلك .. يا صبر تتملك .. الله يعينك
يا الله .. والطفل عبد الله .. يالموالي والله .. تلطم جبينك
حمل طفله على ايدينه .. يراويهم تعب عينه
عساهم يعطفون عليه .. وين اللي يحس وينه
نخاهم من دليله .. يحن والله كفيله
أفاعي اش يهقى منهم .. ضمايرهم قتيلة
ما كمل .. نخوته وتأمل .. يا قلب يتحمل ..
لا كلمة .. لا عطف لا رحمة .. شنهي هاي الأمة
لو منعت .. والجواب امتنعت .. جنها بس ما سمع
ما تقدر .. والجرايم تسعر .. والضغاين تك
على الحسرة اجت حسرة .. عسى الله يساعد الزهراء
تمكن حرملة بسهمه .. يصوب للطفل نحره
ومن حسين اعتلت آه .. ورمى صوب السماء دماه
يا ربي اقبل رضيعي .. وينادي وارضيعاه
×××
كل قلب كل نحر .. منجرح بالسهم
كل أبُ كل طفل .. ليهم أهدي الألم
أهدي كل والدة تعز ابنها .. ترضى عالليلة صافي حزنها
يجري عبد الله قصة بلبنها .. ونحره ينبع دماء من جفنها
خل تشوف الملى .. وش فعل حرمله
ما رعى المصطفى .. ولا حفظ حرمه له
حرمله بسهمه عاف الرجولة .. وانتهك كل برائة وطفولة
حارب بفعله الله ورسوله .. والبتوله وأهالي البتوله
×××
تعاهدنا بأن نبقى على العهد
مع المظلوم من المهد إلى اللحد
هدت السيوف والرماح .. وجه الغبرة دامي
والفرات انطفى وراح .. يجر ذنوبه ظامي
وظل مرمل حسين .. على الغبرة بونينه
وكل من شابح العين .. من اللي يحز وتينه
من اللي فاقد إحساس .. رجس من زمرة أرجاس .. يروح ويفصل الراس
أبو اليمه .. محد يمه .. وحيد انسلبت عزومه
يجر ونة .. اثر ونة .. ويخضب شيبه بدمومه
رمى بروحه .. على جروحه .. طريح بوسطة الحومة
بقى موسد .. تريب الخد .. عطيش وجبده محمومة
يون وراسه مكشوف .. من اللي يفري نحره
ولا واحد من الخوف .. شهر سيفه وتجرأ
لعند جسمه يقربون .. ويشوفونه بسكينة
من الرهبة يفرون .. إذا نظروا في عينه
في عينه الهادي يظهر .. في عينه الزهراء تزهر .. في عينه الوالي حيدر
محد يقدر .. من العسكر .. محد غير الشمر وحده
عدو ربه .. حجر قلبه .. عديم الغيرة شيرده
نوى ينحره .. وعلى صدره .. صعد بنعاله وتعدى
عدل راسه .. وأسف داسه .. ورفع رجله وركل خده
واحسيناه واغريباه
فداك نفسي يا أبا عبد الله
×××
فتح ولينا ونظر له يسأله
يالناوي بيه شنهو اللي تفعله
وش أصلك توطي صدري .. وانته تدري .. من أكون
أخبرك طه جدي .. ودرعه عندي .. وما أهون
تدوس الكتاب .. آه يا عظم المصاب .. نجس يا شمر .. عذابك عذاب
اذبحني لكن قبل ذبحي صبرك
واسقيني قطرة وأنا اليضمن أجرك
شضرك تروي قلبي .. لله حسبي .. في ظماي
أعاني شنهي بلوى .. ما تروى .. حتى ماي
صهرني الظمأ .. وحق السماء .. يشب قلبي نار .. ولا ترحمه
العرض الشجري