[الحيدرية]

' أول دمعة'

بصوت الرادود الحسيني الشيخ حسين الأكرف

في موسم عاشوراء الحسين 'ع' 1429هـ

للشعراء :

نادر التتان– الشيخ عباس الريس

- عبدالله القرمزي– ملا سعيد العرب

- الشيخ عبدالهادي المخوضر

' أول دمعة '

للشاعر نادر التتان

من زمان أذكر في صغري .. وأنا طفل ببادي عمري

كانت أول دمعة زينب .. بالحزن من ﮔـللبي تجري

منولد و السؤال إبخدي مذروف ..

مَدري زينب اسم من أربع حروف ..

لو من أربع مُهج طعنتها السيوف ..

و ابتديت أنعى طفل .. ويا ألمها

ذايب بكل حرف .. من اسمها

من زمان وهذا وضعي .. كربلا مأثره على سمعي

من ينادون على زينب .. نادت جروحي على دمعي

*** *** ***

من زمان أذكر في صغري .. وأنا طفل ببادي عمري

كانت أول دمعة زينب .. بالحزن من ﮔـللبي تجري

أذكر أمي تلفني بدمعة العين ..

وبنفسها على مهدي كتبت حسين ..

و كانت تغمض عيوني على بيتين ..

راحت إلكربلا .. بالسكينة

و رجعت منحله .. للمدينة

من زمان وهذا عهدي .. وأنا رهن ﮔـماطي بعدي

كل مرثيه في زينب .. بدمعي كاتبها على خدي

*** *** ***

من زمان أذكر في صغري .. وأنا طفل ببادي عمري

كانت أول دمعة زينب .. بالحزن من ﮔـللبي تجري

من ﮔـبل لا تشب سنيني بيـَه ..

منهي زينب أسايل ﮔـولوا ليـَه ..

وأسمع الدنيا كلها ترد عليـَه ..

هاي أخوها انجرح .. في عضيده

و تالي يمها إنذبح .. من وريده

من زمان و هذا همي .. و اذكر موصيتني أمي

ما يفارﮒ ﮔـللبي زينب .. لو تفارﮒ روحي جسمي

*** *** ***

من زمان أذكر في صغري .. وأنا طفل ببادي عمري

كانت أول دمعة زينب .. بالحزن من ﮔـللبي تجري

من رضعت المصيبة و صدري عطشان ..

للوجع واللطم بالونه لهفان ..

ما رضعت الهنا و زينب في أحزان ..

ظامي خيها اكتوى .. مع الترايب

بس ﮔـللبها ارتوى .. بالمصايب

من زمان وهذا حالي .. أسهر بنوح الليالي

عالـﮕـمر أعتب واﮔـله .. ارجع إلزينب ياغالي

*** *** ***

من زمان أذكر في صغري .. وأنا طفل ببادي عمري

كانت أول دمعة زينب .. بالحزن من ﮔـللبي تجري